TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 605–538 BC
The Babylonian Exile
Jerusalem falls and the temple burns; Ezekiel and Daniel minister among the exiles as Lamentations mourns the city's ruin.
פסוקים מתקופה זו
- יְחֶזְקֵאל ט״ז:כ״דבערך תקצ״ד לפנה״ס
ותבני לך גב ותעשי לך רמה בכל רחוב׃
- יְחֶזְקֵאל ט״ז:כ״הבערך תקצ״ד לפנה״ס
אל כל ראש דרך בנית רמתך ותתעבי את יפיך ותפשקי את רגליך לכל עובר ותרבי את תזנתך׃
- יְחֶזְקֵאל ט״ז:כ״ובערך תקצ״ד לפנה״ס
ותזני אל בני מצרים שכניך גדלי בשר ותרבי את תזנתך להכעיסני׃
- יְחֶזְקֵאל ט״ז:כ״זבערך תקצ״ד לפנה״ס
והנה נטיתי ידי עליך ואגרע חקך ואתנך בנפש שנאותיך בנות פלשתים הנכלמות מדרכך זמה׃
- יְחֶזְקֵאל ט״ז:כ״חבערך תקצ״ד לפנה״ס
ותזני אל בני אשור מבלתי שבעתך ותזנים וגם לא שבעת׃
- יְחֶזְקֵאל ט״ז:כ״טבערך תקצ״ד לפנה״ס
ותרבי את תזנותך אל ארץ כנען כשדימה וגם בזאת לא שבעת׃
- יְחֶזְקֵאל ט״ז:ל׳בערך תקצ״ד לפנה״ס
מה אמלה לבתך נאם אדני יהוה בעשותך את כל אלה מעשה אשה זונה שלטת׃
- יְחֶזְקֵאל ט״ז:ל״אבערך תקצ״ד לפנה״ס
בבנותיך גבך בראש כל דרך ורמתך עשיתי בכל רחוב ולא הייתי כזונה לקלס אתנן׃
- יְחֶזְקֵאל ט״ז:ל״בבערך תקצ״ד לפנה״ס
האשה המנאפת תחת אישה תקח את זרים׃
- יְחֶזְקֵאל ט״ז:ל״גבערך תקצ״ד לפנה״ס
לכל זנות יתנו נדה ואת נתת את נדניך לכל מאהביך ותשחדי אותם לבוא אליך מסביב בתזנותיך׃
- יְחֶזְקֵאל ט״ז:ל״דבערך תקצ״ד לפנה״ס
ויהי בך הפך מן הנשים בתזנותיך ואחריך לא זונה ובתתך אתנן ואתנן לא נתן לך ותהי להפך׃
- יְחֶזְקֵאל ט״ז:ל״הבערך תקצ״ד לפנה״ס
לכן זונה שמעי דבר יהוה׃
- יְחֶזְקֵאל ט״ז:ל״ובערך תקצ״ד לפנה״ס
כה אמר אדני יהוה יען השפך נחשתך ותגלה ערותך בתזנותיך על מאהביך ועל כל גלולי תועבותיך וכדמי בניך אשר נתת להם׃
- יְחֶזְקֵאל ט״ז:ל״זבערך תקצ״ד לפנה״ס
לכן הנני מקבץ את כל מאהביך אשר ערבת עליהם ואת כל אשר אהבת על כל אשר שנאת וקבצתי אתם עליך מסביב וגליתי ערותך אלהם וראו את כל ערותך׃
- יְחֶזְקֵאל ט״ז:ל״חבערך תקצ״ד לפנה״ס
ושפטתיך משפטי נאפות ושפכת דם ונתתיך דם חמה וקנאה׃
- יְחֶזְקֵאל ט״ז:ל״טבערך תקצ״ד לפנה״ס
ונתתי אותך בידם והרסו גבך ונתצו רמתיך והפשיטו אותך בגדיך ולקחו כלי תפארתך והניחוך עירם ועריה׃
- יְחֶזְקֵאל ט״ז:מ׳בערך תקצ״ד לפנה״ס
והעלו עליך קהל ורגמו אותך באבן ובתקוך בחרבותם׃
- יְחֶזְקֵאל ט״ז:מ״אבערך תקצ״ד לפנה״ס
ושרפו בתיך באש ועשו בך שפטים לעיני נשים רבות והשבתיך מזונה וגם אתנן לא תתני עוד׃
- יְחֶזְקֵאל ט״ז:מ״בבערך תקצ״ד לפנה״ס
והנחתי חמתי בך וסרה קנאתי ממך ושקטתי ולא אכעס עוד׃
- יְחֶזְקֵאל ט״ז:מ״גבערך תקצ״ד לפנה״ס
יען אשר לא זכרתי את ימי נעוריך ותרגזי לי בכל אלה וגם אני הא דרכך בראש נתתי נאם אדני יהוה ולא עשיתי את הזמה על כל תועבתיך׃
- יְחֶזְקֵאל ט״ז:מ״דבערך תקצ״ד לפנה״ס
הנה כל המשל עליך ימשל לאמר כאמה בתה׃
- יְחֶזְקֵאל ט״ז:מ״הבערך תקצ״ד לפנה״ס
בת אמך את געלת אישה ובניה ואחות אחותך את אשר געלו אנשיהן ובניהן אמכן חתית ואביכן אמרי׃
- יְחֶזְקֵאל ט״ז:מ״ובערך תקצ״ד לפנה״ס
ואחותך הגדולה שמרון היא ובנותיה היושבת על שמאולך ואחותך הקטנה ממך היושבת מימינך סדם ובנותיה׃
- יְחֶזְקֵאל ט״ז:מ״זבערך תקצ״ד לפנה״ס
ולא בדרכיהן הלכת ובתועבותיהן עשיתי כמעט קט ותשחתי מהן בכל דרכיך׃
- יְחֶזְקֵאל ט״ז:מ״חבערך תקצ״ד לפנה״ס
חי אני נאם אדני יהוה אם עשתה סדם אחותך היא ובנותיה כאשר עשית את ובנותיך׃