פסוקים על Zion

וילך המלך ואנשיו ירושלם אל היבסי יושב הארץ ויאמר לדוד לאמר לא תבוא הנה כי אם הסירך העורים והפסחים לאמר לא יבוא דוד הנה׃

וילכד דוד את מצדת ציון היא עיר דוד׃

ויאמר דוד ביום ההוא כל מכה יבסי ויגע בצנור ואת הפסחים ואת העורים שנאו נפש דוד על כן יאמרו עור ופסח לא יבוא אל הבית׃

וישב דוד במצדה ויקרא לה עיר דוד ויבן דוד סביב מן המלוא וביתה׃

ויגד למלך דוד לאמר ברך יהוה את בית עבד אדם ואת כל אשר לו בעבור ארון האלהים וילך דוד ויעל את ארון האלהים מבית עבד אדם עיר דוד בשמחה׃

והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃

¶ אז יקהל שלמה את זקני ישראל את כל ראשי המטות נשיאי האבות לבני ישראל אל המלך שלמה ירושלם להעלות את ארון ברית יהוה מעיר דוד היא ציון׃

זה הדבר אשר דבר יהוה עליו בזה לך לעגה לך בתולת בת ציון אחריך ראש הניעה בת ירושלם׃

כי מירושלם תצא שארית ופליטה מהר ציון קנאת יהוה תעשה זאת׃

ויאמרו ישבי יבוס לדויד לא תבוא הנה וילכד דויד את מצדת ציון היא עיר דויד׃

ויאמר דויד כל מכה יבוסי בראשונה יהיה לראש ולשר ויעל בראשונה יואב בן צרויה ויהי לראש׃

וישב דויד במצד על כן קראו לו עיר דויד׃

¶ ויעש לו בתים בעיר דויד ויכן מקום לארון האלהים ויט לו אהל׃

ויהי ארון ברית יהוה בא עד עיר דויד ומיכל בת שאול נשקפה בעד החלון ותרא את המלך דויד מרקד ומשחק ותבז לו בלבה׃

¶ ויחל שלמה לבנות את בית יהוה בירושלם בהר המוריה אשר נראה לדויד אביהו אשר הכין במקום דויד בגרן ארנן היבוסי׃

אז יקהיל שלמה את זקני ישראל ואת כל ראשי המטות נשיאי האבות לבני ישראל אל ירושלם להעלות את ארון ברית יהוה מעיר דויד היא ציון׃

זמרו ליהוה ישב ציון הגידו בעמים עלילותיו׃

יפה נוף משוש כל הארץ הר ציון ירכתי צפון קרית מלך רב׃

ישמח הר ציון תגלנה בנות יהודה למען משפטיך׃

סבו ציון והקיפוה ספרו מגדליה׃

זכר עדתך קנית קדם גאלת שבט נחלתך הר ציון זה שכנת בו׃

אהב יהוה שערי ציון מכל משכנות יעקב׃

נכבדות מדבר בך עיר האלהים סלה׃

ולציון יאמר איש ואיש ילד בה והוא יכוננה עליון׃

כי בחר יהוה בציון אוה למושב לו׃