circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שְׁמֹות כ״ג:ד׳בערך תצ״א לפנה״ס

    כי תפגע שור איבך או חמרו תעה השב תשיבנו לו׃

  2. שְׁמֹות כ״ג:ה׳בערך תצ״א לפנה״ס

    כי תראה חמור שנאך רבץ תחת משאו וחדלת מעזב לו עזב תעזב עמו׃

  3. שְׁמֹות כ״ג:ו׳בערך תצ״א לפנה״ס

    לא תטה משפט אבינך בריבו׃

  4. שְׁמֹות כ״ג:ז׳בערך תצ״א לפנה״ס

    מדבר שקר תרחק ונקי וצדיק אל תהרג כי לא אצדיק רשע׃

  5. שְׁמֹות כ״ג:ח׳בערך תצ״א לפנה״ס

    ושחד לא תקח כי השחד יעור פקחים ויסלף דברי צדיקים׃

  6. שְׁמֹות כ״ג:ט׳בערך תצ״א לפנה״ס

    וגר לא תלחץ ואתם ידעתם את נפש הגר כי גרים הייתם בארץ מצרים׃

  7. שְׁמֹות כ״ג:י׳בערך תצ״א לפנה״ס

    ושש שנים תזרע את ארצך ואספת את תבואתה׃

  8. שְׁמֹות כ״ג:י״אבערך תצ״א לפנה״ס

    והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך׃

  9. שְׁמֹות כ״ג:י״בבערך תצ״א לפנה״ס

    ששת ימים תעשה מעשיך וביום השביעי תשבת למען ינוח שורך וחמרך וינפש בן אמתך והגר׃

  10. שְׁמֹות כ״ג:י״גבערך תצ״א לפנה״ס

    ובכל אשר אמרתי אליכם תשמרו ושם אלהים אחרים לא תזכירו לא ישמע על פיך׃

  11. שְׁמֹות כ״ג:י״דבערך תצ״א לפנה״ס

    שלש רגלים תחג לי בשנה׃

  12. שְׁמֹות כ״ג:ט״ובערך תצ״א לפנה״ס

    את חג המצות תשמר שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקם׃

  13. שְׁמֹות כ״ג:ט״זבערך תצ״א לפנה״ס

    וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה׃

  14. שְׁמֹות כ״ג:י״זבערך תצ״א לפנה״ס

    שלש פעמים בשנה יראה כל זכורך אל פני האדן יהוה׃

  15. שְׁמֹות כ״ג:י״חבערך תצ״א לפנה״ס

    לא תזבח על חמץ דם זבחי ולא ילין חלב חגי עד בקר׃

  16. שְׁמֹות כ״ג:י״טבערך תצ״א לפנה״ס

    ראשית בכורי אדמתך תביא בית יהוה אלהיך לא תבשל גדי בחלב אמו׃

  17. שְׁמֹות כ״ג:כ׳בערך תצ״א לפנה״ס

    הנה אנכי שלח מלאך לפניך לשמרך בדרך ולהביאך אל המקום אשר הכנתי׃

  18. שְׁמֹות כ״ג:כ״אבערך תצ״א לפנה״ס

    השמר מפניו ושמע בקלו אל תמר בו כי לא ישא לפשעכם כי שמי בקרבו׃

  19. שְׁמֹות כ״ג:כ״בבערך תצ״א לפנה״ס

    כי אם שמע תשמע בקלו ועשית כל אשר אדבר ואיבתי את איביך וצרתי את צרריך׃

  20. שְׁמֹות כ״ג:כ״גבערך תצ״א לפנה״ס

    כי ילך מלאכי לפניך והביאך אל האמרי והחתי והפרזי והכנעני החוי והיבוסי והכחדתיו׃

  21. שְׁמֹות כ״ג:כ״דבערך תצ״א לפנה״ס

    לא תשתחוה לאלהיהם ולא תעבדם ולא תעשה כמעשיהם כי הרס תהרסם ושבר תשבר מצבתיהם׃

  22. שְׁמֹות כ״ג:כ״הבערך תצ״א לפנה״ס

    ועבדתם את יהוה אלהיכם וברך את לחמך ואת מימיך והסרתי מחלה מקרבך׃

  23. שְׁמֹות כ״ג:כ״ובערך תצ״א לפנה״ס

    לא תהיה משכלה ועקרה בארצך את מספר ימיך אמלא׃

  24. שְׁמֹות כ״ג:כ״זבערך תצ״א לפנה״ס

    את אימתי אשלח לפניך והמתי את כל העם אשר תבא בהם ונתתי את כל איביך אליך ערף׃

  25. שְׁמֹות כ״ג:כ״חבערך תצ״א לפנה״ס

    ושלחתי את הצרעה לפניך וגרשה את החוי את הכנעני ואת החתי מלפניך׃