פסוקים על Sodom

91 פסוקים · 8 היבטים

פסוקי מפתח

סינון לפי ספר
  1. בְּרֵאשִׁית י״ט:י״ז

    ויהי כהוציאם אתם החוצה ויאמר המלט על נפשך אל תביט אחריך ואל תעמד בכל הככר ההרה המלט פן תספה׃

  2. בְּרֵאשִׁית י״ט:י״ח

    ויאמר לוט אלהם אל נא אדני׃

  3. בְּרֵאשִׁית י״ט:י״ט

    הנה נא מצא עבדך חן בעיניך ותגדל חסדך אשר עשית עמדי להחיות את נפשי ואנכי לא אוכל להמלט ההרה פן תדבקני הרעה ומתי׃

  4. בְּרֵאשִׁית י״ט:כ׳

    הנה נא העיר הזאת קרבה לנוס שמה והיא מצער אמלטה נא שמה הלא מצער הוא ותחי נפשי׃

  5. בְּרֵאשִׁית י״ט:כ״א

    ויאמר אליו הנה נשאתי פניך גם לדבר הזה לבלתי הפכי את העיר אשר דברת׃

  6. בְּרֵאשִׁית י״ט:כ״ב

    מהר המלט שמה כי לא אוכל לעשות דבר עד באך שמה על כן קרא שם העיר צוער׃

  7. בְּרֵאשִׁית י״ט:כ״ג

    השמש יצא על הארץ ולוט בא צערה׃

  8. בְּרֵאשִׁית י״ט:כ״ד

    ויהוה המטיר על סדם ועל עמרה גפרית ואש מאת יהוה מן השמים׃

  9. בְּרֵאשִׁית י״ט:כ״ה

    ויהפך את הערים האל ואת כל הככר ואת כל ישבי הערים וצמח האדמה׃

  10. בְּרֵאשִׁית י״ט:כ״ו

    ותבט אשתו מאחריו ותהי נציב מלח׃

  11. בְּרֵאשִׁית י״ט:כ״ז

    וישכם אברהם בבקר אל המקום אשר עמד שם את פני יהוה׃

  12. בְּרֵאשִׁית י״ט:כ״ח

    וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשן׃

  13. בְּרֵאשִׁית י״ט:כ״ט

    ויהי בשחת אלהים את ערי הככר ויזכר אלהים את אברהם וישלח את לוט מתוך ההפכה בהפך את הערים אשר ישב בהן לוט׃

  14. דְּבָרִים כ״ג:י״ז

    לא תהיה קדשה מבנות ישראל ולא יהיה קדש מבני ישראל׃

  15. דְּבָרִים כ״ט:כ״ג

    גפרית ומלח שרפה כל ארצה לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו׃

  16. דְּבָרִים ל״ב:ל״ב

    כי מגפן סדם גפנם ומשדמת עמרה ענבמו ענבי רוש אשכלת מררת למו׃

  17. יְשַׁעְיָהוּ א׳:י׳

    שמעו דבר יהוה קציני סדם האזינו תורת אלהינו עם עמרה׃

  18. יְשַׁעְיָהוּ ג׳:ט׳

    הכרת פניהם ענתה בם וחטאתם כסדם הגידו לא כחדו אוי לנפשם כי גמלו להם רעה׃

  19. יְשַׁעְיָהוּ י״ג:י״ט

    והיתה בבל צבי ממלכות תפארת גאון כשדים כמהפכת אלהים את סדם ואת עמרה׃

  20. יִרְמְיָהוּ כ״ג:י״ד

    ובנבאי ירושלם ראיתי שערורה נאוף והלך בשקר וחזקו ידי מרעים לבלתי שבו איש מרעתו היו לי כלם כסדם וישביה כעמרה׃

  21. יִרְמְיָהוּ מ״ט:י״ח

    כמהפכת סדם ועמרה ושכניה אמר יהוה לא ישב שם איש ולא יגור בה בן אדם׃

  22. יִרְמְיָהוּ נ׳:מ׳

    כמהפכת אלהים את סדם ואת עמרה ואת שכניה נאם יהוה לא ישב שם איש ולא יגור בה בן אדם׃

  23. אֵיכָה ד׳:ו׳

    ויגדל עון בת עמי מחטאת סדם ההפוכה כמו רגע ולא חלו בה ידים׃

  24. יְחֶזְקֵאל ט״ז:מ״ו

    ואחותך הגדולה שמרון היא ובנותיה היושבת על שמאולך ואחותך הקטנה ממך היושבת מימינך סדם ובנותיה׃

  25. יְחֶזְקֵאל ט״ז:מ״ז

    ולא בדרכיהן הלכת ובתועבותיהן עשיתי כמעט קט ותשחתי מהן בכל דרכיך׃