פסוקים על Select Readings

802 פסוקים · 47 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים ז׳:י׳

    ויצילהו מכל צרותיו ויתן לו חן וחכמה לפני פרעה מלך מצרים וישימהו שליט על מצרים ועל כל ביתו׃

  2. מַעֲשֵׂי הַשְּׁלִיחִים ז׳:י״א

    ויהי רעב על כל ארץ מצרים וכנען וצרה גדולה ואבותינו לא מצאו אכל׃

  3. מַעֲשֵׂי הַשְּׁלִיחִים ז׳:י״ב

    וישמע יעקב כי יש שבר במצרים וישלח שמה את אבותינו בפעם הראשונה׃

  4. מַעֲשֵׂי הַשְּׁלִיחִים ז׳:י״ג

    ובפעם השנית התודע יוסף אל אחיו ומולדת יוסף נגלתה לפרעה׃

  5. מַעֲשֵׂי הַשְּׁלִיחִים ז׳:י״ד

    וישלח יוסף ויקרא ליעקב אביו ולכל משפחתו בשבעים וחמש נפש׃

  6. מַעֲשֵׂי הַשְּׁלִיחִים ז׳:ט״ו

    וירד יעקב מצרימה וימת הוא ואבותינו׃

  7. מַעֲשֵׂי הַשְּׁלִיחִים ז׳:ט״ז

    ויובאו שכמה ויושמו בקבר אשר קנה אברהם בכספו מיד בני חמור אבי שכם׃

  8. מַעֲשֵׂי הַשְּׁלִיחִים ז׳:י״ז

    ויהי כאשר קרבה עת ההבטחה אשר נשבע אלהים לאברהם ויגדל העם וירב במצרים׃

  9. מַעֲשֵׂי הַשְּׁלִיחִים ז׳:י״ח

    עד כי קם מלך אחר אשר לא ידע את יוסף׃

  10. מַעֲשֵׂי הַשְּׁלִיחִים ז׳:י״ט

    וזה התחכם למשפחתנו וירע לאבותינו ויצו אתם להשליך את עלליהם אל פני השדה לבלתי החיותם׃

  11. מַעֲשֵׂי הַשְּׁלִיחִים ז׳:כ׳

    בעת ההיא נולד משה ויהי טוב לאלהים ויהי אמון בבית אביו שלשה ירחים׃

  12. מַעֲשֵׂי הַשְּׁלִיחִים ז׳:כ״א

    וכאשר השלך אספה אתו בת פרעה ותגדלהו לה לבן׃

  13. מַעֲשֵׂי הַשְּׁלִיחִים ז׳:כ״ב

    וילמד משה בכל חכמת מצרים ויהי גבור בדברים ובמעשים׃

  14. מַעֲשֵׂי הַשְּׁלִיחִים ז׳:כ״ג

    ובמלאת לו ארבעים שנה עלה על לבו לפקד את אחיו בני ישראל׃

  15. מַעֲשֵׂי הַשְּׁלִיחִים ז׳:כ״ד

    וירא איש אחד מעשק חנם ויושע לו ויקם נקמת המכה בהכותו את המצרי׃

  16. מַעֲשֵׂי הַשְּׁלִיחִים ז׳:כ״ה

    ויחשב בלבבו כי יבינו אחיו אשר על ידו יתן האלהים להם תשועה והם לא הבינו׃

  17. מַעֲשֵׂי הַשְּׁלִיחִים ז׳:כ״ו

    ויהי ביום השני ויבא בתוכם והם נצים ויבקש לעשות שלום ביניהם לאמר אנשים אחים אתם ולמה תעשקו איש את אחיו׃

  18. מַעֲשֵׂי הַשְּׁלִיחִים ז׳:כ״ז

    והעשק את רעהו הדפו לאמר מי שמך לאיש שר ושפט עלינו׃

  19. מַעֲשֵׂי הַשְּׁלִיחִים ז׳:כ״ח

    הלהרגני אתה אמר כאשר הרגת אתמל את המצרי׃

  20. מַעֲשֵׂי הַשְּׁלִיחִים ז׳:כ״ט

    ויברח משה על הדבר הזה ויהי גר בארץ מדין ויולד שם שני בנים׃

  21. מַעֲשֵׂי הַשְּׁלִיחִים ז׳:ל׳

    ובמלאת ארבעים שנה נראה אליו מלאך יהוה במדבר הר סיני בלבת אש מתוך הסנה׃

  22. מַעֲשֵׂי הַשְּׁלִיחִים ז׳:ל״א

    וירא משה ויתמה על המראה ובסורו לראות ויהי קול יהוה אליו׃

  23. מַעֲשֵׂי הַשְּׁלִיחִים ז׳:ל״ב

    אנכי אלהי אבותיך אלהי אברהם אלהי יצחק ואלהי יעקב ויחרד משה ויירא מהביט׃

  24. מַעֲשֵׂי הַשְּׁלִיחִים ז׳:ל״ג

    ויאמר אליו יהוה של נעליך מעל רגליך כי המקום אשר אתה עומד עליו אדמת קדש הוא׃

  25. מַעֲשֵׂי הַשְּׁלִיחִים ז׳:ל״ד

    ראה ראיתי את עני עמי אשר במצרים ואת נאקתם שמעתי וארד להצילם ועתה לכה ואשלחך מצרימה׃