פסוקים על Resignation

אבל לעמד עוד בבשר צריך יתר בעבורכם׃

עשו כל דבר בלא תלנות ובלא מזמות׃

ולא ממחסור אדבר כן כי למדתי להסתפק במה שיש לי׃

ידעתי לענות אף ידעתי להותיר מחנך אני בכל ענין ואופן הן לשבע הן לרעב הן להותיר הן לחסר׃

כל זאת אוכל בעזרת המשיח הנותן כח בקרבי׃

להתחזק בכל כח כגבורת כבודו לכל סבלנות וארך רוח עם שמחה׃

שלא ימוט איש במצוקות האלה כי ידעתם אף אתם כי לזאת יעדנו׃

עד כי נתהלל בכם אף אנחנו בקהלות אלהים על סבלנותכם ועל אמונתכם בכל הרדיפות ובכל הלחץ אשר סבלתם׃

וסבל הרעות כאיש חיל בצבא מלחמת ישוע המשיח׃

אבל אתה היה ער בכל סבל הרעות ועשה מלאכת המבשר ומלא את שרותך׃

כי עתה זה אסך נסך ועת פטירתי הגיעה׃

כי הצטערתם על מוסרי וגזלת רכושכם סבלתם בשמחה מדעתכם בנפשכם שיש לכם בשמים קנין טוב ממנו וקים לעד׃

התבוננו אליו אשר נשא כלמת חטאים גדולה כזאת למען לא תיעפו ולא תיגעו בנפשותיכם׃

עדין לא עמדתם עד לדם במלחמתכם עם החטא׃

ותשכחו דבר הנחומים המדבר אליכם כמו אל בנים לאמר מוסר יהוה בני אל תמאס ואל תקץ בתוכחתו׃

כי את אשר יאהב יהוה יוכיח יכאב את בן ירצה׃

אם סבלים אתם מוסר דעו כי כאב עם בניו כן מתנהג אלהים עמכם כי איה הבן אשר אביו לא ייסרנו׃

אך אם תהיו באין מוסר אשר היה מנת כלם אז ממזרים אתם ולא בנים׃

ועוד אם אבות בשרנו היו מיסרים אתנו ונירא מהם אף כי נכנע לפני אבי הרוחות ונחיה׃

כי המה יסרונו כטוב בעיניהם לימים מעטים אבל זה להועיל למען יהיה לנו חלק בקדשתו׃

וכל מוסר בעת עברו עלינו איננו שמחה בעינינו כי אם יגון אולם באחריתו יתן פרי שלום לצדקה למלמדים בו׃

על כן חזקו ידים רפות וברכים כשלות׃

אבל האח השפל יתהלל ברוממתו׃

והעשיר יתהלל בשפלותו כי יעבר כציץ החציר׃

לכן הכנעו לאלהים התיצבו נגד השטן ויברח מפניכם׃