פסוקים על Zion: Restoration of, promised

21 פסוקים · 9 היבטים

פסוקים על Restoration of, promised

יְשַׁעְיָהוּ נ״א:ג׳
כי נחם יהוה ציון נחם כל חרבתיה וישם מדברה כעדן וערבתה כגן יהוה ששון ושמחה ימצא בה תודה וקול זמרה׃
יְשַׁעְיָהוּ נ״א:י״א
ופדויי יהוה ישובון ובאו ציון ברנה ושמחת עולם על ראשם ששון ושמחה ישיגון נסו יגון ואנחה׃
יְשַׁעְיָהוּ נ״א:ט״ז
ואשים דברי בפיך ובצל ידי כסיתיך לנטע שמים וליסד ארץ ולאמר לציון עמי אתה׃
יְשַׁעְיָהוּ נ״ב:א׳
¶ עורי עורי לבשי עזך ציון לבשי בגדי תפארתך ירושלם עיר הקדש כי לא יוסיף יבא בך עוד ערל וטמא׃
יְשַׁעְיָהוּ נ״ב:ב׳
התנערי מעפר קומי שבי ירושלם התפתחו מוסרי צוארך שביה בת ציון׃
יְשַׁעְיָהוּ נ״ב:ז׳
מה נאוו על ההרים רגלי מבשר משמיע שלום מבשר טוב משמיע ישועה אמר לציון מלך אלהיך׃
יְשַׁעְיָהוּ נ״ב:ח׳
קול צפיך נשאו קול יחדו ירננו כי עין בעין יראו בשוב יהוה ציון׃
יְשַׁעְיָהוּ נ״ט:כ׳
ובא לציון גואל ולשבי פשע ביעקב נאם יהוה׃
יְשַׁעְיָהוּ ס׳:י״ד
והלכו אליך שחוח בני מעניך והשתחוו על כפות רגליך כל מנאציך וקראו לך עיר יהוה ציון קדוש ישראל׃
עֹבַדְיָה א׳:י״ז
ובהר ציון תהיה פליטה והיה קדש וירשו בית יעקב את מורשיהם׃
עֹבַדְיָה א׳:כ״א
ועלו מושעים בהר ציון לשפט את הר עשו והיתה ליהוה המלוכה׃
צְפַנְיָה ג׳:י״ד
רני בת ציון הריעו ישראל שמחי ועלזי בכל לב בת ירושלם׃
צְפַנְיָה ג׳:ט״ז
ביום ההוא יאמר לירושלם אל תיראי ציון אל ירפו ידיך׃
זְכַרְיָה א׳:י״ד
ויאמר אלי המלאך הדבר בי קרא לאמר כה אמר יהוה צבאות קנאתי לירושלם ולציון קנאה גדולה׃
זְכַרְיָה א׳:י״ז
עוד קרא לאמר כה אמר יהוה צבאות עוד תפוצינה ערי מטוב ונחם יהוה עוד את ציון ובחר עוד בירושלם׃
זְכַרְיָה ב׳:ז׳
הוי ציון המלטי יושבת בת בבל׃
זְכַרְיָה ב׳:י׳
רני ושמחי בת ציון כי הנני בא ושכנתי בתוכך נאם יהוה׃
זְכַרְיָה ח׳:ב׳
כה אמר יהוה צבאות קנאתי לציון קנאה גדולה וחמה גדולה קנאתי לה׃
זְכַרְיָה ח׳:ג׳
כה אמר יהוה שבתי אל ציון ושכנתי בתוך ירושלם ונקראה ירושלם עיר האמת והר יהוה צבאות הר הקדש׃
זְכַרְיָה ט׳:ט׳
גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנות׃
זְכַרְיָה ט׳:י״ג
כי דרכתי לי יהודה קשת מלאתי אפרים ועוררתי בניך ציון על בניך יון ושמתיך כחרב גבור׃