עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ל״א:ד׳

    כי כה אמר יהוה אלי כאשר יהגה האריה והכפיר על טרפו אשר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃

  2. יְשַׁעְיָהוּ ל״א:ה׳

    כצפרים עפות כן יגן יהוה צבאות על ירושלם גנון והציל פסח והמליט׃

  3. יְשַׁעְיָהוּ ל״א:ו׳

    שובו לאשר העמיקו סרה בני ישראל׃

  4. יְשַׁעְיָהוּ ל״א:ט׳

    וסלעו ממגור יעבור וחתו מנס שריו נאם יהוה אשר אור לו בציון ותנור לו בירושלם׃

  5. יְשַׁעְיָהוּ ל״ב:ו׳

    כי נבל נבלה ידבר ולבו יעשה און לעשות חנף ולדבר אל יהוה תועה להריק נפש רעב ומשקה צמא יחסיר׃

  6. יְשַׁעְיָהוּ ל״ב:י״ג

    על אדמת עמי קוץ שמיר תעלה כי על כל בתי משוש קריה עליזה׃

  7. יְשַׁעְיָהוּ ל״ב:י״ח

    וישב עמי בנוה שלום ובמשכנות מבטחים ובמנוחת שאננות׃

  8. יְשַׁעְיָהוּ ל״ג:ב׳

    יהוה חננו לך קוינו היה זרעם לבקרים אף ישועתנו בעת צרה׃

  9. יְשַׁעְיָהוּ ל״ג:ג׳

    מקול המון נדדו עמים מרוממתך נפצו גוים׃

  10. יְשַׁעְיָהוּ ל״ג:ה׳

    נשגב יהוה כי שכן מרום מלא ציון משפט וצדקה׃

  11. יְשַׁעְיָהוּ ל״ג:ו׳

    והיה אמונת עתיך חסן ישועת חכמת ודעת יראת יהוה היא אוצרו׃

  12. יְשַׁעְיָהוּ ל״ג:י׳

    עתה אקום יאמר יהוה עתה ארומם עתה אנשא׃

  13. יְשַׁעְיָהוּ ל״ג:י״ג

    שמעו רחוקים אשר עשיתי ודעו קרובים גברתי׃

  14. יְשַׁעְיָהוּ ל״ג:כ״א

    כי אם שם אדיר יהוה לנו מקום נהרים יארים רחבי ידים בל תלך בו אני שיט וצי אדיר לא יעברנו׃

  15. יְשַׁעְיָהוּ ל״ג:כ״ב

    כי יהוה שפטנו יהוה מחקקנו יהוה מלכנו הוא יושיענו׃

  16. יְשַׁעְיָהוּ ל״ד:ב׳

    כי קצף ליהוה על כל הגוים וחמה על כל צבאם החרימם נתנם לטבח׃

  17. יְשַׁעְיָהוּ ל״ד:ה׳

    כי רותה בשמים חרבי הנה על אדום תרד ועל עם חרמי למשפט׃

  18. יְשַׁעְיָהוּ ל״ד:ו׳

    חרב ליהוה מלאה דם הדשנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום׃

  19. יְשַׁעְיָהוּ ל״ד:ח׳

    כי יום נקם ליהוה שנת שלומים לריב ציון׃

  20. יְשַׁעְיָהוּ ל״ד:י״א

    וירשוה קאת וקפוד וינשוף וערב ישכנו בה ונטה עליה קו תהו ואבני בהו׃

  21. יְשַׁעְיָהוּ ל״ד:ט״ז

    דרשו מעל ספר יהוה וקראו אחת מהנה לא נעדרה אשה רעותה לא פקדו כי פי הוא צוה ורוחו הוא קבצן׃

  22. יְשַׁעְיָהוּ ל״ד:י״ז

    והוא הפיל להן גורל וידו חלקתה להם בקו עד עולם יירשוה לדור ודור ישכנו בה׃

  23. יְשַׁעְיָהוּ ל״ה:ב׳

    פרח תפרח ותגל אף גילת ורנן כבוד הלבנון נתן לה הדר הכרמל והשרון המה יראו כבוד יהוה הדר אלהינו׃

  24. יְשַׁעְיָהוּ ל״ה:ד׳

    אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישעכם׃

  25. יְשַׁעְיָהוּ ל״ה:י׳

    ופדויי יהוה ישבון ובאו ציון ברנה ושמחת עולם על ראשם ששון ושמחה ישיגו ונסו יגון ואנחה׃