circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

יְחֶזְקֵאל ל״א:ו׳בערך תקפ״ח לפנה״ס
בסעפתיו קננו כל עוף השמים ותחת פארתיו ילדו כל חית השדה ובצלו ישבו כל גוים רבים׃
יְחֶזְקֵאל ל״א:ז׳בערך תקפ״ח לפנה״ס
וייף בגדלו בארך דליותיו כי היה שרשו אל מים רבים׃
יְחֶזְקֵאל ל״א:ח׳בערך תקפ״ח לפנה״ס
ארזים לא עממהו בגן אלהים ברושים לא דמו אל סעפתיו וערמנים לא היו כפארתיו כל עץ בגן אלהים לא דמה אליו ביפיו׃
יְחֶזְקֵאל ל״א:ט׳בערך תקפ״ח לפנה״ס
יפה עשיתיו ברב דליותיו ויקנאהו כל עצי עדן אשר בגן האלהים׃
יְחֶזְקֵאל ל״א:י׳בערך תקפ״ח לפנה״ס
לכן כה אמר אדני יהוה יען אשר גבהת בקומה ויתן צמרתו אל בין עבותים ורם לבבו בגבהו׃
יְחֶזְקֵאל ל״א:י״אבערך תקפ״ח לפנה״ס
ואתנהו ביד איל גוים עשו יעשה לו כרשעו גרשתהו׃
יְחֶזְקֵאל ל״א:י״בבערך תקפ״ח לפנה״ס
ויכרתהו זרים עריצי גוים ויטשהו אל ההרים ובכל גאיות נפלו דליותיו ותשברנה פארתיו בכל אפיקי הארץ וירדו מצלו כל עמי הארץ ויטשהו׃
יְחֶזְקֵאל ל״א:י״גבערך תקפ״ח לפנה״ס
על מפלתו ישכנו כל עוף השמים ואל פארתיו היו כל חית השדה׃
יְחֶזְקֵאל ל״א:י״דבערך תקפ״ח לפנה״ס
למען אשר לא יגבהו בקומתם כל עצי מים ולא יתנו את צמרתם אל בין עבתים ולא יעמדו אליהם בגבהם כל שתי מים כי כלם נתנו למות אל ארץ תחתית בתוך בני אדם אל יורדי בור׃
יְחֶזְקֵאל ל״א:ט״ובערך תקפ״ח לפנה״ס
כה אמר אדני יהוה ביום רדתו שאולה האבלתי כסתי עליו את תהום ואמנע נהרותיה ויכלאו מים רבים ואקדר עליו לבנון וכל עצי השדה עליו עלפה׃
יְחֶזְקֵאל ל״א:ט״זבערך תקפ״ח לפנה״ס
מקול מפלתו הרעשתי גוים בהורדי אתו שאולה את יורדי בור וינחמו בארץ תחתית כל עצי עדן מבחר וטוב לבנון כל שתי מים׃
יְחֶזְקֵאל ל״א:י״זבערך תקפ״ח לפנה״ס
גם הם אתו ירדו שאלה אל חללי חרב וזרעו ישבו בצלו בתוך גוים׃
יְחֶזְקֵאל ל״א:י״חבערך תקפ״ח לפנה״ס
אל מי דמית ככה בכבוד ובגדל בעצי עדן והורדת את עצי עדן אל ארץ תחתית בתוך ערלים תשכב את חללי חרב הוא פרעה וכל המונה נאם אדני יהוה׃
יְחֶזְקֵאל ל״ב:א׳בערך תקפ״ז לפנה״ס
¶ ויהי בשתי עשרה שנה בשני עשר חדש באחד לחדש היה דבר יהוה אלי לאמר׃
יְחֶזְקֵאל ל״ב:ב׳בערך תקפ״ז לפנה״ס
בן אדם שא קינה על פרעה מלך מצרים ואמרת אליו כפיר גוים נדמית ואתה כתנים בימים ותגח בנהרותיך ותדלח מים ברגליך ותרפס נהרותם׃
יְחֶזְקֵאל ל״ב:ג׳בערך תקפ״ז לפנה״ס
כה אמר אדני יהוה ופרשתי עליך את רשתי בקהל עמים רבים והעלוך בחרמי׃
יְחֶזְקֵאל ל״ב:ד׳בערך תקפ״ז לפנה״ס
ונטשתיך בארץ על פני השדה אטילך והשכנתי עליך כל עוף השמים והשבעתי ממך חית כל הארץ׃
יְחֶזְקֵאל ל״ב:ה׳בערך תקפ״ז לפנה״ס
ונתתי את בשרך על ההרים ומלאתי הגאיות רמותך׃
יְחֶזְקֵאל ל״ב:ו׳בערך תקפ״ז לפנה״ס
והשקיתי ארץ צפתך מדמך אל ההרים ואפקים ימלאון ממך׃
יְחֶזְקֵאל ל״ב:ז׳בערך תקפ״ז לפנה״ס
וכסיתי בכבותך שמים והקדרתי את ככביהם שמש בענן אכסנו וירח לא יאיר אורו׃
יְחֶזְקֵאל ל״ב:ח׳בערך תקפ״ז לפנה״ס
כל מאורי אור בשמים אקדירם עליך ונתתי חשך על ארצך נאם אדני יהוה׃
יְחֶזְקֵאל ל״ב:ט׳בערך תקפ״ז לפנה״ס
והכעסתי לב עמים רבים בהביאי שברך בגוים על ארצות אשר לא ידעתם׃
יְחֶזְקֵאל ל״ב:י׳בערך תקפ״ז לפנה״ס
והשמותי עליך עמים רבים ומלכיהם ישערו עליך שער בעופפי חרבי על פניהם וחרדו לרגעים איש לנפשו ביום מפלתך׃
יְחֶזְקֵאל ל״ב:י״אבערך תקפ״ז לפנה״ס
כי כה אמר אדני יהוה חרב מלך בבל תבואך׃
יְחֶזְקֵאל ל״ב:י״בבערך תקפ״ז לפנה״ס
בחרבות גבורים אפיל המונך עריצי גוים כלם ושדדו את גאון מצרים ונשמד כל המונה׃

מציג 926–950 מתוך 1,784 פסוקים

הקודם 1...36 37 38 39 40...72 הבא