פסוקים על Sodom: Figurative of wickedness

14 פסוקים · 8 היבטים

פסוקים על Figurative of wickedness

  1. דְּבָרִים כ״ג:י״ז

    לא תהיה קדשה מבנות ישראל ולא יהיה קדש מבני ישראל׃

  2. דְּבָרִים ל״ב:ל״ב

    כי מגפן סדם גפנם ומשדמת עמרה ענבמו ענבי רוש אשכלת מררת למו׃

  3. יְשַׁעְיָהוּ א׳:י׳

    שמעו דבר יהוה קציני סדם האזינו תורת אלהינו עם עמרה׃

  4. יְחֶזְקֵאל ט״ז:מ״ו

    ואחותך הגדולה שמרון היא ובנותיה היושבת על שמאולך ואחותך הקטנה ממך היושבת מימינך סדם ובנותיה׃

  5. יְחֶזְקֵאל ט״ז:מ״ז

    ולא בדרכיהן הלכת ובתועבותיהן עשיתי כמעט קט ותשחתי מהן בכל דרכיך׃

  6. יְחֶזְקֵאל ט״ז:מ״ח

    חי אני נאם אדני יהוה אם עשתה סדם אחותך היא ובנותיה כאשר עשית את ובנותיך׃

  7. יְחֶזְקֵאל ט״ז:מ״ט

    הנה זה היה עון סדם אחותך גאון שבעת לחם ושלות השקט היה לה ולבנותיה ויד עני ואביון לא החזיקה׃

  8. יְחֶזְקֵאל ט״ז:נ׳

    ותגבהינה ותעשינה תועבה לפני ואסיר אתהן כאשר ראיתי׃

  9. יְחֶזְקֵאל ט״ז:נ״א

    ושמרון כחצי חטאתיך לא חטאה ותרבי את תועבותיך מהנה ותצדקי את אחותך בכל תועבתיך אשר עשיתי׃

  10. יְחֶזְקֵאל ט״ז:נ״ב

    גם את שאי כלמתך אשר פללת לאחותך בחטאתיך אשר התעבת מהן תצדקנה ממך וגם את בושי ושאי כלמתך בצדקתך אחיותך׃

  11. יְחֶזְקֵאל ט״ז:נ״ג

    ושבתי את שבותהן את שבית סדם ובנותיה ואת שבית שמרון ובנותיה ושבית שביתיך בתוכהנה׃

  12. יְחֶזְקֵאל ט״ז:נ״ד

    למען תשאי כלמתך ונכלמת מכל אשר עשית בנחמך אתן׃

  13. יְחֶזְקֵאל ט״ז:נ״ה

    ואחותיך סדם ובנותיה תשבן לקדמתן ושמרון ובנותיה תשבן לקדמתן ואת ובנותיך תשבינה לקדמתכן׃

  14. יְחֶזְקֵאל ט״ז:נ״ו

    ולוא היתה סדם אחותך לשמועה בפיך ביום גאוניך׃