עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ מ״ט:ל׳

    נסו נדו מאד העמיקו לשבת ישבי חצור נאם יהוה כי יעץ עליכם נבוכדראצר מלך בבל עצה וחשב עליהם מחשבה׃

  2. יִרְמְיָהוּ מ״ט:ל״א

    קומו עלו אל גוי שליו יושב לבטח נאם יהוה לא דלתים ולא בריח לו בדד ישכנו׃

  3. יִרְמְיָהוּ מ״ט:ל״ב

    והיו גמליהם לבז והמון מקניהם לשלל וזרתים לכל רוח קצוצי פאה ומכל עבריו אביא את אידם נאם יהוה׃

  4. יִרְמְיָהוּ מ״ט:ל״ד

    אשר היה דבר יהוה אל ירמיהו הנביא אל עילם בראשית מלכות צדקיה מלך יהודה לאמר׃

  5. יִרְמְיָהוּ מ״ט:ל״ה

    כה אמר יהוה צבאות הנני שבר את קשת עילם ראשית גבורתם׃

  6. יִרְמְיָהוּ מ״ט:ל״ו

    והבאתי אל עילם ארבע רוחות מארבע קצות השמים וזרתים לכל הרחות האלה ולא יהיה הגוי אשר לא יבוא שם נדחי עולם׃

  7. יִרְמְיָהוּ מ״ט:ל״ז

    והחתתי את עילם לפני איביהם ולפני מבקשי נפשם והבאתי עליהם רעה את חרון אפי נאם יהוה ושלחתי אחריהם את החרב עד כלותי אותם׃

  8. יִרְמְיָהוּ מ״ט:ל״ח

    ושמתי כסאי בעילם והאבדתי משם מלך ושרים נאם יהוה׃

  9. יִרְמְיָהוּ מ״ט:ל״ט

    והיה באחרית הימים אשוב את שבית עילם נאם יהוה׃

  10. יִרְמְיָהוּ נ׳:א׳

    ¶ הדבר אשר דבר יהוה אל בבל אל ארץ כשדים ביד ירמיהו הנביא׃

  11. יִרְמְיָהוּ נ׳:ד׳

    בימים ההמה ובעת ההיא נאם יהוה יבאו בני ישראל המה ובני יהודה יחדו הלוך ובכו ילכו ואת יהוה אלהיהם יבקשו׃

  12. יִרְמְיָהוּ נ׳:ה׳

    ציון ישאלו דרך הנה פניהם באו ונלוו אל יהוה ברית עולם לא תשכח׃

  13. יִרְמְיָהוּ נ׳:ז׳

    כל מוצאיהם אכלום וצריהם אמרו לא נאשם תחת אשר חטאו ליהוה נוה צדק ומקוה אבותיהם יהוה׃

  14. יִרְמְיָהוּ נ׳:ט׳

    כי הנה אנכי מעיר ומעלה על בבל קהל גוים גדלים מארץ צפון וערכו לה משם תלכד חציו כגבור משכיל לא ישוב ריקם׃

  15. יִרְמְיָהוּ נ׳:י׳

    והיתה כשדים לשלל כל שלליה ישבעו נאם יהוה׃

  16. יִרְמְיָהוּ נ׳:י״ג

    מקצף יהוה לא תשב והיתה שממה כלה כל עבר על בבל ישם וישרק על כל מכותיה׃

  17. יִרְמְיָהוּ נ׳:י״ד

    ערכו על בבל סביב כל דרכי קשת ידו אליה אל תחמלו אל חץ כי ליהוה חטאה׃

  18. יִרְמְיָהוּ נ׳:ט״ו

    הריעו עליה סביב נתנה ידה נפלו אשויתיה נהרסו חומותיה כי נקמת יהוה היא הנקמו בה כאשר עשתה עשו לה׃

  19. יִרְמְיָהוּ נ׳:י״ח

    לכן כה אמר יהוה צבאות אלהי ישראל הנני פקד אל מלך בבל ואל ארצו כאשר פקדתי אל מלך אשור׃

  20. יִרְמְיָהוּ נ׳:י״ט

    ושבבתי את ישראל אל נוהו ורעה הכרמל והבשן ובהר אפרים והגלעד תשבע נפשו׃

  21. יִרְמְיָהוּ נ׳:כ׳

    בימים ההם ובעת ההיא נאם יהוה יבקש את עון ישראל ואיננו ואת חטאת יהודה ולא תמצאינה כי אסלח לאשר אשאיר׃

  22. יִרְמְיָהוּ נ׳:כ״א

    על הארץ מרתים עלה עליה ואל יושבי פקוד חרב והחרם אחריהם נאם יהוה ועשה ככל אשר צויתיך׃

  23. יִרְמְיָהוּ נ׳:כ״ד

    יקשתי לך וגם נלכדת בבל ואת לא ידעת נמצאת וגם נתפשת כי ביהוה התגרית׃

  24. יִרְמְיָהוּ נ׳:כ״ה

    פתח יהוה את אוצרו ויוצא את כלי זעמו כי מלאכה היא לאדני יהוה צבאות בארץ כשדים׃

  25. יִרְמְיָהוּ נ׳:כ״ח

    קול נסים ופלטים מארץ בבל להגיד בציון את נקמת יהוה אלהינו נקמת היכלו׃