פסוקים על War

639 פסוקים · 45 היבטים

פסוקי מפתח

1 שְׁמוּאֵל כ״ז:ט׳
והכה דוד את הארץ ולא יחיה איש ואשה ולקח צאן ובקר וחמרים וגמלים ובגדים וישב ויבא אל אכיש׃
1 שְׁמוּאֵל כ״ז:י׳
ויאמר אכיש אל פשטתם היום ויאמר דוד על נגב יהודה ועל נגב הירחמאלי ואל נגב הקיני׃
1 שְׁמוּאֵל כ״ז:י״א
ואיש ואשה לא יחיה דוד להביא גת לאמר פן יגדו עלינו לאמר כה עשה דוד וכה משפטו כל הימים אשר ישב בשדה פלשתים׃
1 שְׁמוּאֵל ל׳:ז׳
ויאמר דוד אל אביתר הכהן בן אחימלך הגישה נא לי האפד ויגש אביתר את האפד אל דוד׃
1 שְׁמוּאֵל ל׳:ח׳
וישאל דוד ביהוה לאמר ארדף אחרי הגדוד הזה האשגנו ויאמר לו רדף כי השג תשיג והצל תציל׃
2 שְׁמוּאֵל ב׳:כ״ו
ויקרא אבנר אל יואב ויאמר הלנצח תאכל חרב הלוא ידעתה כי מרה תהיה באחרונה ועד מתי לא תאמר לעם לשוב מאחרי אחיהם׃
2 שְׁמוּאֵל ג׳:א׳
¶ ותהי המלחמה ארכה בין בית שאול ובין בית דוד ודוד הלך וחזק ובית שאול הלכים ודלים׃
2 שְׁמוּאֵל ה׳:כ״ב
ויספו עוד פלשתים לעלות וינטשו בעמק רפאים׃
2 שְׁמוּאֵל ה׳:כ״ג
וישאל דוד ביהוה ויאמר לא תעלה הסב אל אחריהם ובאת להם ממול בכאים׃
2 שְׁמוּאֵל ה׳:כ״ד
ויהי בשמעך את קול צעדה בראשי הבכאים אז תחרץ כי אז יצא יהוה לפניך להכות במחנה פלשתים׃
2 שְׁמוּאֵל ט״ז:כ׳
ויאמר אבשלום אל אחיתפל הבו לכם עצה מה נעשה׃
2 שְׁמוּאֵל י״ז:א׳
¶ ויאמר אחיתפל אל אבשלם אבחרה נא שנים עשר אלף איש ואקומה וארדפה אחרי דוד הלילה׃
2 שְׁמוּאֵל י״ז:ב׳
ואבוא עליו והוא יגע ורפה ידים והחרדתי אתו ונס כל העם אשר אתו והכיתי את המלך לבדו׃
2 שְׁמוּאֵל י״ז:ג׳
ואשיבה כל העם אליך כשוב הכל האיש אשר אתה מבקש כל העם יהיה שלום׃
2 שְׁמוּאֵל י״ז:ד׳
ויישר הדבר בעיני אבשלם ובעיני כל זקני ישראל׃
2 שְׁמוּאֵל י״ז:ה׳
ויאמר אבשלום קרא נא גם לחושי הארכי ונשמעה מה בפיו גם הוא׃
2 שְׁמוּאֵל י״ז:ו׳
ויבא חושי אל אבשלום ויאמר אבשלום אליו לאמר כדבר הזה דבר אחיתפל הנעשה את דברו אם אין אתה דבר׃
2 שְׁמוּאֵל י״ז:ז׳
ויאמר חושי אל אבשלום לא טובה העצה אשר יעץ אחיתפל בפעם הזאת׃
2 שְׁמוּאֵל י״ז:ח׳
ויאמר חושי אתה ידעת את אביך ואת אנשיו כי גברים המה ומרי נפש המה כדב שכול בשדה ואביך איש מלחמה ולא ילין את העם׃
2 שְׁמוּאֵל י״ז:ט׳
הנה עתה הוא נחבא באחת הפחתים או באחד המקומת והיה כנפל בהם בתחלה ושמע השמע ואמר היתה מגפה בעם אשר אחרי אבשלם׃
2 שְׁמוּאֵל י״ז:י׳
והוא גם בן חיל אשר לבו כלב האריה המס ימס כי ידע כל ישראל כי גבור אביך ובני חיל אשר אתו׃
2 שְׁמוּאֵל י״ז:י״א
כי יעצתי האסף יאסף עליך כל ישראל מדן ועד באר שבע כחול אשר על הים לרב ופניך הלכים בקרב׃
2 שְׁמוּאֵל י״ז:י״ב
ובאנו אליו באחת המקומת אשר נמצא שם ונחנו עליו כאשר יפל הטל על האדמה ולא נותר בו ובכל האנשים אשר אתו גם אחד׃
2 שְׁמוּאֵל י״ז:י״ג
ואם אל עיר יאסף והשיאו כל ישראל אל העיר ההיא חבלים וסחבנו אתו עד הנחל עד אשר לא נמצא שם גם צרור׃
2 שְׁמוּאֵל י״ז:י״ד
ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃

מציג 226–250 מתוך 639 פסוקים

הקודם 1...8 9 10 11 12...26 הבא