פסוקים על Select Readings

802 פסוקים · 47 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים ז׳:ל״ה

    הוא משה אשר כחשו בו לאמר מי שמך לשר ושפט אתו שלח האלהים לשר וגאל ביד המלאך הנראה אליו בסנה׃

  2. מַעֲשֵׂי הַשְּׁלִיחִים ז׳:ל״ו

    והוא הוציאם ויעש אתות ומפתים בארץ מצרים ובים סוף ובמדבר ארבעים שנה׃

  3. מַעֲשֵׂי הַשְּׁלִיחִים ז׳:ל״ז

    הוא משה אשר אמר אל בני ישראל נביא מקרב אחיכם כמני יקים לכם יהוה אלהיכם אליו תשמעון׃

  4. מַעֲשֵׂי הַשְּׁלִיחִים ז׳:ל״ח

    הוא אשר היה בקהל במדבר עם המלאך הדבר אליו בהר סיני ועם אבותינו ואשר קבל דברים חיים לתת לנו׃

  5. מַעֲשֵׂי הַשְּׁלִיחִים ז׳:ל״ט

    הוא אשר אבותינו לא אבו לשמע לו כי אם מאסו אתו ולבבם פנה מצרימה׃

  6. מַעֲשֵׂי הַשְּׁלִיחִים ז׳:מ׳

    ויאמרו אל אהרן עשה לנו אלהים אשר ילכו לפנינו כי זה משה אשר העלנו מארץ מצרים לא ידענו מה היה לו׃

  7. מַעֲשֵׂי הַשְּׁלִיחִים ז׳:מ״א

    ויעשו עגל בימים ההם ויזבחו זבחים לאליל וישמחו במעשה ידיהם׃

  8. מַעֲשֵׂי הַשְּׁלִיחִים ז׳:מ״ב

    ויפן מהם האלהים ויתנם לעבד את צבא השמים כאשר כתוב בספר הנביאים הזבחים ומנחה הגשתם לי במדבר ארבעים שנה בית ישראל׃

  9. מַעֲשֵׂי הַשְּׁלִיחִים ז׳:מ״ג

    ונשאתם את סכת מלכם ואת כוכב אלהיכם רמפן הצלמים אשר עשיתם להשתחות להם והגליתי אתכם מהלאה לבבל׃

  10. מַעֲשֵׂי הַשְּׁלִיחִים ז׳:מ״ד

    משכן העדות היה לאבותינו במדבר כאשר צוה המדבר אל משה לעשות אתו כתבנית אשר ראה׃

  11. מַעֲשֵׂי הַשְּׁלִיחִים ז׳:מ״ה

    ואבותינו לקחהו וגם הביאהו אתם הם ויהושע ברשתם את ארצות הגוים אשר גרש אתם אלהים מפני אבותינו עד ימי דוד׃

  12. מַעֲשֵׂי הַשְּׁלִיחִים ז׳:מ״ו

    והוא מצא חן בעיני אלהים וישאל למצא משכנות לאלהי יעקב׃

  13. מַעֲשֵׂי הַשְּׁלִיחִים ז׳:מ״ז

    ושלמה בנה לו בית׃

  14. מַעֲשֵׂי הַשְּׁלִיחִים ז׳:מ״ח

    אבל העליון לא ישכן בהיכלות מעשי ידים כאשר אמר הנביא׃

  15. מַעֲשֵׂי הַשְּׁלִיחִים ז׳:מ״ט

    השמים כסאי והארץ הדם רגלי אי זה בית אשר תבנו לי אמר יהוה ואי זה מקום מנוחתי׃

  16. מַעֲשֵׂי הַשְּׁלִיחִים ז׳:נ׳

    הלא את כל אלה ידי עשתה׃

  17. מַעֲשֵׂי הַשְּׁלִיחִים ז׳:נ״א

    קשי ערף וערלי לב ואזנים ממרים הייתם תמיד ברוח הקדש כאבותיכם גם אתם׃

  18. מַעֲשֵׂי הַשְּׁלִיחִים ז׳:נ״ב

    מי מהנביאים אשר לא רדפוהו אבותיכם אף המיתו את המבשרים מקדם ביאת הצדיק אשר עתה הייתם אתם מוסריו ומרצחיו׃

  19. מַעֲשֵׂי הַשְּׁלִיחִים ז׳:נ״ג

    אתם אשר קבלתם את התורה על ידי מלאכות המלאכים ולא שמרתם אותה׃

  20. מַעֲשֵׂי הַשְּׁלִיחִים ז׳:נ״ד

    ויהי כשמעם את אלה התרגזו בלבבם ויחרקו עליו שניהם׃

  21. מַעֲשֵׂי הַשְּׁלִיחִים ז׳:נ״ה

    והוא מלא רוח הקדש ויבט השמימה וירא את כבוד אלהים ואת ישוע נצב לימין האלהים׃

  22. מַעֲשֵׂי הַשְּׁלִיחִים ז׳:נ״ו

    ויאמר הנני ראה את השמים נפתחים ואת בן האדם נצב לימין האלהים׃

  23. מַעֲשֵׂי הַשְּׁלִיחִים ט״ז:ט״ז

    ויהי בלכתנו למקום התפלה ותפגע בנו שפחה בעלת אוב אשר עשתה הון רב לאדניה בקסמיה׃

  24. מַעֲשֵׂי הַשְּׁלִיחִים ט״ז:י״ז

    ותלך אחרי פולוס ואחרינו הלוך וקרוא לאמר האנשים האלה עבדי אל עליון המה המודיעים אתנו ארח הישועה׃

  25. מַעֲשֵׂי הַשְּׁלִיחִים ט״ז:י״ח

    וכן עשתה ימים רבים וירע בעיני פולוס הדבר הזה ויפן ויאמר אל הרוח אנכי מצוך בשם ישוע המשיח לצאת ממנה ויצא בשעה ההיא׃