circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְחֶזְקֵאל ל׳:ז׳

    ונשמו בתוך ארצות נשמות ועריו בתוך ערים נחרבות תהיינה׃

  2. יְחֶזְקֵאל ל׳:ח׳

    וידעו כי אני יהוה בתתי אש במצרים ונשברו כל עזריה׃

  3. יְחֶזְקֵאל ל׳:ט׳

    ביום ההוא יצאו מלאכים מלפני בצים להחריד את כוש בטח והיתה חלחלה בהם ביום מצרים כי הנה באה׃

  4. יְחֶזְקֵאל ל׳:י׳

    כה אמר אדני יהוה והשבתי את המון מצרים ביד נבוכדראצר מלך בבל׃

  5. יְחֶזְקֵאל ל׳:י״א

    הוא ועמו אתו עריצי גוים מובאים לשחת הארץ והריקו חרבותם על מצרים ומלאו את הארץ חלל׃

  6. יְחֶזְקֵאל ל׳:י״ב

    ונתתי יארים חרבה ומכרתי את הארץ ביד רעים והשמתי ארץ ומלאה ביד זרים אני יהוה דברתי׃

  7. יְחֶזְקֵאל ל׳:י״ג

    כה אמר אדני יהוה והאבדתי גלולים והשבתי אלילים מנף ונשיא מארץ מצרים לא יהיה עוד ונתתי יראה בארץ מצרים׃

  8. יְחֶזְקֵאל ל׳:י״ד

    והשמתי את פתרוס ונתתי אש בצען ועשיתי שפטים בנא׃

  9. יְחֶזְקֵאל ל׳:ט״ו

    ושפכתי חמתי על סין מעוז מצרים והכרתי את המון נא׃

  10. יְחֶזְקֵאל ל׳:ט״ז

    ונתתי אש במצרים חול תחיל סין ונא תהיה להבקע ונף צרי יומם׃

  11. יְחֶזְקֵאל ל׳:י״ז

    בחורי און ופי בסת בחרב יפלו והנה בשבי תלכנה׃

  12. יְחֶזְקֵאל ל׳:י״ח

    ובתחפנחס חשך היום בשברי שם את מטות מצרים ונשבת בה גאון עזה היא ענן יכסנה ובנותיה בשבי תלכנה׃

  13. יְחֶזְקֵאל ל׳:י״ט

    ועשיתי שפטים במצרים וידעו כי אני יהוה׃

  14. יְחֶזְקֵאל ל׳:כ׳בערך תקפ״ח לפנה״ס

    ויהי באחת עשרה שנה בראשון בשבעה לחדש היה דבר יהוה אלי לאמר׃

  15. יְחֶזְקֵאל ל׳:כ״אבערך תקפ״ח לפנה״ס

    בן אדם את זרוע פרעה מלך מצרים שברתי והנה לא חבשה לתת רפאות לשום חתול לחבשה לחזקה לתפש בחרב׃

  16. יְחֶזְקֵאל ל׳:כ״בבערך תקפ״ח לפנה״ס

    לכן כה אמר אדני יהוה הנני אל פרעה מלך מצרים ושברתי את זרעתיו את החזקה ואת הנשברת והפלתי את החרב מידו׃

  17. יְחֶזְקֵאל ל׳:כ״גבערך תקפ״ח לפנה״ס

    והפצותי את מצרים בגוים וזריתם בארצות׃

  18. יְחֶזְקֵאל ל׳:כ״דבערך תקפ״ח לפנה״ס

    וחזקתי את זרעות מלך בבל ונתתי את חרבי בידו ושברתי את זרעות פרעה ונאק נאקות חלל לפניו׃

  19. יְחֶזְקֵאל ל׳:כ״הבערך תקפ״ח לפנה״ס

    והחזקתי את זרעות מלך בבל וזרעות פרעה תפלנה וידעו כי אני יהוה בתתי חרבי ביד מלך בבל ונטה אותה אל ארץ מצרים׃

  20. יְחֶזְקֵאל ל׳:כ״ובערך תקפ״ח לפנה״ס

    והפצותי את מצרים בגוים וזריתי אותם בארצות וידעו כי אני יהוה׃

  21. יְחֶזְקֵאל ל״א:א׳בערך תקפ״ח לפנה״ס

    ¶ ויהי באחת עשרה שנה בשלישי באחד לחדש היה דבר יהוה אלי לאמר׃

  22. יְחֶזְקֵאל ל״א:ב׳בערך תקפ״ח לפנה״ס

    בן אדם אמר אל פרעה מלך מצרים ואל המונו אל מי דמית בגדלך׃

  23. יְחֶזְקֵאל ל״א:ג׳בערך תקפ״ח לפנה״ס

    הנה אשור ארז בלבנון יפה ענף וחרש מצל וגבה קומה ובין עבתים היתה צמרתו׃

  24. יְחֶזְקֵאל ל״א:ד׳בערך תקפ״ח לפנה״ס

    מים גדלוהו תהום רממתהו את נהרתיה הלך סביבות מטעה ואת תעלתיה שלחה אל כל עצי השדה׃

  25. יְחֶזְקֵאל ל״א:ה׳בערך תקפ״ח לפנה״ס

    על כן גבהא קמתו מכל עצי השדה ותרבינה סרעפתיו ותארכנה פארתו ממים רבים בשלחו׃