עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ נ׳:כ״ט

    השמיעו אל בבל רבים כל דרכי קשת חנו עליה סביב אל יהי פליטה שלמו לה כפעלה ככל אשר עשתה עשו לה כי אל יהוה זדה אל קדוש ישראל׃

  2. יִרְמְיָהוּ נ׳:ל׳

    לכן יפלו בחוריה ברחבתיה וכל אנשי מלחמתה ידמו ביום ההוא נאם יהוה׃

  3. יִרְמְיָהוּ נ׳:ל״א

    הנני אליך זדון נאם אדני יהוה צבאות כי בא יומך עת פקדתיך׃

  4. יִרְמְיָהוּ נ׳:ל״ב

    וכשל זדון ונפל ואין לו מקים והצתי אש בעריו ואכלה כל סביבתיו׃

  5. יִרְמְיָהוּ נ׳:ל״ג

    כה אמר יהוה צבאות עשוקים בני ישראל ובני יהודה יחדו וכל שביהם החזיקו בם מאנו שלחם׃

  6. יִרְמְיָהוּ נ׳:ל״ד

    גאלם חזק יהוה צבאות שמו ריב יריב את ריבם למען הרגיע את הארץ והרגיז לישבי בבל׃

  7. יִרְמְיָהוּ נ׳:ל״ה

    חרב על כשדים נאם יהוה ואל ישבי בבל ואל שריה ואל חכמיה׃

  8. יִרְמְיָהוּ נ׳:מ׳

    כמהפכת אלהים את סדם ואת עמרה ואת שכניה נאם יהוה לא ישב שם איש ולא יגור בה בן אדם׃

  9. יִרְמְיָהוּ נ׳:מ״ד

    הנה כאריה יעלה מגאון הירדן אל נוה איתן כי ארגעה ארוצם מעליה ומי בחור אליה אפקד כי מי כמוני ומי יועדני ומי זה רעה אשר יעמד לפני׃

  10. יִרְמְיָהוּ נ׳:מ״ה

    לכן שמעו עצת יהוה אשר יעץ אל בבל ומחשבותיו אשר חשב אל ארץ כשדים אם לא יסחבום צעירי הצאן אם לא ישים עליהם נוה׃

  11. יִרְמְיָהוּ נ״א:א׳

    ¶ כה אמר יהוה הנני מעיר על בבל ואל ישבי לב קמי רוח משחית׃

  12. יִרְמְיָהוּ נ״א:ה׳

    כי לא אלמן ישראל ויהודה מאלהיו מיהוה צבאות כי ארצם מלאה אשם מקדוש ישראל׃

  13. יִרְמְיָהוּ נ״א:ו׳

    נסו מתוך בבל ומלטו איש נפשו אל תדמו בעונה כי עת נקמה היא ליהוה גמול הוא משלם לה׃

  14. יִרְמְיָהוּ נ״א:ז׳

    כוס זהב בבל ביד יהוה משכרת כל הארץ מיינה שתו גוים על כן יתהללו גוים׃

  15. יִרְמְיָהוּ נ״א:י׳

    הוציא יהוה את צדקתינו באו ונספרה בציון את מעשה יהוה אלהינו׃

  16. יִרְמְיָהוּ נ״א:י״א

    הברו החצים מלאו השלטים העיר יהוה את רוח מלכי מדי כי על בבל מזמתו להשחיתה כי נקמת יהוה היא נקמת היכלו׃

  17. יִרְמְיָהוּ נ״א:י״ב

    אל חומת בבל שאו נס החזיקו המשמר הקימו שמרים הכינו הארבים כי גם זמם יהוה גם עשה את אשר דבר אל ישבי בבל׃

  18. יִרְמְיָהוּ נ״א:י״ד

    נשבע יהוה צבאות בנפשו כי אם מלאתיך אדם כילק וענו עליך הידד׃

  19. יִרְמְיָהוּ נ״א:ט״ו

    עשה ארץ בכחו מכין תבל בחכמתו ובתבונתו נטה שמים׃

  20. יִרְמְיָהוּ נ״א:ט״ז

    לקול תתו המון מים בשמים ויעל נשאים מקצה ארץ ברקים למטר עשה ויוצא רוח מאצרתיו׃

  21. יִרְמְיָהוּ נ״א:י״ט

    לא כאלה חלק יעקוב כי יוצר הכל הוא ושבט נחלתו יהוה צבאות שמו׃

  22. יִרְמְיָהוּ נ״א:כ׳

    מפץ אתה לי כלי מלחמה ונפצתי בך גוים והשחתי בך ממלכות׃

  23. יִרְמְיָהוּ נ״א:כ״א

    ונפצתי בך סוס ורכבו ונפצתי בך רכב ורכבו׃

  24. יִרְמְיָהוּ נ״א:כ״ב

    ונפצתי בך איש ואשה ונפצתי בך זקן ונער ונפצתי בך בחור ובתולה׃

  25. יִרְמְיָהוּ נ״א:כ״ג

    ונפצתי בך רעה ועדרו ונפצתי בך אכר וצמדו ונפצתי בך פחות וסגנים׃