עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ל״ז:ל״ג

    לכן כה אמר יהוה אל מלך אשור לא יבוא אל העיר הזאת ולא יורה שם חץ ולא יקדמנה מגן ולא ישפך עליה סללה׃

  2. יְשַׁעְיָהוּ ל״ז:ל״ד

    בדרך אשר בא בה ישוב ואל העיר הזאת לא יבוא נאם יהוה׃

  3. יְשַׁעְיָהוּ ל״ז:ל״ה

    וגנותי על העיר הזאת להושיעה למעני ולמען דוד עבדי׃

  4. יְשַׁעְיָהוּ ל״ז:ל״ו

    ויצא מלאך יהוה ויכה במחנה אשור מאה ושמנים וחמשה אלף וישכימו בבקר והנה כלם פגרים מתים׃

  5. יְשַׁעְיָהוּ ל״ח:א׳

    ¶ בימים ההם חלה חזקיהו למות ויבוא אליו ישעיהו בן אמוץ הנביא ויאמר אליו כה אמר יהוה צו לביתך כי מת אתה ולא תחיה׃

  6. יְשַׁעְיָהוּ ל״ח:ב׳

    ויסב חזקיהו פניו אל הקיר ויתפלל אל יהוה׃

  7. יְשַׁעְיָהוּ ל״ח:ג׳

    ויאמר אנה יהוה זכר נא את אשר התהלכתי לפניך באמת ובלב שלם והטוב בעיניך עשיתי ויבך חזקיהו בכי גדול׃

  8. יְשַׁעְיָהוּ ל״ח:ד׳

    ויהי דבר יהוה אל ישעיהו לאמר׃

  9. יְשַׁעְיָהוּ ל״ח:ה׳

    הלוך ואמרת אל חזקיהו כה אמר יהוה אלהי דוד אביך שמעתי את תפלתך ראיתי את דמעתך הנני יוסף על ימיך חמש עשרה שנה׃

  10. יְשַׁעְיָהוּ ל״ח:ו׳

    ומכף מלך אשור אצילך ואת העיר הזאת וגנותי על העיר הזאת׃

  11. יְשַׁעְיָהוּ ל״ח:ז׳

    וזה לך האות מאת יהוה אשר יעשה יהוה את הדבר הזה אשר דבר׃

  12. יְשַׁעְיָהוּ ל״ח:ח׳

    הנני משיב את צל המעלות אשר ירדה במעלות אחז בשמש אחרנית עשר מעלות ותשב השמש עשר מעלות במעלות אשר ירדה׃

  13. יְשַׁעְיָהוּ ל״ח:י״א

    אמרתי לא אראה יה יה בארץ החיים לא אביט אדם עוד עם יושבי חדל׃

  14. יְשַׁעְיָהוּ ל״ח:י״ב

    דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשלימני׃

  15. יְשַׁעְיָהוּ ל״ח:י״ג

    שויתי עד בקר כארי כן ישבר כל עצמותי מיום עד לילה תשלימני׃

  16. יְשַׁעְיָהוּ ל״ח:י״ד

    כסוס עגור כן אצפצף אהגה כיונה דלו עיני למרום אדני עשקה לי ערבני׃

  17. יְשַׁעְיָהוּ ל״ח:ט״ו

    מה אדבר ואמר לי והוא עשה אדדה כל שנותי על מר נפשי׃

  18. יְשַׁעְיָהוּ ל״ח:ט״ז

    אדני עליהם יחיו ולכל בהן חיי רוחי ותחלימני והחיני׃

  19. יְשַׁעְיָהוּ ל״ח:י״ז

    הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי׃

  20. יְשַׁעְיָהוּ ל״ח:י״ח

    כי לא שאול תודך מות יהללך לא ישברו יורדי בור אל אמתך׃

  21. יְשַׁעְיָהוּ ל״ח:י״ט

    חי חי הוא יודך כמוני היום אב לבנים יודיע אל אמתך׃

  22. יְשַׁעְיָהוּ ל״ח:כ׳

    יהוה להושיעני ונגנותי ננגן כל ימי חיינו על בית יהוה׃

  23. יְשַׁעְיָהוּ ל״ח:כ״ב

    ויאמר חזקיהו מה אות כי אעלה בית יהוה׃

  24. יְשַׁעְיָהוּ ל״ט:ה׳

    ויאמר ישעיהו אל חזקיהו שמע דבר יהוה צבאות׃

  25. יְשַׁעְיָהוּ ל״ט:ו׳

    הנה ימים באים ונשא כל אשר בביתך ואשר אצרו אבתיך עד היום הזה בבל לא יותר דבר אמר יהוה׃