TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ י״ב:ה׳בערך תשי״ב לפנה״ס
זמרו יהוה כי גאות עשה מידעת זאת בכל הארץ׃
- יְשַׁעְיָהוּ י״ב:ו׳בערך תשי״ב לפנה״ס
צהלי ורני יושבת ציון כי גדול בקרבך קדוש ישראל׃
- יְשַׁעְיָהוּ י״ג:א׳בערך תשי״ב לפנה״ס
¶ משא בבל אשר חזה ישעיהו בן אמוץ׃
- יְשַׁעְיָהוּ י״ג:ב׳בערך תשי״ב לפנה״ס
על הר נשפה שאו נס הרימו קול להם הניפו יד ויבאו פתחי נדיבים׃
- יְשַׁעְיָהוּ י״ג:ג׳בערך תשי״ב לפנה״ס
אני צויתי למקדשי גם קראתי גבורי לאפי עליזי גאותי׃
- יְשַׁעְיָהוּ י״ג:ד׳בערך תשי״ב לפנה״ס
קול המון בהרים דמות עם רב קול שאון ממלכות גוים נאספים יהוה צבאות מפקד צבא מלחמה׃
- יְשַׁעְיָהוּ י״ג:ה׳בערך תשי״ב לפנה״ס
באים מארץ מרחק מקצה השמים יהוה וכלי זעמו לחבל כל הארץ׃
- יְשַׁעְיָהוּ י״ג:ו׳בערך תשי״ב לפנה״ס
הילילו כי קרוב יום יהוה כשד משדי יבוא׃
- יְשַׁעְיָהוּ י״ג:ז׳בערך תשי״ב לפנה״ס
על כן כל ידים תרפינה וכל לבב אנוש ימס׃
- יְשַׁעְיָהוּ י״ג:ח׳בערך תשי״ב לפנה״ס
ונבהלו צירים וחבלים יאחזון כיולדה יחילון איש אל רעהו יתמהו פני להבים פניהם׃
- יְשַׁעְיָהוּ י״ג:ט׳בערך תשי״ב לפנה״ס
הנה יום יהוה בא אכזרי ועברה וחרון אף לשום הארץ לשמה וחטאיה ישמיד ממנה׃
- יְשַׁעְיָהוּ י״ג:י׳בערך תשי״ב לפנה״ס
כי כוכבי השמים וכסיליהם לא יהלו אורם חשך השמש בצאתו וירח לא יגיה אורו׃
- יְשַׁעְיָהוּ י״ג:י״אבערך תשי״ב לפנה״ס
ופקדתי על תבל רעה ועל רשעים עונם והשבתי גאון זדים וגאות עריצים אשפיל׃
- יְשַׁעְיָהוּ י״ג:י״בבערך תשי״ב לפנה״ס
אוקיר אנוש מפז ואדם מכתם אופיר׃
- יְשַׁעְיָהוּ י״ג:י״גבערך תשי״ב לפנה״ס
על כן שמים ארגיז ותרעש הארץ ממקומה בעברת יהוה צבאות וביום חרון אפו׃
- יְשַׁעְיָהוּ י״ג:י״דבערך תשי״ב לפנה״ס
והיה כצבי מדח וכצאן ואין מקבץ איש אל עמו יפנו ואיש אל ארצו ינוסו׃
- יְשַׁעְיָהוּ י״ג:ט״ובערך תשי״ב לפנה״ס
כל הנמצא ידקר וכל הנספה יפול בחרב׃
- יְשַׁעְיָהוּ י״ג:ט״זבערך תשי״ב לפנה״ס
ועלליהם ירטשו לעיניהם ישסו בתיהם ונשיהם תשגלנה׃
- יְשַׁעְיָהוּ י״ג:י״זבערך תשי״ב לפנה״ס
הנני מעיר עליהם את מדי אשר כסף לא יחשבו וזהב לא יחפצו בו׃
- יְשַׁעְיָהוּ י״ג:י״חבערך תשי״ב לפנה״ס
וקשתות נערים תרטשנה ופרי בטן לא ירחמו על בנים לא תחוס עינם׃
- יְשַׁעְיָהוּ י״ג:י״טבערך תשי״ב לפנה״ס
והיתה בבל צבי ממלכות תפארת גאון כשדים כמהפכת אלהים את סדם ואת עמרה׃
- יְשַׁעְיָהוּ י״ג:כ׳בערך תשי״ב לפנה״ס
לא תשב לנצח ולא תשכן עד דור ודור ולא יהל שם ערבי ורעים לא ירבצו שם׃
- יְשַׁעְיָהוּ י״ג:כ״אבערך תשי״ב לפנה״ס
ורבצו שם ציים ומלאו בתיהם אחים ושכנו שם בנות יענה ושעירים ירקדו שם׃
- יְשַׁעְיָהוּ י״ג:כ״בבערך תשי״ב לפנה״ס
וענה איים באלמנותיו ותנים בהיכלי ענג וקרוב לבוא עתה וימיה לא ימשכו׃
¶ כי ירחם יהוה את יעקב ובחר עוד בישראל והניחם על אדמתם ונלוה הגר עליהם ונספחו על בית יעקב׃