Solomon

275 פסוקים · 27 בני משפחה

ידוע גם בשם: Jedidiah

פסוקים המזכירים את Solomon

סינון לפי ספר
  1. 1 מְלָכִים ט׳:כ״ג

    אלה שרי הנצבים אשר על המלאכה לשלמה חמשים וחמש מאות הרדים בעם העשים במלאכה׃

  2. 1 מְלָכִים ט׳:כ״ד

    אך בת פרעה עלתה מעיר דוד אל ביתה אשר בנה לה אז בנה את המלוא׃

  3. 1 מְלָכִים ט׳:כ״ה

    והעלה שלמה שלש פעמים בשנה עלות ושלמים על המזבח אשר בנה ליהוה והקטיר אתו אשר לפני יהוה ושלם את הבית׃

  4. 1 מְלָכִים ט׳:כ״ו

    ואני עשה המלך שלמה בעציון גבר אשר את אלות על שפת ים סוף בארץ אדום׃

  5. 1 מְלָכִים ט׳:כ״ז

    וישלח חירם באני את עבדיו אנשי אניות ידעי הים עם עבדי שלמה׃

  6. 1 מְלָכִים ט׳:כ״ח

    ויבאו אופירה ויקחו משם זהב ארבע מאות ועשרים ככר ויבאו אל המלך שלמה׃

  7. 1 מְלָכִים י׳:א׳

    ¶ ומלכת שבא שמעת את שמע שלמה לשם יהוה ותבא לנסתו בחידות׃

  8. 1 מְלָכִים י׳:ב׳

    ותבא ירושלמה בחיל כבד מאד גמלים נשאים בשמים וזהב רב מאד ואבן יקרה ותבא אל שלמה ותדבר אליו את כל אשר היה עם לבבה׃

  9. 1 מְלָכִים י׳:ג׳

    ויגד לה שלמה את כל דבריה לא היה דבר נעלם מן המלך אשר לא הגיד לה׃

  10. 1 מְלָכִים י׳:ד׳

    ותרא מלכת שבא את כל חכמת שלמה והבית אשר בנה׃

  11. 1 מְלָכִים י׳:י׳

    ותתן למלך מאה ועשרים ככר זהב ובשמים הרבה מאד ואבן יקרה לא בא כבשם ההוא עוד לרב אשר נתנה מלכת שבא למלך שלמה׃

  12. 1 מְלָכִים י׳:י״ג

    והמלך שלמה נתן למלכת שבא את כל חפצה אשר שאלה מלבד אשר נתן לה כיד המלך שלמה ותפן ותלך לארצה היא ועבדיה׃

  13. 1 מְלָכִים י׳:י״ד

    ויהי משקל הזהב אשר בא לשלמה בשנה אחת שש מאות ששים ושש ככר זהב׃

  14. 1 מְלָכִים י׳:ט״ז

    ויעש המלך שלמה מאתים צנה זהב שחוט שש מאות זהב יעלה על הצנה האחת׃

  15. 1 מְלָכִים י׳:כ״א

    וכל כלי משקה המלך שלמה זהב וכל כלי בית יער הלבנון זהב סגור אין כסף לא נחשב בימי שלמה למאומה׃

  16. 1 מְלָכִים י׳:כ״ג

    ויגדל המלך שלמה מכל מלכי הארץ לעשר ולחכמה׃

  17. 1 מְלָכִים י׳:כ״ד

    וכל הארץ מבקשים את פני שלמה לשמע את חכמתו אשר נתן אלהים בלבו׃

  18. 1 מְלָכִים י׳:כ״ו

    ויאסף שלמה רכב ופרשים ויהי לו אלף וארבע מאות רכב ושנים עשר אלף פרשים וינחם בערי הרכב ועם המלך בירושלם׃

  19. 1 מְלָכִים י׳:כ״ח

    ומוצא הסוסים אשר לשלמה ממצרים ומקוה סחרי המלך יקחו מקוה במחיר׃

  20. 1 מְלָכִים י״א:א׳

    ¶ והמלך שלמה אהב נשים נכריות רבות ואת בת פרעה מואביות עמניות אדמית צדנית חתית׃

  21. 1 מְלָכִים י״א:ב׳

    מן הגוים אשר אמר יהוה אל בני ישראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שלמה לאהבה׃

  22. 1 מְלָכִים י״א:ד׳

    ויהי לעת זקנת שלמה נשיו הטו את לבבו אחרי אלהים אחרים ולא היה לבבו שלם עם יהוה אלהיו כלבב דויד אביו׃

  23. 1 מְלָכִים י״א:ה׳

    וילך שלמה אחרי עשתרת אלהי צדנים ואחרי מלכם שקץ עמנים׃

  24. 1 מְלָכִים י״א:ו׳

    ויעש שלמה הרע בעיני יהוה ולא מלא אחרי יהוה כדוד אביו׃

  25. 1 מְלָכִים י״א:ז׳

    אז יבנה שלמה במה לכמוש שקץ מואב בהר אשר על פני ירושלם ולמלך שקץ בני עמון׃