Pharaoh

138 פסוקים

פסוקים המזכירים את Pharaoh

סינון לפי ספר
  1. שְׁמֹות י׳:א׳

    ¶ ויאמר יהוה אל משה בא אל פרעה כי אני הכבדתי את לבו ואת לב עבדיו למען שתי אתתי אלה בקרבו׃

  2. שְׁמֹות י׳:ג׳

    ויבא משה ואהרן אל פרעה ויאמרו אליו כה אמר יהוה אלהי העברים עד מתי מאנת לענת מפני שלח עמי ויעבדני׃

  3. שְׁמֹות י׳:ו׳

    ומלאו בתיך ובתי כל עבדיך ובתי כל מצרים אשר לא ראו אבתיך ואבות אבתיך מיום היותם על האדמה עד היום הזה ויפן ויצא מעם פרעה׃

  4. שְׁמֹות י׳:ז׳

    ויאמרו עבדי פרעה אליו עד מתי יהיה זה לנו למוקש שלח את האנשים ויעבדו את יהוה אלהיהם הטרם תדע כי אבדה מצרים׃

  5. שְׁמֹות י׳:ח׳

    ויושב את משה ואת אהרן אל פרעה ויאמר אלהם לכו עבדו את יהוה אלהיכם מי ומי ההלכים׃

  6. שְׁמֹות י׳:י״א

    לא כן לכו נא הגברים ועבדו את יהוה כי אתה אתם מבקשים ויגרש אתם מאת פני פרעה׃

  7. שְׁמֹות י׳:ט״ז

    וימהר פרעה לקרא למשה ולאהרן ויאמר חטאתי ליהוה אלהיכם ולכם׃

  8. שְׁמֹות י׳:י״ח

    ויצא מעם פרעה ויעתר אל יהוה׃

  9. שְׁמֹות י׳:כ׳

    ויחזק יהוה את לב פרעה ולא שלח את בני ישראל׃

  10. שְׁמֹות י׳:כ״ד

    ויקרא פרעה אל משה ויאמר לכו עבדו את יהוה רק צאנכם ובקרכם יצג גם טפכם ילך עמכם׃

  11. שְׁמֹות י׳:כ״ז

    ויחזק יהוה את לב פרעה ולא אבה לשלחם׃

  12. שְׁמֹות י׳:כ״ח

    ויאמר לו פרעה לך מעלי השמר לך אל תסף ראות פני כי ביום ראתך פני תמות׃

  13. שְׁמֹות י״א:א׳

    ¶ ויאמר יהוה אל משה עוד נגע אחד אביא על פרעה ועל מצרים אחרי כן ישלח אתכם מזה כשלחו כלה גרש יגרש אתכם מזה׃

  14. שְׁמֹות י״א:ג׳

    ויתן יהוה את חן העם בעיני מצרים גם האיש משה גדול מאד בארץ מצרים בעיני עבדי פרעה ובעיני העם׃

  15. שְׁמֹות י״א:ה׳

    ומת כל בכור בארץ מצרים מבכור פרעה הישב על כסאו עד בכור השפחה אשר אחר הרחים וכל בכור בהמה׃

  16. שְׁמֹות י״א:ח׳

    וירדו כל עבדיך אלה אלי והשתחוו לי לאמר צא אתה וכל העם אשר ברגליך ואחרי כן אצא ויצא מעם פרעה בחרי אף׃

  17. שְׁמֹות י״א:ט׳

    ויאמר יהוה אל משה לא ישמע אליכם פרעה למען רבות מופתי בארץ מצרים׃

  18. שְׁמֹות י״א:י׳

    ומשה ואהרן עשו את כל המפתים האלה לפני פרעה ויחזק יהוה את לב פרעה ולא שלח את בני ישראל מארצו׃

  19. שְׁמֹות י״ב:כ״ט

    ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה׃

  20. שְׁמֹות י״ב:ל׳

    ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת׃

  21. שְׁמֹות י״ג:ט״ו

    ויהי כי הקשה פרעה לשלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה׃

  22. שְׁמֹות י״ג:י״ז

    ויהי בשלח פרעה את העם ולא נחם אלהים דרך ארץ פלשתים כי קרוב הוא כי אמר אלהים פן ינחם העם בראתם מלחמה ושבו מצרימה׃

  23. שְׁמֹות י״ד:ג׳

    ואמר פרעה לבני ישראל נבכים הם בארץ סגר עליהם המדבר׃

  24. שְׁמֹות י״ד:ד׳

    וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כן׃

  25. שְׁמֹות י״ד:ה׳

    ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשינו כי שלחנו את ישראל מעבדנו׃