עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ מ״ו:י״ח

    חי אני נאם המלך יהוה צבאות שמו כי כתבור בהרים וככרמל בים יבוא׃

  2. יִרְמְיָהוּ מ״ו:כ״ג

    כרתו יערה נאם יהוה כי לא יחקר כי רבו מארבה ואין להם מספר׃

  3. יִרְמְיָהוּ מ״ו:כ״ה

    אמר יהוה צבאות אלהי ישראל הנני פוקד אל אמון מנא ועל פרעה ועל מצרים ועל אלהיה ועל מלכיה ועל פרעה ועל הבטחים בו׃

  4. יִרְמְיָהוּ מ״ו:כ״ו

    ונתתים ביד מבקשי נפשם וביד נבוכדראצר מלך בבל וביד עבדיו ואחרי כן תשכן כימי קדם נאם יהוה׃

  5. יִרְמְיָהוּ מ״ו:כ״ז

    ואתה אל תירא עבדי יעקב ואל תחת ישראל כי הנני מושעך מרחוק ואת זרעך מארץ שבים ושב יעקוב ושקט ושאנן ואין מחריד׃

  6. יִרְמְיָהוּ מ״ו:כ״ח

    אתה אל תירא עבדי יעקב נאם יהוה כי אתך אני כי אעשה כלה בכל הגוים אשר הדחתיך שמה ואתך לא אעשה כלה ויסרתיך למשפט ונקה לא אנקך׃

  7. יִרְמְיָהוּ מ״ז:א׳

    ¶ אשר היה דבר יהוה אל ירמיהו הנביא אל פלשתים בטרם יכה פרעה את עזה׃

  8. יִרְמְיָהוּ מ״ז:ב׳

    כה אמר יהוה הנה מים עלים מצפון והיו לנחל שוטף וישטפו ארץ ומלואה עיר וישבי בה וזעקו האדם והילל כל יושב הארץ׃

  9. יִרְמְיָהוּ מ״ז:ד׳

    על היום הבא לשדוד את כל פלשתים להכרית לצר ולצידון כל שריד עזר כי שדד יהוה את פלשתים שארית אי כפתור׃

  10. יִרְמְיָהוּ מ״ז:ו׳

    הוי חרב ליהוה עד אנה לא תשקטי האספי אל תערך הרגעי ודמי׃

  11. יִרְמְיָהוּ מ״ז:ז׳

    איך תשקטי ויהוה צוה לה אל אשקלון ואל חוף הים שם יעדה׃

  12. יִרְמְיָהוּ מ״ח:א׳

    ¶ למואב כה אמר יהוה צבאות אלהי ישראל הוי אל נבו כי שדדה הבישה נלכדה קריתים הבישה המשגב וחתה׃

  13. יִרְמְיָהוּ מ״ח:ח׳

    ויבא שדד אל כל עיר ועיר לא תמלט ואבד העמק ונשמד המישר אשר אמר יהוה׃

  14. יִרְמְיָהוּ מ״ח:י׳

    ארור עשה מלאכת יהוה רמיה וארור מנע חרבו מדם׃

  15. יִרְמְיָהוּ מ״ח:י״ב

    לכן הנה ימים באים נאם יהוה ושלחתי לו צעים וצעהו וכליו יריקו ונבליהם ינפצו׃

  16. יִרְמְיָהוּ מ״ח:ט״ו

    שדד מואב ועריה עלה ומבחר בחוריו ירדו לטבח נאם המלך יהוה צבאות שמו׃

  17. יִרְמְיָהוּ מ״ח:כ״ה

    נגדעה קרן מואב וזרעו נשברה נאם יהוה׃

  18. יִרְמְיָהוּ מ״ח:כ״ו

    השכירהו כי על יהוה הגדיל וספק מואב בקיאו והיה לשחק גם הוא׃

  19. יִרְמְיָהוּ מ״ח:ל׳

    אני ידעתי נאם יהוה עברתו ולא כן בדיו לא כן עשו׃

  20. יִרְמְיָהוּ מ״ח:ל״א

    על כן על מואב איליל ולמואב כלה אזעק אל אנשי קיר חרש יהגה׃

  21. יִרְמְיָהוּ מ״ח:ל״ב

    מבכי יעזר אבכה לך הגפן שבמה נטישתיך עברו ים עד ים יעזר נגעו על קיצך ועל בצירך שדד נפל׃

  22. יִרְמְיָהוּ מ״ח:ל״ג

    ונאספה שמחה וגיל מכרמל ומארץ מואב ויין מיקבים השבתי לא ידרך הידד הידד לא הידד׃

  23. יִרְמְיָהוּ מ״ח:ל״ה

    והשבתי למואב נאם יהוה מעלה במה ומקטיר לאלהיו׃

  24. יִרְמְיָהוּ מ״ח:ל״ו

    על כן לבי למואב כחללים יהמה ולבי אל אנשי קיר חרש כחלילים יהמה על כן יתרת עשה אבדו׃

  25. יִרְמְיָהוּ מ״ח:ל״ח

    על כל גגות מואב וברחבתיה כלה מספד כי שברתי את מואב ככלי אין חפץ בו נאם יהוה׃