פסוקים על Nation: Involved in sins of rulers

21 פסוקים · 11 היבטים

פסוקים על Involved in sins of rulers

  1. בְּרֵאשִׁית כ׳:ד׳

    ואבימלך לא קרב אליה ויאמר אדני הגוי גם צדיק תהרג׃

  2. בְּרֵאשִׁית כ׳:ט׳

    ויקרא אבימלך לאברהם ויאמר לו מה עשית לנו ומה חטאתי לך כי הבאת עלי ועל ממלכתי חטאה גדלה מעשים אשר לא יעשו עשית עמדי׃

  3. 2 שְׁמוּאֵל כ״ד:י׳

    ויך לב דוד אתו אחרי כן ספר את העם ויאמר דוד אל יהוה חטאתי מאד אשר עשיתי ועתה יהוה העבר נא את עון עבדך כי נסכלתי מאד׃

  4. 2 שְׁמוּאֵל כ״ד:י״א

    ויקם דוד בבקר ודבר יהוה היה אל גד הנביא חזה דוד לאמר׃

  5. 2 שְׁמוּאֵל כ״ד:י״ב

    הלוך ודברת אל דוד כה אמר יהוה שלש אנכי נוטל עליך בחר לך אחת מהם ואעשה לך׃

  6. 2 שְׁמוּאֵל כ״ד:י״ג

    ויבא גד אל דוד ויגד לו ויאמר לו התבוא לך שבע שנים רעב בארצך אם שלשה חדשים נסך לפני צריך והוא רדפך ואם היות שלשת ימים דבר בארצך עתה דע וראה מה אשיב שלחי דבר׃

  7. 2 שְׁמוּאֵל כ״ד:י״ד

    ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלה׃

  8. 2 שְׁמוּאֵל כ״ד:ט״ו

    ויתן יהוה דבר בישראל מהבקר ועד עת מועד וימת מן העם מדן ועד באר שבע שבעים אלף איש׃

  9. 2 שְׁמוּאֵל כ״ד:ט״ז

    וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה היבסי׃

  10. 2 שְׁמוּאֵל כ״ד:י״ז

    ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשו תהי נא ידך בי ובבית אבי׃

  11. 1 דִּבְרֵי הַיָּמִים כ״א:ז׳

    וירע בעיני האלהים על הדבר הזה ויך את ישראל׃

  12. 1 דִּבְרֵי הַיָּמִים כ״א:ח׳

    ויאמר דויד אל האלהים חטאתי מאד אשר עשיתי את הדבר הזה ועתה העבר נא את עוון עבדך כי נסכלתי מאד׃

  13. 1 דִּבְרֵי הַיָּמִים כ״א:ט׳

    וידבר יהוה אל גד חזה דויד לאמר׃

  14. 1 דִּבְרֵי הַיָּמִים כ״א:י׳

    לך ודברת אל דויד לאמר כה אמר יהוה שלוש אני נטה עליך בחר לך אחת מהנה ואעשה לך׃

  15. 1 דִּבְרֵי הַיָּמִים כ״א:י״א

    ויבא גד אל דויד ויאמר לו כה אמר יהוה קבל לך׃

  16. 1 דִּבְרֵי הַיָּמִים כ״א:י״ב

    אם שלוש שנים רעב ואם שלשה חדשים נספה מפני צריך וחרב אויבך למשגת ואם שלשת ימים חרב יהוה ודבר בארץ ומלאך יהוה משחית בכל גבול ישראל ועתה ראה מה אשיב את שלחי דבר׃

  17. 1 דִּבְרֵי הַיָּמִים כ״א:י״ג

    ויאמר דויד אל גד צר לי מאד אפלה נא ביד יהוה כי רבים רחמיו מאד וביד אדם אל אפל׃

  18. 1 דִּבְרֵי הַיָּמִים כ״א:י״ד

    ויתן יהוה דבר בישראל ויפל מישראל שבעים אלף איש׃

  19. 1 דִּבְרֵי הַיָּמִים כ״א:ט״ו

    וישלח האלהים מלאך לירושלם להשחיתה וכהשחית ראה יהוה וינחם על הרעה ויאמר למלאך המשחית רב עתה הרף ידך ומלאך יהוה עמד עם גרן ארנן היבוסי׃

  20. 1 דִּבְרֵי הַיָּמִים כ״א:ט״ז

    וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם׃

  21. 1 דִּבְרֵי הַיָּמִים כ״א:י״ז

    ויאמר דויד אל האלהים הלא אני אמרתי למנות בעם ואני הוא אשר חטאתי והרע הרעותי ואלה הצאן מה עשו יהוה אלהי תהי נא ידך בי ובבית אבי ובעמך לא למגפה׃