עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ מ״א:ט׳

    אשר החזקתיך מקצות הארץ ומאציליה קראתיך ואמר לך עבדי אתה בחרתיך ולא מאסתיך׃

  2. יְשַׁעְיָהוּ מ״א:י׳

    אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

  3. יְשַׁעְיָהוּ מ״א:י״ג

    כי אני יהוה אלהיך מחזיק ימינך האמר לך אל תירא אני עזרתיך׃

  4. יְשַׁעְיָהוּ מ״א:י״ד

    אל תיראי תולעת יעקב מתי ישראל אני עזרתיך נאם יהוה וגאלך קדוש ישראל׃

  5. יְשַׁעְיָהוּ מ״א:ט״ו

    הנה שמתיך למורג חרוץ חדש בעל פיפיות תדוש הרים ותדק וגבעות כמץ תשים׃

  6. יְשַׁעְיָהוּ מ״א:ט״ז

    תזרם ורוח תשאם וסערה תפיץ אותם ואתה תגיל ביהוה בקדוש ישראל תתהלל׃

  7. יְשַׁעְיָהוּ מ״א:י״ז

    העניים והאביונים מבקשים מים ואין לשונם בצמא נשתה אני יהוה אענם אלהי ישראל לא אעזבם׃

  8. יְשַׁעְיָהוּ מ״א:י״ח

    אפתח על שפיים נהרות ובתוך בקעות מעינות אשים מדבר לאגם מים וארץ ציה למוצאי מים׃

  9. יְשַׁעְיָהוּ מ״א:י״ט

    אתן במדבר ארז שטה והדס ועץ שמן אשים בערבה ברוש תדהר ותאשור יחדו׃

  10. יְשַׁעְיָהוּ מ״א:כ׳

    למען יראו וידעו וישימו וישכילו יחדו כי יד יהוה עשתה זאת וקדוש ישראל בראה׃

  11. יְשַׁעְיָהוּ מ״א:כ״א

    קרבו ריבכם יאמר יהוה הגישו עצמותיכם יאמר מלך יעקב׃

  12. יְשַׁעְיָהוּ מ״א:כ״ה

    העירותי מצפון ויאת ממזרח שמש יקרא בשמי ויבא סגנים כמו חמר וכמו יוצר ירמס טיט׃

  13. יְשַׁעְיָהוּ מ״א:כ״ז

    ראשון לציון הנה הנם ולירושלם מבשר אתן׃

  14. יְשַׁעְיָהוּ מ״א:כ״ח

    וארא ואין איש ומאלה ואין יועץ ואשאלם וישיבו דבר׃

  15. יְשַׁעְיָהוּ מ״ב:א׳

    ¶ הן עבדי אתמך בו בחירי רצתה נפשי נתתי רוחי עליו משפט לגוים יוציא׃

  16. יְשַׁעְיָהוּ מ״ב:ב׳

    לא יצעק ולא ישא ולא ישמיע בחוץ קולו׃

  17. יְשַׁעְיָהוּ מ״ב:ג׳

    קנה רצוץ לא ישבור ופשתה כהה לא יכבנה לאמת יוציא משפט׃

  18. יְשַׁעְיָהוּ מ״ב:ד׳

    לא יכהה ולא ירוץ עד ישים בארץ משפט ולתורתו איים ייחילו׃

  19. יְשַׁעְיָהוּ מ״ב:ה׳

    כה אמר האל יהוה בורא השמים ונוטיהם רקע הארץ וצאצאיה נתן נשמה לעם עליה ורוח להלכים בה׃

  20. יְשַׁעְיָהוּ מ״ב:ו׳

    אני יהוה קראתיך בצדק ואחזק בידך ואצרך ואתנך לברית עם לאור גוים׃

  21. יְשַׁעְיָהוּ מ״ב:ח׳

    אני יהוה הוא שמי וכבודי לאחר לא אתן ותהלתי לפסילים׃

  22. יְשַׁעְיָהוּ מ״ב:ט׳

    הראשנות הנה באו וחדשות אני מגיד בטרם תצמחנה אשמיע אתכם׃

  23. יְשַׁעְיָהוּ מ״ב:י׳

    שירו ליהוה שיר חדש תהלתו מקצה הארץ יורדי הים ומלאו איים וישביהם׃

  24. יְשַׁעְיָהוּ מ״ב:י״ב

    ישימו ליהוה כבוד ותהלתו באיים יגידו׃

  25. יְשַׁעְיָהוּ מ״ב:י״ג

    יהוה כגבור יצא כאיש מלחמות יעיר קנאה יריע אף יצריח על איביו יתגבר׃