פסוקים על Repentance

343 פסוקים · 65 היבטים

פסוקי מפתח

סינון לפי ספר
  1. יְשַׁעְיָהוּ ל״א:ו׳

    שובו לאשר העמיקו סרה בני ישראל׃

  2. יְשַׁעְיָהוּ מ״ד:כ״ב

    מחיתי כעב פשעיך וכענן חטאותיך שובה אלי כי גאלתיך׃

  3. יְשַׁעְיָהוּ מ״ה:כ״ב

    פנו אלי והושעו כל אפסי ארץ כי אני אל ואין עוד׃

  4. יְשַׁעְיָהוּ מ״ו:ח׳

    זכרו זאת והתאששו השיבו פושעים על לב׃

  5. יְשַׁעְיָהוּ נ״ה:ו׳

    דרשו יהוה בהמצאו קראהו בהיותו קרוב׃

  6. יְשַׁעְיָהוּ נ״ה:ז׳

    יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃

  7. יְשַׁעְיָהוּ נ״ז:ט״ו

    כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃

  8. יְשַׁעְיָהוּ נ״ט:כ׳

    ובא לציון גואל ולשבי פשע ביעקב נאם יהוה׃

  9. יְשַׁעְיָהוּ ס״א:א׳

    ¶ רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃

  10. יְשַׁעְיָהוּ ס״א:ב׳

    לקרא שנת רצון ליהוה ויום נקם לאלהינו לנחם כל אבלים׃

  11. יִרְמְיָהוּ ג׳:ד׳

    הלוא מעתה קראתי לי אבי אלוף נערי אתה׃

  12. יִרְמְיָהוּ ג׳:י״ב

    הלך וקראת את הדברים האלה צפונה ואמרת שובה משבה ישראל נאם יהוה לוא אפיל פני בכם כי חסיד אני נאם יהוה לא אטור לעולם׃

  13. יִרְמְיָהוּ ג׳:י״ג

    אך דעי עונך כי ביהוה אלהיך פשעת ותפזרי את דרכיך לזרים תחת כל עץ רענן ובקולי לא שמעתם נאם יהוה׃

  14. יִרְמְיָהוּ ג׳:י״ד

    שובו בנים שובבים נאם יהוה כי אנכי בעלתי בכם ולקחתי אתכם אחד מעיר ושנים ממשפחה והבאתי אתכם ציון׃

  15. יִרְמְיָהוּ ג׳:י״ט

    ואנכי אמרתי איך אשיתך בבנים ואתן לך ארץ חמדה נחלת צבי צבאות גוים ואמר אבי תקראו לי ומאחרי לא תשובו׃

  16. יִרְמְיָהוּ ד׳:א׳

    ¶ אם תשוב ישראל נאם יהוה אלי תשוב ואם תסיר שקוציך מפני ולא תנוד׃

  17. יִרְמְיָהוּ ד׳:ב׳

    ונשבעת חי יהוה באמת במשפט ובצדקה והתברכו בו גוים ובו יתהללו׃

  18. יִרְמְיָהוּ ד׳:ג׳

    כי כה אמר יהוה לאיש יהודה ולירושלם נירו לכם ניר ואל תזרעו אל קוצים׃

  19. יִרְמְיָהוּ ד׳:ד׳

    המלו ליהוה והסרו ערלות לבבכם איש יהודה וישבי ירושלם פן תצא כאש חמתי ובערה ואין מכבה מפני רע מעלליכם׃

  20. יִרְמְיָהוּ ד׳:י״ד

    כבסי מרעה לבך ירושלם למען תושעי עד מתי תלין בקרבך מחשבות אונך׃

  21. יִרְמְיָהוּ ו׳:ח׳

    הוסרי ירושלם פן תקע נפשי ממך פן אשימך שממה ארץ לוא נושבה׃

  22. יִרְמְיָהוּ ו׳:ט״ז

    כה אמר יהוה עמדו על דרכים וראו ושאלו לנתבות עולם אי זה דרך הטוב ולכו בה ומצאו מרגוע לנפשכם ויאמרו לא נלך׃

  23. יִרְמְיָהוּ ז׳:ג׳

    כה אמר יהוה צבאות אלהי ישראל היטיבו דרכיכם ומעלליכם ואשכנה אתכם במקום הזה׃

  24. יִרְמְיָהוּ ז׳:ה׳

    כי אם היטיב תיטיבו את דרכיכם ואת מעלליכם אם עשו תעשו משפט בין איש ובין רעהו׃

  25. יִרְמְיָהוּ ז׳:ז׳

    ושכנתי אתכם במקום הזה בארץ אשר נתתי לאבותיכם למן עולם ועד עולם׃