פסוקים על Select Readings

802 פסוקים · 47 היבטים

פסוקי מפתח

סינון לפי ספר
  1. ג'ון י״א:מ״ב

    ואני ידעתי כי בכל עת תענני אולם בעבור העם הזה אשר סביבותי דברתי למען יאמינו בי כי אתה שלחתני׃

  2. ג'ון י״א:מ״ג

    ויהי ככלותו לדבר ויקרא בקול גדול לעזר קום צא׃

  3. ג'ון י״א:מ״ד

    ויצא המת וידיו ורגליו כרוכת בתכריכין ופיו לוטים בסודר ויאמר אליהם ישוע התירו אתו וילך לדרכו׃

  4. ג'ון י״א:מ״ה

    ורבים מן היהודים אשר באו אל מרים בראותם את אשר עשה ישוע האמינו בו׃

  5. ג'ון י״א:מ״ו

    ומקצתם הלכו אל הפרושים ויגידו להם את אשר עשה ישוע׃

  6. מַעֲשֵׂי הַשְּׁלִיחִים ב׳:א׳

    ¶ וביום מלאת שבעת השבעות ויתאספו כלם לב אחד׃

  7. מַעֲשֵׂי הַשְּׁלִיחִים ב׳:ב׳

    ויהי פתאם קול רעש מן השמים כקול רוח סערה וימלא את כל הבית אשר ישבו בו׃

  8. מַעֲשֵׂי הַשְּׁלִיחִים ב׳:ג׳

    ותראינה אליהם לשנות נחלקות ומראיהן כאש ותנוחינה אחת אחת על כל אחד מהם׃

  9. מַעֲשֵׂי הַשְּׁלִיחִים ב׳:ד׳

    וימלאו כלם רוח הקדש ויחלו לדבר בלשנות אחרות כאשר נתנם הרוח להטיף׃

  10. מַעֲשֵׂי הַשְּׁלִיחִים ב׳:ה׳

    ובירושלים שכנו יהודים אנשי חסד מכל גוי וגוי אשר תחת השמים׃

  11. מַעֲשֵׂי הַשְּׁלִיחִים ב׳:ו׳

    ויהי בהיות קול הרעש ההוא ויקבצו עם רב ויהיו נבכים כי איש איש שמע אתם מדברים בשפת עמו׃

  12. מַעֲשֵׂי הַשְּׁלִיחִים ב׳:ז׳

    וישתוממו ויתמהו ויאמרו איש אל רעהו הנה כל אלה המדברים הלא גלילים המה׃

  13. מַעֲשֵׂי הַשְּׁלִיחִים ב׳:ח׳

    ואיך אנחנו שמעים אתם איש כשפת ארץ מולדתנו׃

  14. מַעֲשֵׂי הַשְּׁלִיחִים ב׳:ט׳

    פרתיים ומדים ועילמים וישבי ארם נהרים יהודה וקפודקיה פנטוס ואסיא׃

  15. מַעֲשֵׂי הַשְּׁלִיחִים ב׳:י׳

    פרוגיא ופמפוליא מצרים וחבל לוב אשר על יד קוריני והבאים מרומי גם יהודים גם גרים׃

  16. מַעֲשֵׂי הַשְּׁלִיחִים ב׳:י״א

    כרתים וערבים הנה אנחנו שמעים אתם מספרים בלשנותינו גדלות האלהים׃

  17. מַעֲשֵׂי הַשְּׁלִיחִים ב׳:י״ב

    וישתוממו כלם ויבהלו ויאמרו איש אל אחיו מה תהיה זאת׃

  18. מַעֲשֵׂי הַשְּׁלִיחִים ב׳:י״ג

    ואחרים לעגו ויאמרו כי מלאי עסיס המה׃

  19. מַעֲשֵׂי הַשְּׁלִיחִים ב׳:י״ד

    אז יעמד פטרוס ועשתי העשר עמו וישא את קולו וידבר אליהם אנשי יהודה וישבי ירושלים כלכם זאת תודע לכם והאזינו אל דברי׃

  20. מַעֲשֵׂי הַשְּׁלִיחִים ב׳:ט״ו

    כי אלה לא שכורים המה כאשר חשבתם כי שעה שלישית ביום עתה׃

  21. מַעֲשֵׂי הַשְּׁלִיחִים ב׳:ט״ז

    אבל זה הוא האמור על ידי יואל הנביא׃

  22. מַעֲשֵׂי הַשְּׁלִיחִים ב׳:י״ז

    והיה באחרית הימים נאם אלהים אשפך את רוחי על כל בשר ונבאו בניכם ובנתיכם ובחוריכם חזינות יראו וזקניכם חלמות יחלמון׃

  23. מַעֲשֵׂי הַשְּׁלִיחִים ב׳:י״ח

    וגם על עבדי ועל שפחותי בימים ההמה אשפך את רוחי ונבאו׃

  24. מַעֲשֵׂי הַשְּׁלִיחִים ב׳:י״ט

    ונתתי מופתים בשמים ממעל ואתות בארץ מתחת דם ואש ותימרות עשן׃

  25. מַעֲשֵׂי הַשְּׁלִיחִים ב׳:כ׳

    השמש יהפך לחשך והירח לדם לפני בוא יום יהוה הגדול והנורא׃