פסוקים על Sickness

וזהמתו חיתו לחם ונפשו מאכל תאוה׃

יכל בשרו מראי ושפי עצמותיו לא ראו׃

ותקרב לשחת נפשו וחיתו לממתים׃

אם יש עליו מלאך מליץ אחד מני אלף להגיד לאדם ישרו׃

ויחננו ויאמר פדעהו מרדת שחת מצאתי כפר׃

יהוה אלהי שועתי אליך ותרפאני׃

¶ למנצח מזמור לדוד בך יהוה חסיתי אל אבושה לעולם בצדקתך פלטני׃

הטה אלי אזנך מהרה הצילני היה לי לצור מעוז לבית מצודות להושיעני׃

כי סלעי ומצודתי אתה ולמען שמך תנחני ותנהלני׃

תוציאני מרשת זו טמנו לי כי אתה מעוזי׃

בידך אפקיד רוחי פדיתה אותי יהוה אל אמת׃

שנאתי השמרים הבלי שוא ואני אל יהוה בטחתי׃

אגילה ואשמחה בחסדך אשר ראית את עניי ידעת בצרות נפשי׃

ולא הסגרתני ביד אויב העמדת במרחב רגלי׃

ואני בחלותם לבושי שק עניתי בצום נפשי ותפלתי על חיקי תשוב׃

יהוה יסעדנו על ערש דוי כל משכבו הפכת בחליו׃

כי הוא יצילך מפח יקוש מדבר הוות׃

באברתו יסך לך ותחת כנפיו תחסה צנה וסחרה אמתו׃

לא תירא מפחד לילה מחץ יעוף יומם׃

מדבר באפל יהלך מקטב ישוד צהרים׃

יפל מצדך אלף ורבבה מימינך אליך לא יגש׃

¶ לדוד ברכי נפשי את יהוה וכל קרבי את שם קדשו׃

ברכי נפשי את יהוה ואל תשכחי כל גמוליו׃

הסלח לכל עונכי הרפא לכל תחלאיכי׃

אולים מדרך פשעם ומעונתיהם יתענו׃