Zion

מטה עזך ישלח יהוה מציון רדה בקרב איביך׃

¶ שיר המעלות בשוב יהוה את שיבת ציון היינו כחלמים׃

יברכך יהוה מציון וראה בטוב ירושלם כל ימי חייך׃

יבשו ויסגו אחור כל שנאי ציון׃

כי בחר יהוה בציון אוה למושב לו׃

כטל חרמון שירד על הררי ציון כי שם צוה יהוה את הברכה חיים עד העולם׃

יברכך יהוה מציון עשה שמים וארץ׃

ברוך יהוה מציון שכן ירושלם הללו יה׃

¶ על נהרות בבל שם ישבנו גם בכינו בזכרנו את ציון׃

כי שם שאלונו שובינו דברי שיר ותוללינו שמחה שירו לנו משיר ציון׃

ימלך יהוה לעולם אלהיך ציון לדר ודר הללו יה׃

שבחי ירושלם את יהוה הללי אלהיך ציון׃

ישמח ישראל בעשיו בני ציון יגילו במלכם׃

צאינה וראינה בנות ציון במלך שלמה בעטרה שעטרה לו אמו ביום חתנתו וביום שמחת לבו׃

ונותרה בת ציון כסכה בכרם כמלונה במקשה כעיר נצורה׃

ציון במשפט תפדה ושביה בצדקה׃

והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושלם׃

ויאמר יהוה יען כי גבהו בנות ציון ותלכנה נטוות גרון ומשקרות עינים הלוך וטפוף תלכנה וברגליהם תעכסנה׃

ושפח אדני קדקד בנות ציון ויהוה פתהן יערה׃

והיה הנשאר בציון והנותר בירושלם קדוש יאמר לו כל הכתוב לחיים בירושלם׃

אם רחץ אדני את צאת בנות ציון ואת דמי ירושלם ידיח מקרבה ברוח משפט וברוח בער׃

לכן כה אמר אדני יהוה צבאות אל תירא עמי ישב ציון מאשור בשבט יככה ומטהו ישא עליך בדרך מצרים׃

עוד היום בנב לעמד ינפף ידו הר בית ציון גבעת ירושלם׃

צהלי ורני יושבת ציון כי גדול בקרבך קדוש ישראל׃

ומה יענה מלאכי גוי כי יהוה יסד ציון ובה יחסו עניי עמו׃