פסוקים על Repentance: Shame and confusion

15 פסוקים · 65 היבטים

פסוקים על Shame and confusion

  1. עֶזְרָא ט׳:ו׳

    ואמרה אלהי בשתי ונכלמתי להרים אלהי פני אליך כי עונתינו רבו למעלה ראש ואשמתנו גדלה עד לשמים׃

  2. עֶזְרָא ט׳:ז׳

    מימי אבתינו אנחנו באשמה גדלה עד היום הזה ובעונתינו נתנו אנחנו מלכינו כהנינו ביד מלכי הארצות בחרב בשבי ובבזה ובבשת פנים כהיום הזה׃

  3. עֶזְרָא ט׳:ח׳

    ועתה כמעט רגע היתה תחנה מאת יהוה אלהינו להשאיר לנו פליטה ולתת לנו יתד במקום קדשו להאיר עינינו אלהינו ולתתנו מחיה מעט בעבדתנו׃

  4. עֶזְרָא ט׳:ט׳

    כי עבדים אנחנו ובעבדתנו לא עזבנו אלהינו ויט עלינו חסד לפני מלכי פרס לתת לנו מחיה לרומם את בית אלהינו ולהעמיד את חרבתיו ולתת לנו גדר ביהודה ובירושלם׃

  5. עֶזְרָא ט׳:י׳

    ועתה מה נאמר אלהינו אחרי זאת כי עזבנו מצותיך׃

  6. עֶזְרָא ט׳:י״א

    אשר צוית ביד עבדיך הנביאים לאמר הארץ אשר אתם באים לרשתה ארץ נדה היא בנדת עמי הארצות בתועבתיהם אשר מלאוה מפה אל פה בטמאתם׃

  7. עֶזְרָא ט׳:י״ב

    ועתה בנותיכם אל תתנו לבניהם ובנתיהם אל תשאו לבניכם ולא תדרשו שלמם וטובתם עד עולם למען תחזקו ואכלתם את טוב הארץ והורשתם לבניכם עד עולם׃

  8. עֶזְרָא ט׳:י״ג

    ואחרי כל הבא עלינו במעשינו הרעים ובאשמתנו הגדלה כי אתה אלהינו חשכת למטה מעוננו ונתתה לנו פליטה כזאת׃

  9. עֶזְרָא ט׳:י״ד

    הנשוב להפר מצותיך ולהתחתן בעמי התעבות האלה הלוא תאנף בנו עד כלה לאין שארית ופליטה׃

  10. עֶזְרָא ט׳:ט״ו

    יהוה אלהי ישראל צדיק אתה כי נשארנו פליטה כהיום הזה הננו לפניך באשמתינו כי אין לעמוד לפניך על זאת׃

  11. יִרְמְיָהוּ ל״א:י״ט

    כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעורי׃

  12. יְחֶזְקֵאל ט״ז:ס״א

    וזכרת את דרכיך ונכלמת בקחתך את אחותיך הגדלות ממך אל הקטנות ממך ונתתי אתהן לך לבנות ולא מבריתך׃

  13. יְחֶזְקֵאל ט״ז:ס״ג

    למען תזכרי ובשת ולא יהיה לך עוד פתחון פה מפני כלמתך בכפרי לך לכל אשר עשית נאם אדני יהוה׃

  14. דָּנִיֵּאל ט׳:ז׳

    לך אדני הצדקה ולנו בשת הפנים כיום הזה לאיש יהודה וליושבי ירושלם ולכל ישראל הקרבים והרחקים בכל הארצות אשר הדחתם שם במעלם אשר מעלו בך׃

  15. דָּנִיֵּאל ט׳:ח׳

    יהוה לנו בשת הפנים למלכינו לשרינו ולאבתינו אשר חטאנו לך׃