פסוקים על Sickness: Through the touch of his garment

ויכירו אתו אנשי המקום ההוא וישלחו אל כל סביבותיהם ויביאו אליו את כל החולים׃

ויבקשו ממנו כי יגעו רק בציצת בגדו וכל הנגעים נושעו׃

ויהי כשמעה את שמע ישוע ותבוא בהמון העם מאחריו ותגע בבגדו׃

כי אמרה רק אם אגע בבגדיו אושע׃

וייבש מקור דמיה פתאם ותבן בבשרה כי נרפא נגעה׃

וברגע ידע ישוע בנפשו כי גבורה יצאה ממנו ויפן בתוך העם ויאמר מי נגע בבגדי׃

ויאמר אליו תלמידיו אתה ראה את ההמון דוחק אתך ואמרת מי נגע בי׃

ויבט סביב לראות את אשר עשתה זאת׃

ותירא האשה ותחרד כי ידעה את אשר נעשה לה ותבא ותפל לפניו ותגד לו את האמת כלה׃

ויאמר אליה בתי אמונתך הושיעה לך לכי לשלום וחיית מנגעך׃