פסוקים על Murmuring

אל תאמר מה היה שהימים הראשנים היו טובים מאלה כי לא מחכמה שאלת על זה׃

כי בראתו ילדיו מעשה ידי בקרבו יקדישו שמי והקדישו את קדוש יעקב ואת אלהי ישראל יעריצו׃

וידעו תעי רוח בינה ורוגנים ילמדו לקח׃

אוי לי אמי כי ילדתני איש ריב ואיש מדון לכל הארץ לא נשיתי ולא נשו בי כלה מקללוני׃

ארור היום אשר ילדתי בו יום אשר ילדתני אמי אל יהי ברוך׃

ארור האיש אשר בשר את אבי לאמר ילד לך בן זכר שמח שמחהו׃

והיה האיש ההוא כערים אשר הפך יהוה ולא נחם ושמע זעקה בבקר ותרועה בעת צהרים׃

אשר לא מותתני מרחם ותהי לי אמי קברי ורחמה הרת עולם׃

למה זה מרחם יצאתי לראות עמל ויגון ויכלו בבשת ימי׃

מה יתאונן אדם חי גבר על חטאו׃

¶ וירע אל יונה רעה גדולה ויחר לו׃

ויתפלל אל יהוה ויאמר אנה יהוה הלוא זה דברי עד היותי על אדמתי על כן קדמתי לברח תרשישה כי ידעתי כי אתה אל חנון ורחום ארך אפים ורב חסד ונחם על הרעה׃

ועתה יהוה קח נא את נפשי ממני כי טוב מותי מחיי׃

ויאמר יהוה ההיטב חרה לך׃

ויצא יונה מן העיר וישב מקדם לעיר ויעש לו שם סכה וישב תחתיה בצל עד אשר יראה מה יהיה בעיר׃

וימן יהוה אלהים קיקיון ויעל מעל ליונה להיות צל על ראשו להציל לו מרעתו וישמח יונה על הקיקיון שמחה גדולה׃

וימן האלהים תולעת בעלות השחר למחרת ותך את הקיקיון וייבש׃

ויהי כזרח השמש וימן אלהים רוח קדים חרישית ותך השמש על ראש יונה ויתעלף וישאל את נפשו למות ויאמר טוב מותי מחיי׃

ויאמר אלהים אל יונה ההיטב חרה לך על הקיקיון ויאמר היטב חרה לי עד מות׃

ויאמר יהוה אתה חסת על הקיקיון אשר לא עמלת בו ולא גדלתו שבן לילה היה ובן לילה אבד׃

ואני לא אחוס על נינוה העיר הגדולה אשר יש בה הרבה משתים עשרה רבו אדם אשר לא ידע בין ימינו לשמאלו ובהמה רבה׃

אמרתם שוא עבד אלהים ומה בצע כי שמרנו משמרתו וכי הלכנו קדרנית מפני יהוה צבאות׃

כי במשפט אשר אתם שפטים בו תשפטו ובמדה אשר אתם מדדים בה ימד לכם׃

ויהי בקחתם וילונו על בעל הבית לאמר׃

ויש אשר מתרעמים איש אל רעהו לאמר על מה היה אבוד השמן הזה׃