פסוקים על Commandments

גם לא אכלנו לחם איש חנם כי ביגיעה ותלאה לילה ויומם היינו עמלים לבלתי היות לאיש מכם למשא׃

לא בעבור שאין לנו הרשות לזאת כי אם לתת אתנו לכם למופת ללכת בעקבותינו׃

כי גם בהיותנו אצלכם צוינו אתכם לאמר מי שלא ירצה לעבד גם אכול לא יאכל׃

כי שמענו שיש בכם אנשים המעקשים את דרכיהם ואינם עבדים מאומה ומבלים ימיהם בהבלים׃

ואנשים כאלה נצוה אותם ונבקש מהם באדנינו ישוע המשיח לעבד בנחת למען יאכלו את לחמם׃

ואתם אחי אל תלאו בעשות הטוב׃

ואם לא ישמע איש אל דברנו באגרת הזאת אתו תרשמו לכם ואל תתערבו עמו למען יבוש׃

אך לא כאיב תחשבהו כי אם תוכיחהו כאח׃

¶ ועתה קדם כל דבר אבקשה מכם לשאת תפלות ותחנונים ובקשות ותודות בעד כל בני אדם׃

בעד המלכים וכל השליטים למען נחיה חיי השקט ובטח בכל חסידות וישר׃

לכן רצוני שיתפללו האנשים בכל מקום וישאו ידיהם קדש בלי כעס ומדון׃

וכן גם הנשים תתיפינה בתלבשת נאה עם בשת פנים וצניעות לא במחלפות הראש לא בזהב לא בפנינים ולא במלבושים יקרים׃

אלא כמו שהוא הגון לנשים אשר בחרו להן יראת אלהים במעשים טובים׃

האשה תלמד דומם בכל הכנעה׃

ואינני נתן רשות לאשה ללמד אף לא להתנשא על האיש אלא תדום׃

ופקיד העדה צריך להיות איש אשר אין בו דפי בעל אשה אחת משל ברוחו צנוע ונחמד לבריות מכניס ארחים ומבין ללמד ולא אהב יין ולא נוח להכות ולא בצע בצע רע׃

כי אם דן לכף זכות ולא בעל קטטה ולא אהב כסף׃

ויהי מנהיג את ביתו בטוב ומדריך את בניו למשמעתו בכל הישר׃

כי אם לא ידע איש להנהיג את ביתו איככה יוכל לדאג לעדת אלהים׃

ואל יהי תלמיד הדש למען לא ירהב לבו ויפל בדין המשטין׃

והוא גם צריך לשם טוב בפי אלה אשר בחוץ פן יפל בחרפה ובמוקש המשטין׃

וכן גם השמשים יהיו ישרים ולא מחליקי לשון ולא אהבים סבא יין ולא נטים אחרי בצע רע׃

כי אם ישמרו את סוד האמונה ברוח טהורה׃

וגם אלה יבחנו בראשונה ואחר כן ישמשו אם אין בהם דפי׃

וככה הנשים תהיינה ישרות ולא מלשינות משלות ברוחן ונאמנות בכל׃