פסוקים על Murmuring

כי עליך הרגנו כל היום נחשבנו כצאן טבחה׃

עורה למה תישן אדני הקיצה אל תזנח לנצח׃

למה פניך תסתיר תשכח ענינו ולחצנו׃

כי שחה לעפר נפשנו דבקה לארץ בטננו׃

קומה עזרתה לנו ופדנו למען חסדך׃

אך ריק זכיתי לבבי וארחץ בנקיון כפי׃

ואהי נגוע כל היום ותוכחתי לבקרים׃

אם אמרתי אספרה כמו הנה דור בניך בגדתי׃

ואחשבה לדעת זאת עמל היא בעיני׃

עד אבוא אל מקדשי אל אבינה לאחריתם׃

אך בחלקות תשית למו הפלתם למשואות׃

איך היו לשמה כרגע ספו תמו מן בלהות׃

כחלום מהקיץ אדני בעיר צלמם תבזה׃

כי יתחמץ לבבי וכליותי אשתונן׃

ואני בער ולא אדע בהמות הייתי עמך׃

ויוסיפו עוד לחטא לו למרות עליון בציה׃

וינסו אל בלבבם לשאל אכל לנפשם׃

וידברו באלהים אמרו היוכל אל לערך שלחן במדבר׃

הן הכה צור ויזובו מים ונחלים ישטפו הגם לחם יוכל תת אם יכין שאר לעמו׃

לכן שמע יהוה ויתעבר ואש נשקה ביעקב וגם אף עלה בישראל׃

וירגנו באהליהם לא שמעו בקול יהוה׃

וישא ידו להם להפיל אותם במדבר׃

האמנתי כי אדבר אני עניתי מאד׃

אני אמרתי בחפזי כל האדם כזב׃

אולת אדם תסלף דרכו ועל יהוה יזעף לבו׃