פסוקים על Traitor: Judas

וילך אחד משנים העשר הנקרא יהודה איש קריות אל ראשי הכהנים׃

ויאמר מה תתנו לי ואמסרנו בידכם וישקלו לו שלשים כסף׃

ומן העת ההיא בקש תאנה למסר אותו׃

קומו ונלכה הנה הלך וקרב המסר אותי׃

עודנו מדבר והנה בא יהודה אחד משנים העשר ועמו המון רב ברחבות ובמקלות מאת ראשי הכהנים וזקני העם׃

והמסר אתו נתן להם אות לאמר האיש אשר אשקהו זה הוא תפשוהו׃

ומיד נגש אל ישוע ויאמר שלום לך רבי וינשק לו׃

ויאמר אליו ישוע רעי על מה באת ויגשו וישלחו את ידיהם בישוע ויתפשו אתו׃

ויהודה איש קריות אחד משנים העשר הלך אל ראשי הכהנים למסר אותו אליהם׃

והם כשמעם שמחו ויאמרו לתת לו כסף ויבקש תאנה למסרו׃

עודנו מדבר ויהודה בא והוא אחד משנים העשר ועמו המון רב בחרבות ובמקלות מאת הכהנים הגדולים והסופרים והזקנים׃

והמוסר אתו נתן להם אות לאמר האיש אשר אשקהו זה הוא אותו תפשו והוליכהו אל ימלט׃

הוא בא והוא נגש אליו ויאמר רבי רבי וינשק לו׃

והשטן נכנס ביהודה המכנה איש קריות והוא במספר שנים העשר׃

וילך וידבר עם ראשי הכהנים ושרי החיל איך ימסרנו אל ידם׃

וישמחו ויאתו לתת לו כסף׃

ויבטח אתם ויבקש תואנה למסרו אליהם שלא לעיני ההמון׃

אך הנה יד המסר אותי אתי על השלחן׃

כי הן בן האדם הלך לו כפי אשר נחרץ עליו אבל אוי לאיש ההוא אשר על ידו ימסר׃

והם החלו לחקר איש את רעהו מי הוא זה מהם אשר יעשה זאת׃

]74-64[׃

ויאמר ישוע אליו יהודה הבנשיקה אתה מוסר את בן האדם׃

ויהי אחרי החל הסעודה והשטן נתן בלב יהודה בן שמעון איש קריות למסרו׃

ואחרי בלעו בא השטן אל קרבו ויאמר אליו ישוע את אשר תעשה עשה מהרה׃

ומן המסבים לא ידע איש על מה דבר אליו כזאת׃