circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְחֶזְקֵאל ל״ב:י״גבערך תקפ״ז לפנה״ס

    והאבדתי את כל בהמתה מעל מים רבים ולא תדלחם רגל אדם עוד ופרסות בהמה לא תדלחם׃

  2. יְחֶזְקֵאל ל״ב:י״דבערך תקפ״ז לפנה״ס

    אז אשקיע מימיהם ונהרותם כשמן אוליך נאם אדני יהוה׃

  3. יְחֶזְקֵאל ל״ב:ט״ובערך תקפ״ז לפנה״ס

    בתתי את ארץ מצרים שממה ונשמה ארץ ממלאה בהכותי את כל יושבי בה וידעו כי אני יהוה׃

  4. יְחֶזְקֵאל ל״ב:ט״זבערך תקפ״ז לפנה״ס

    קינה היא וקוננוה בנות הגוים תקוננה אותה על מצרים ועל כל המונה תקוננה אותה נאם אדני יהוה׃

  5. יְחֶזְקֵאל ל״ב:י״זבערך תקפ״ז לפנה״ס

    ויהי בשתי עשרה שנה בחמשה עשר לחדש היה דבר יהוה אלי לאמר׃

  6. יְחֶזְקֵאל ל״ב:י״חבערך תקפ״ז לפנה״ס

    בן אדם נהה על המון מצרים והורדהו אותה ובנות גוים אדרם אל ארץ תחתיות את יורדי בור׃

  7. יְחֶזְקֵאל ל״ב:י״טבערך תקפ״ז לפנה״ס

    ממי נעמת רדה והשכבה את ערלים׃

  8. יְחֶזְקֵאל ל״ב:כ׳בערך תקפ״ז לפנה״ס

    בתוך חללי חרב יפלו חרב נתנה משכו אותה וכל המוניה׃

  9. יְחֶזְקֵאל ל״ב:כ״אבערך תקפ״ז לפנה״ס

    ידברו לו אלי גבורים מתוך שאול את עזריו ירדו שכבו הערלים חללי חרב׃

  10. יְחֶזְקֵאל ל״ב:כ״בבערך תקפ״ז לפנה״ס

    שם אשור וכל קהלה סביבותיו קברתיו כלם חללים הנפלים בחרב׃

  11. יְחֶזְקֵאל ל״ב:כ״גבערך תקפ״ז לפנה״ס

    אשר נתנו קברתיה בירכתי בור ויהי קהלה סביבות קברתה כלם חללים נפלים בחרב אשר נתנו חתית בארץ חיים׃

  12. יְחֶזְקֵאל ל״ב:כ״דבערך תקפ״ז לפנה״ס

    שם עילם וכל המונה סביבות קברתה כלם חללים הנפלים בחרב אשר ירדו ערלים אל ארץ תחתיות אשר נתנו חתיתם בארץ חיים וישאו כלמתם את יורדי בור׃

  13. יְחֶזְקֵאל ל״ב:כ״הבערך תקפ״ז לפנה״ס

    בתוך חללים נתנו משכב לה בכל המונה סביבותיו קברתה כלם ערלים חללי חרב כי נתן חתיתם בארץ חיים וישאו כלמתם את יורדי בור בתוך חללים נתן׃

  14. יְחֶזְקֵאל ל״ב:כ״ובערך תקפ״ז לפנה״ס

    שם משך תבל וכל המונה סביבותיו קברותיה כלם ערלים מחללי חרב כי נתנו חתיתם בארץ חיים׃

  15. יְחֶזְקֵאל ל״ב:כ״זבערך תקפ״ז לפנה״ס

    ולא ישכבו את גבורים נפלים מערלים אשר ירדו שאול בכלי מלחמתם ויתנו את חרבותם תחת ראשיהם ותהי עונתם על עצמותם כי חתית גבורים בארץ חיים׃

  16. יְחֶזְקֵאל ל״ב:כ״חבערך תקפ״ז לפנה״ס

    ואתה בתוך ערלים תשבר ותשכב את חללי חרב׃

  17. יְחֶזְקֵאל ל״ב:כ״טבערך תקפ״ז לפנה״ס

    שמה אדום מלכיה וכל נשיאיה אשר נתנו בגבורתם את חללי חרב המה את ערלים ישכבו ואת ירדי בור׃

  18. יְחֶזְקֵאל ל״ב:ל׳בערך תקפ״ז לפנה״ס

    שמה נסיכי צפון כלם וכל צדני אשר ירדו את חללים בחתיתם מגבורתם בושים וישכבו ערלים את חללי חרב וישאו כלמתם את יורדי בור׃

  19. יְחֶזְקֵאל ל״ב:ל״אבערך תקפ״ז לפנה״ס

    אותם יראה פרעה ונחם על כל המונה חללי חרב פרעה וכל חילו נאם אדני יהוה׃

  20. יְחֶזְקֵאל ל״ב:ל״בבערך תקפ״ז לפנה״ס

    כי נתתי את חתיתו בארץ חיים והשכב בתוך ערלים את חללי חרב פרעה וכל המונה נאם אדני יהוה׃

  21. יְחֶזְקֵאל ל״ג:א׳בערך תקפ״ז לפנה״ס

    ¶ ויהי דבר יהוה אלי לאמר׃

  22. יְחֶזְקֵאל ל״ג:ב׳בערך תקפ״ז לפנה״ס

    בן אדם דבר אל בני עמך ואמרת אליהם ארץ כי אביא עליה חרב ולקחו עם הארץ איש אחד מקציהם ונתנו אתו להם לצפה׃

  23. יְחֶזְקֵאל ל״ג:ג׳בערך תקפ״ז לפנה״ס

    וראה את החרב באה על הארץ ותקע בשופר והזהיר את העם׃

  24. יְחֶזְקֵאל ל״ג:ד׳בערך תקפ״ז לפנה״ס

    ושמע השמע את קול השופר ולא נזהר ותבוא חרב ותקחהו דמו בראשו יהיה׃

  25. יְחֶזְקֵאל ל״ג:ה׳בערך תקפ״ז לפנה״ס

    את קול השופר שמע ולא נזהר דמו בו יהיה והוא נזהר נפשו מלט׃