Sickness बद्दल बायबलमधील वचने

अशासाठी की त्यांच्या शरीराला अन्नाची किळस वाटेल आणि त्यांचा जीव मिष्टान्नाचा तिरस्कार करतो.

त्यांचे मांस दिसेनासे होते, आणि त्यांची लपलेली हाडे आता बाहेर लटकलेली दिसतात.

ते त्यांच्या कबरेजवळ पोहोचतात, आणि त्यांचे जीवन मृतांच्या ठिकाणाकडे जाऊन ठेपते.

तरीही त्यांच्या बाजूला जर एखादा दूत, हजारांमधला कोणी एक मनुष्य निरोप्या असला, जो न्यायी जीवन कसे जगावे याविषयी सांगण्यासाठी पाठविलेला असला,

आणि त्या व्यक्तीबद्दल दया दाखवून तो परमेश्वराला म्हणतो, ‘त्यांना मरणाकडे जाण्यापासून वाचवा; त्यांच्यासाठी खंडणी मला मिळाली आहे—

हे याहवेह, माझ्या परमेश्वरा, मी तुम्हाला साहाय्यासाठी विनवणी केली आणि तुम्ही मला रोगमुक्त केले.

संगीत दिग्दर्शकासाठी. दावीदाचे स्तोत्र याहवेह, मी केवळ तुमच्याच ठायी आश्रय घेतला आहे; मला कधीही लज्जित होऊ देऊ नका; आपल्या नीतिमत्वानुसार मला सोडवा.

तुम्ही आपले कान माझ्याकडे लावा; त्वरेने येऊन मला सोडवा; माझ्या आश्रयाचे खडक व्हा, मला वाचवण्यासाठी बळकट दुर्ग व्हा.

कारण तुम्हीच माझे खडक व माझे दुर्ग आहात; तुमच्या नावाकरिता मला मार्गदर्शन करा आणि मला चालवा.

माझ्यासाठी लावलेल्या सापळ्यांमघून तुम्ही मला बाहेर काढा, कारण तुम्हीच माझे आश्रयदुर्ग आहात.

मी माझा आत्मा तुमच्या स्वाधीन करतो; माझ्या विश्वासयोग्य याहवेह, तुम्ही मला मुक्त केले.

मी व्यर्थ मूर्तिपूजकांचा तिरस्कार करतो; परंतु माझा भरवसा याहवेहवर आहे.

तुमच्या प्रीतीमुळे मी आनंदाने प्रफुल्लित झालो आहे, कारण तुम्ही माझ्या पीडा पाहिल्या आहेत आणि माझ्या आत्म्यातील संघर्ष तुम्हाला समजले आहेत.

तुम्ही मला माझ्या शत्रूंच्या स्वाधीन केलेले नाही, परंतु तुम्ही माझे पाय विशाल जागी स्थिरावले आहेत.

ते आजारी असताना, मी गोणपाट नेसून शोक केला; नम्र होऊन मी त्यांच्यासाठी उपास केले. परंतु माझ्या प्रार्थना उत्तर न मिळताच माझ्याकडे परत आल्या.

ते रोगशय्येवर असता याहवेह त्यांना सांभाळतात; ते आजारी असता त्यांना आरोग्य देऊन त्यांचे अंथरूण बदलतात.

कारण ते पारध्याच्या पाशापासून आणि प्राणघातक मरीपासून तुझे रक्षण करतील.

ते आपल्या परांनी तुझ्यावर पाखर घालतील, त्यांच्या पंखाखाली तुला आश्रय मिळेल; त्यांचे सत्य तुझी ढाल व गड होईल.

तुला अंधकाराच्या आतंकाचे भय वाटणार नाही, किंवा दिवसा सुटणार्‍या बाणांचेही नाही.

अंधारात दबा धरून राहणार्‍या मरीचे, किंवा भर दुपारी येणार्‍या आपत्तीचेही भय वाटणार नाही.

हजार लोक तुझ्याजवळ पडले, आणि दहा हजार तुझ्या उजव्या बाजूला पडले, तरी ती संकटे तुझ्या जवळदेखील येणार नाहीत.

दावीदाची रचना माझ्या जिवा, याहवेहचे स्तवन कर; माझ्या संपूर्ण अंतरात्म्या, त्यांच्या पवित्र नामाचे स्तवन कर.

हे माझ्या जिवा, याहवेहचे स्तवन कर; त्यांनी केलेले उपकार कधीही विसरू नको.

जे तुझ्या सर्व अपराधांची क्षमा करतात, जे तुझे सर्व रोग बरे करतात.

काही लोकांनी त्यांच्या बंडखोर वृत्तीमुळे मूर्खपणा केला, आणि त्यांनी केलेल्या पापामुळे ते पीडित झाले.