circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְחֶזְקֵאל כ״ט:ג׳בערך תקפ״ט לפנה״ס

    דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשר אמר לי יארי ואני עשיתני׃

  2. יְחֶזְקֵאל כ״ט:ד׳בערך תקפ״ט לפנה״ס

    ונתתי חחיים בלחייך והדבקתי דגת יאריך בקשקשתיך והעליתיך מתוך יאריך ואת כל דגת יאריך בקשקשתיך תדבק׃

  3. יְחֶזְקֵאל כ״ט:ה׳בערך תקפ״ט לפנה״ס

    ונטשתיך המדברה אותך ואת כל דגת יאריך על פני השדה תפול לא תאסף ולא תקבץ לחית הארץ ולעוף השמים נתתיך לאכלה׃

  4. יְחֶזְקֵאל כ״ט:ו׳בערך תקפ״ט לפנה״ס

    וידעו כל ישבי מצרים כי אני יהוה יען היותם משענת קנה לבית ישראל׃

  5. יְחֶזְקֵאל כ״ט:ז׳בערך תקפ״ט לפנה״ס

    בתפשם בך בכפך תרוץ ובקעת להם כל כתף ובהשענם עליך תשבר והעמדת להם כל מתנים׃

  6. יְחֶזְקֵאל כ״ט:ח׳בערך תקפ״ט לפנה״ס

    לכן כה אמר אדני יהוה הנני מביא עליך חרב והכרתי ממך אדם ובהמה׃

  7. יְחֶזְקֵאל כ״ט:ט׳בערך תקפ״ט לפנה״ס

    והיתה ארץ מצרים לשממה וחרבה וידעו כי אני יהוה יען אמר יאר לי ואני עשיתי׃

  8. יְחֶזְקֵאל כ״ט:י׳בערך תקפ״ט לפנה״ס

    לכן הנני אליך ואל יאריך ונתתי את ארץ מצרים לחרבות חרב שממה ממגדל סונה ועד גבול כוש׃

  9. יְחֶזְקֵאל כ״ט:י״אבערך תקפ״ט לפנה״ס

    לא תעבר בה רגל אדם ורגל בהמה לא תעבר בה ולא תשב ארבעים שנה׃

  10. יְחֶזְקֵאל כ״ט:י״בבערך תקפ״ט לפנה״ס

    ונתתי את ארץ מצרים שממה בתוך ארצות נשמות ועריה בתוך ערים מחרבות תהיין שממה ארבעים שנה והפצתי את מצרים בגוים וזריתים בארצות׃

  11. יְחֶזְקֵאל כ״ט:י״גבערך תקפ״ט לפנה״ס

    כי כה אמר אדני יהוה מקץ ארבעים שנה אקבץ את מצרים מן העמים אשר נפצו שמה׃

  12. יְחֶזְקֵאל כ״ט:י״דבערך תקפ״ט לפנה״ס

    ושבתי את שבות מצרים והשבתי אתם ארץ פתרוס על ארץ מכורתם והיו שם ממלכה שפלה׃

  13. יְחֶזְקֵאל כ״ט:ט״ובערך תקפ״ט לפנה״ס

    מן הממלכות תהיה שפלה ולא תתנשא עוד על הגוים והמעטתים לבלתי רדות בגוים׃

  14. יְחֶזְקֵאל כ״ט:ט״זבערך תקפ״ט לפנה״ס

    ולא יהיה עוד לבית ישראל למבטח מזכיר עון בפנותם אחריהם וידעו כי אני אדני יהוה׃

  15. יְחֶזְקֵאל כ״ט:י״זבערך תקע״ב לפנה״ס

    ויהי בעשרים ושבע שנה בראשון באחד לחדש היה דבר יהוה אלי לאמר׃

  16. יְחֶזְקֵאל כ״ט:י״חבערך תקע״ב לפנה״ס

    בן אדם נבוכדראצר מלך בבל העביד את חילו עבדה גדלה אל צר כל ראש מקרח וכל כתף מרוטה ושכר לא היה לו ולחילו מצר על העבדה אשר עבד עליה׃

  17. יְחֶזְקֵאל כ״ט:י״טבערך תקע״ב לפנה״ס

    לכן כה אמר אדני יהוה הנני נתן לנבוכדראצר מלך בבל את ארץ מצרים ונשא המנה ושלל שללה ובזז בזה והיתה שכר לחילו׃

  18. יְחֶזְקֵאל כ״ט:כ׳בערך תקע״ב לפנה״ס

    פעלתו אשר עבד בה נתתי לו את ארץ מצרים אשר עשו לי נאם אדני יהוה׃

  19. יְחֶזְקֵאל כ״ט:כ״אבערך תקע״ב לפנה״ס

    ביום ההוא אצמיח קרן לבית ישראל ולך אתן פתחון פה בתוכם וידעו כי אני יהוה׃

  20. יְחֶזְקֵאל ל׳:א׳

    ¶ ויהי דבר יהוה אלי לאמר׃

  21. יְחֶזְקֵאל ל׳:ב׳

    בן אדם הנבא ואמרת כה אמר אדני יהוה הילילו הה ליום׃

  22. יְחֶזְקֵאל ל׳:ג׳

    כי קרוב יום וקרוב יום ליהוה יום ענן עת גוים יהיה׃

  23. יְחֶזְקֵאל ל׳:ד׳

    ובאה חרב במצרים והיתה חלחלה בכוש בנפל חלל במצרים ולקחו המונה ונהרסו יסודתיה׃

  24. יְחֶזְקֵאל ל׳:ה׳

    כוש ופוט ולוד וכל הערב וכוב ובני ארץ הברית אתם בחרב יפלו׃

  25. יְחֶזְקֵאל ל׳:ו׳

    כה אמר יהוה ונפלו סמכי מצרים וירד גאון עזה ממגדל סונה בחרב יפלו בה נאם אדני יהוה׃