עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ מ״ד:י׳

    לא דכאו עד היום הזה ולא יראו ולא הלכו בתורתי ובחקתי אשר נתתי לפניכם ולפני אבותיכם׃

  2. יִרְמְיָהוּ מ״ד:י״א

    לכן כה אמר יהוה צבאות אלהי ישראל הנני שם פני בכם לרעה ולהכרית את כל יהודה׃

  3. יִרְמְיָהוּ מ״ד:י״ב

    ולקחתי את שארית יהודה אשר שמו פניהם לבוא ארץ מצרים לגור שם ותמו כל בארץ מצרים יפלו בחרב ברעב יתמו מקטן ועד גדול בחרב וברעב ימתו והיו לאלה לשמה ולקללה ולחרפה׃

  4. יִרְמְיָהוּ מ״ד:י״ג

    ופקדתי על היושבים בארץ מצרים כאשר פקדתי על ירושלם בחרב ברעב ובדבר׃

  5. יִרְמְיָהוּ מ״ד:ט״ז

    הדבר אשר דברת אלינו בשם יהוה איננו שמעים אליך׃

  6. יִרְמְיָהוּ מ״ד:כ״א

    הלוא את הקטר אשר קטרתם בערי יהודה ובחצות ירושלם אתם ואבותיכם מלכיכם ושריכם ועם הארץ אתם זכר יהוה ותעלה על לבו׃

  7. יִרְמְיָהוּ מ״ד:כ״ב

    ולא יוכל יהוה עוד לשאת מפני רע מעלליכם מפני התועבת אשר עשיתם ותהי ארצכם לחרבה ולשמה ולקללה מאין יושב כהיום הזה׃

  8. יִרְמְיָהוּ מ״ד:כ״ג

    מפני אשר קטרתם ואשר חטאתם ליהוה ולא שמעתם בקול יהוה ובתרתו ובחקתיו ובעדותיו לא הלכתם על כן קראת אתכם הרעה הזאת כיום הזה׃

  9. יִרְמְיָהוּ מ״ד:כ״ד

    ויאמר ירמיהו אל כל העם ואל כל הנשים שמעו דבר יהוה כל יהודה אשר בארץ מצרים׃

  10. יִרְמְיָהוּ מ״ד:כ״ה

    כה אמר יהוה צבאות אלהי ישראל לאמר אתם ונשיכם ותדברנה בפיכם ובידיכם מלאתם לאמר עשה נעשה את נדרינו אשר נדרנו לקטר למלכת השמים ולהסך לה נסכים הקים תקימנה את נדריכם ועשה תעשינה את נדריכם׃

  11. יִרְמְיָהוּ מ״ד:כ״ו

    לכן שמעו דבר יהוה כל יהודה הישבים בארץ מצרים הנני נשבעתי בשמי הגדול אמר יהוה אם יהיה עוד שמי נקרא בפי כל איש יהודה אמר חי אדני יהוה בכל ארץ מצרים׃

  12. יִרְמְיָהוּ מ״ד:כ״ז

    הנני שקד עליהם לרעה ולא לטובה ותמו כל איש יהודה אשר בארץ מצרים בחרב וברעב עד כלותם׃

  13. יִרְמְיָהוּ מ״ד:כ״ח

    ופליטי חרב ישבון מן ארץ מצרים ארץ יהודה מתי מספר וידעו כל שארית יהודה הבאים לארץ מצרים לגור שם דבר מי יקום ממני ומהם׃

  14. יִרְמְיָהוּ מ״ד:כ״ט

    וזאת לכם האות נאם יהוה כי פקד אני עליכם במקום הזה למען תדעו כי קום יקומו דברי עליכם לרעה׃

  15. יִרְמְיָהוּ מ״ד:ל׳

    כה אמר יהוה הנני נתן את פרעה חפרע מלך מצרים ביד איביו וביד מבקשי נפשו כאשר נתתי את צדקיהו מלך יהודה ביד נבוכדראצר מלך בבל איבו ומבקש נפשו׃

  16. יִרְמְיָהוּ מ״ה:ב׳

    כה אמר יהוה אלהי ישראל עליך ברוך׃

  17. יִרְמְיָהוּ מ״ה:ג׳

    אמרת אוי נא לי כי יסף יהוה יגון על מכאבי יגעתי באנחתי ומנוחה לא מצאתי׃

  18. יִרְמְיָהוּ מ״ה:ד׳

    כה תאמר אליו כה אמר יהוה הנה אשר בניתי אני הרס ואת אשר נטעתי אני נתש ואת כל הארץ היא׃

  19. יִרְמְיָהוּ מ״ה:ה׳

    ואתה תבקש לך גדלות אל תבקש כי הנני מביא רעה על כל בשר נאם יהוה ונתתי לך את נפשך לשלל על כל המקמות אשר תלך שם׃

  20. יִרְמְיָהוּ מ״ו:א׳

    ¶ אשר היה דבר יהוה אל ירמיהו הנביא על הגוים׃

  21. יִרְמְיָהוּ מ״ו:ה׳

    מדוע ראיתי המה חתים נסגים אחור וגבוריהם יכתו ומנוס נסו ולא הפנו מגור מסביב נאם יהוה׃

  22. יִרְמְיָהוּ מ״ו:ח׳

    מצרים כיאר יעלה וכנהרות יתגעשו מים ויאמר אעלה אכסה ארץ אבידה עיר וישבי בה׃

  23. יִרְמְיָהוּ מ״ו:י׳

    והיום ההוא לאדני יהוה צבאות יום נקמה להנקם מצריו ואכלה חרב ושבעה ורותה מדמם כי זבח לאדני יהוה צבאות בארץ צפון אל נהר פרת׃

  24. יִרְמְיָהוּ מ״ו:י״ג

    הדבר אשר דבר יהוה אל ירמיהו הנביא לבוא נבוכדראצר מלך בבל להכות את ארץ מצרים׃

  25. יִרְמְיָהוּ מ״ו:ט״ו

    מדוע נסחף אביריך לא עמד כי יהוה הדפו׃