עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ מ״ב:ו׳

    אם טוב ואם רע בקול יהוה אלהינו אשר אנו שלחים אתך אליו נשמע למען אשר ייטב לנו כי נשמע בקול יהוה אלהינו׃

  2. יִרְמְיָהוּ מ״ב:ז׳

    ויהי מקץ עשרת ימים ויהי דבר יהוה אל ירמיהו׃

  3. יִרְמְיָהוּ מ״ב:ט׳

    ויאמר אליהם כה אמר יהוה אלהי ישראל אשר שלחתם אתי אליו להפיל תחנתכם לפניו׃

  4. יִרְמְיָהוּ מ״ב:י׳

    אם שוב תשבו בארץ הזאת ובניתי אתכם ולא אהרס ונטעתי אתכם ולא אתוש כי נחמתי אל הרעה אשר עשיתי לכם׃

  5. יִרְמְיָהוּ מ״ב:י״א

    אל תיראו מפני מלך בבל אשר אתם יראים מפניו אל תיראו ממנו נאם יהוה כי אתכם אני להושיע אתכם ולהציל אתכם מידו׃

  6. יִרְמְיָהוּ מ״ב:י״ב

    ואתן לכם רחמים ורחם אתכם והשיב אתכם אל אדמתכם׃

  7. יִרְמְיָהוּ מ״ב:י״ג

    ואם אמרים אתם לא נשב בארץ הזאת לבלתי שמע בקול יהוה אלהיכם׃

  8. יִרְמְיָהוּ מ״ב:ט״ו

    ועתה לכן שמעו דבר יהוה שארית יהודה כה אמר יהוה צבאות אלהי ישראל אם אתם שום תשמון פניכם לבא מצרים ובאתם לגור שם׃

  9. יִרְמְיָהוּ מ״ב:י״ז

    ויהיו כל האנשים אשר שמו את פניהם לבוא מצרים לגור שם ימותו בחרב ברעב ובדבר ולא יהיה להם שריד ופליט מפני הרעה אשר אני מביא עליהם׃

  10. יִרְמְיָהוּ מ״ב:י״ח

    כי כה אמר יהוה צבאות אלהי ישראל כאשר נתך אפי וחמתי על ישבי ירושלם כן תתך חמתי עליכם בבאכם מצרים והייתם לאלה ולשמה ולקללה ולחרפה ולא תראו עוד את המקום הזה׃

  11. יִרְמְיָהוּ מ״ב:י״ט

    דבר יהוה עליכם שארית יהודה אל תבאו מצרים ידע תדעו כי העידתי בכם היום׃

  12. יִרְמְיָהוּ מ״ב:כ׳

    כי התעתים בנפשותיכם כי אתם שלחתם אתי אל יהוה אלהיכם לאמר התפלל בעדנו אל יהוה אלהינו וככל אשר יאמר יהוה אלהינו כן הגד לנו ועשינו׃

  13. יִרְמְיָהוּ מ״ב:כ״א

    ואגד לכם היום ולא שמעתם בקול יהוה אלהיכם ולכל אשר שלחני אליכם׃

  14. יִרְמְיָהוּ מ״ג:א׳

    ¶ ויהי ככלות ירמיהו לדבר אל כל העם את כל דברי יהוה אלהיהם אשר שלחו יהוה אלהיהם אליהם את כל הדברים האלה׃

  15. יִרְמְיָהוּ מ״ג:ב׳

    ויאמר עזריה בן הושעיה ויוחנן בן קרח וכל האנשים הזדים אמרים אל ירמיהו שקר אתה מדבר לא שלחך יהוה אלהינו לאמר לא תבאו מצרים לגור שם׃

  16. יִרְמְיָהוּ מ״ג:ד׳

    ולא שמע יוחנן בן קרח וכל שרי החילים וכל העם בקול יהוה לשבת בארץ יהודה׃

  17. יִרְמְיָהוּ מ״ג:ז׳

    ויבאו ארץ מצרים כי לא שמעו בקול יהוה ויבאו עד תחפנחס׃

  18. יִרְמְיָהוּ מ״ג:ח׳

    ויהי דבר יהוה אל ירמיהו בתחפנחס לאמר׃

  19. יִרְמְיָהוּ מ״ג:י׳

    ואמרת אליהם כה אמר יהוה צבאות אלהי ישראל הנני שלח ולקחתי את נבוכדראצר מלך בבל עבדי ושמתי כסאו ממעל לאבנים האלה אשר טמנתי ונטה את שפרורו עליהם׃

  20. יִרְמְיָהוּ מ״ד:ב׳

    כה אמר יהוה צבאות אלהי ישראל אתם ראיתם את כל הרעה אשר הבאתי על ירושלם ועל כל ערי יהודה והנם חרבה היום הזה ואין בהם יושב׃

  21. יִרְמְיָהוּ מ״ד:ג׳

    מפני רעתם אשר עשו להכעסני ללכת לקטר לעבד לאלהים אחרים אשר לא ידעום המה אתם ואבתיכם׃

  22. יִרְמְיָהוּ מ״ד:ד׳

    ואשלח אליכם את כל עבדי הנביאים השכים ושלח לאמר אל נא תעשו את דבר התעבה הזאת אשר שנאתי׃

  23. יִרְמְיָהוּ מ״ד:ו׳

    ותתך חמתי ואפי ותבער בערי יהודה ובחצות ירושלם ותהיינה לחרבה לשממה כיום הזה׃

  24. יִרְמְיָהוּ מ״ד:ז׳

    ועתה כה אמר יהוה אלהי צבאות אלהי ישראל למה אתם עשים רעה גדולה אל נפשתכם להכרית לכם איש ואשה עולל ויונק מתוך יהודה לבלתי הותיר לכם שארית׃

  25. יִרְמְיָהוּ מ״ד:ח׳

    להכעסני במעשי ידיכם לקטר לאלהים אחרים בארץ מצרים אשר אתם באים לגור שם למען הכרית לכם ולמען היותכם לקללה ולחרפה בכל גויי הארץ׃