פסוקים על Repentance

מימי אבתינו אנחנו באשמה גדלה עד היום הזה ובעונתינו נתנו אנחנו מלכינו כהנינו ביד מלכי הארצות בחרב בשבי ובבזה ובבשת פנים כהיום הזה׃

ועתה כמעט רגע היתה תחנה מאת יהוה אלהינו להשאיר לנו פליטה ולתת לנו יתד במקום קדשו להאיר עינינו אלהינו ולתתנו מחיה מעט בעבדתנו׃

כי עבדים אנחנו ובעבדתנו לא עזבנו אלהינו ויט עלינו חסד לפני מלכי פרס לתת לנו מחיה לרומם את בית אלהינו ולהעמיד את חרבתיו ולתת לנו גדר ביהודה ובירושלם׃

ועתה מה נאמר אלהינו אחרי זאת כי עזבנו מצותיך׃

אשר צוית ביד עבדיך הנביאים לאמר הארץ אשר אתם באים לרשתה ארץ נדה היא בנדת עמי הארצות בתועבתיהם אשר מלאוה מפה אל פה בטמאתם׃

ועתה בנותיכם אל תתנו לבניהם ובנתיהם אל תשאו לבניכם ולא תדרשו שלמם וטובתם עד עולם למען תחזקו ואכלתם את טוב הארץ והורשתם לבניכם עד עולם׃

ואחרי כל הבא עלינו במעשינו הרעים ובאשמתנו הגדלה כי אתה אלהינו חשכת למטה מעוננו ונתתה לנו פליטה כזאת׃

הנשוב להפר מצותיך ולהתחתן בעמי התעבות האלה הלוא תאנף בנו עד כלה לאין שארית ופליטה׃

יהוה אלהי ישראל צדיק אתה כי נשארנו פליטה כהיום הזה הננו לפניך באשמתינו כי אין לעמוד לפניך על זאת׃

ושבתם אלי ושמרתם מצותי ועשיתם אתם אם יהיה נדחכם בקצה השמים משם אקבצם והבואתים אל המקום אשר בחרתי לשכן את שמי שם׃

אם אתה הכינות לבך ופרשת אליו כפך׃

אם און בידך הרחיקהו ואל תשכן באהליך עולה׃

כי אז תשא פניך ממום והיית מצק ולא תירא׃

אם תשוב עד שדי תבנה תרחיק עולה מאהלך׃

יעתר אל אלוה וירצהו וירא פניו בתרועה וישב לאנוש צדקתו׃

ישר על אנשים ויאמר חטאתי וישר העויתי ולא שוה לי׃

פדה נפשי מעבר בשחת וחיתי באור תראה׃

כי אל אל האמר נשאתי לא אחבל׃

בלעדי אחזה אתה הרני אם עול פעלתי לא אסיף׃

ויגל אזנם למוסר ויאמר כי ישבון מאון׃

על כן אמאס ונחמתי על עפר ואפר׃

יזכרו וישבו אל יהוה כל אפסי ארץ וישתחוו לפניך כל משפחות גוים׃

סור מרע ועשה טוב בקש שלום ורדפהו׃

קרוב יהוה לנשברי לב ואת דכאי רוח יושיע׃

זבחי אלהים רוח נשברה לב נשבר ונדכה אלהים לא תבזה׃