פסוקים על Repentance

343 פסוקים · 65 היבטים

פסוקי מפתח

סינון לפי ספר
  1. יְחֶזְקֵאל ט״ז:ס״א

    וזכרת את דרכיך ונכלמת בקחתך את אחותיך הגדלות ממך אל הקטנות ממך ונתתי אתהן לך לבנות ולא מבריתך׃

  2. יְחֶזְקֵאל ט״ז:ס״ב

    והקימותי אני את בריתי אתך וידעת כי אני יהוה׃

  3. יְחֶזְקֵאל ט״ז:ס״ג

    למען תזכרי ובשת ולא יהיה לך עוד פתחון פה מפני כלמתך בכפרי לך לכל אשר עשית נאם אדני יהוה׃

  4. יְחֶזְקֵאל י״ח:כ״א

    והרשע כי ישוב מכל חטאתו אשר עשה ושמר את כל חקותי ועשה משפט וצדקה חיה יחיה לא ימות׃

  5. יְחֶזְקֵאל י״ח:כ״ב

    כל פשעיו אשר עשה לא יזכרו לו בצדקתו אשר עשה יחיה׃

  6. יְחֶזְקֵאל י״ח:כ״ג

    החפץ אחפץ מות רשע נאם אדני יהוה הלוא בשובו מדרכיו וחיה׃

  7. יְחֶזְקֵאל י״ח:כ״ז

    ובשוב רשע מרשעתו אשר עשה ויעש משפט וצדקה הוא את נפשו יחיה׃

  8. יְחֶזְקֵאל י״ח:כ״ח

    ויראה וישוב מכל פשעיו אשר עשה חיו יחיה לא ימות׃

  9. יְחֶזְקֵאל י״ח:ל׳

    לכן איש כדרכיו אשפט אתכם בית ישראל נאם אדני יהוה שובו והשיבו מכל פשעיכם ולא יהיה לכם למכשול עון׃

  10. יְחֶזְקֵאל י״ח:ל״א

    השליכו מעליכם את כל פשעיכם אשר פשעתם בם ועשו לכם לב חדש ורוח חדשה ולמה תמתו בית ישראל׃

  11. יְחֶזְקֵאל י״ח:ל״ב

    כי לא אחפץ במות המת נאם אדני יהוה והשיבו וחיו׃

  12. יְחֶזְקֵאל כ׳:מ״ג

    וזכרתם שם את דרכיכם ואת כל עלילותיכם אשר נטמאתם בם ונקטתם בפניכם בכל רעותיכם אשר עשיתם׃

  13. יְחֶזְקֵאל ל״ג:י׳

    ואתה בן אדם אמר אל בית ישראל כן אמרתם לאמר כי פשעינו וחטאתינו עלינו ובם אנחנו נמקים ואיך נחיה׃

  14. יְחֶזְקֵאל ל״ג:י״א

    אמר אליהם חי אני נאם אדני יהוה אם אחפץ במות הרשע כי אם בשוב רשע מדרכו וחיה שובו שובו מדרכיכם הרעים ולמה תמותו בית ישראל׃

  15. יְחֶזְקֵאל ל״ג:י״ב

    ואתה בן אדם אמר אל בני עמך צדקת הצדיק לא תצילנו ביום פשעו ורשעת הרשע לא יכשל בה ביום שובו מרשעו וצדיק לא יוכל לחיות בה ביום חטאתו׃

  16. יְחֶזְקֵאל ל״ג:י״ד

    ובאמרי לרשע מות תמות ושב מחטאתו ועשה משפט וצדקה׃

  17. יְחֶזְקֵאל ל״ג:ט״ו

    חבל ישיב רשע גזלה ישלם בחקות החיים הלך לבלתי עשות עול חיו יחיה לא ימות׃

  18. יְחֶזְקֵאל ל״ג:ט״ז

    כל חטאתו אשר חטא לא תזכרנה לו משפט וצדקה עשה חיו יחיה׃

  19. יְחֶזְקֵאל ל״ג:י״ט

    ובשוב רשע מרשעתו ועשה משפט וצדקה עליהם הוא יחיה׃

  20. יְחֶזְקֵאל ל״ו:ל״א

    וזכרתם את דרכיכם הרעים ומעלליכם אשר לא טובים ונקטתם בפניכם על עונתיכם ועל תועבתיכם׃

  21. יְחֶזְקֵאל ל״ז:כ״ג

    ולא יטמאו עוד בגלוליהם ובשקוציהם ובכל פשעיהם והושעתי אתם מכל מושבתיהם אשר חטאו בהם וטהרתי אותם והיו לי לעם ואני אהיה להם לאלהים׃

  22. דָּנִיֵּאל ד׳:כ״ז

    להן מלכא מלכי ישפר עליך וחטיך בצדקה פרק ועויתך במחן ענין הן תהוא ארכה לשלותך׃

  23. דָּנִיֵּאל ט׳:ז׳

    לך אדני הצדקה ולנו בשת הפנים כיום הזה לאיש יהודה וליושבי ירושלם ולכל ישראל הקרבים והרחקים בכל הארצות אשר הדחתם שם במעלם אשר מעלו בך׃

  24. דָּנִיֵּאל ט׳:ח׳

    יהוה לנו בשת הפנים למלכינו לשרינו ולאבתינו אשר חטאנו לך׃

  25. הוֹשֵׁעַ ב׳:ז׳

    ורדפה את מאהביה ולא תשיג אתם ובקשתם ולא תמצא ואמרה אלכה ואשובה אל אישי הראשון כי טוב לי אז מעתה׃