עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ מ״ב:י״ד

    החשיתי מעולם אחריש אתאפק כיולדה אפעה אשם ואשאף יחד׃

  2. יְשַׁעְיָהוּ מ״ב:ט״ו

    אחריב הרים וגבעות וכל עשבם אוביש ושמתי נהרות לאיים ואגמים אוביש׃

  3. יְשַׁעְיָהוּ מ״ב:ט״ז

    והולכתי עורים בדרך לא ידעו בנתיבות לא ידעו אדריכם אשים מחשך לפניהם לאור ומעקשים למישור אלה הדברים עשיתם ולא עזבתים׃

  4. יְשַׁעְיָהוּ מ״ב:י״ט

    מי עור כי אם עבדי וחרש כמלאכי אשלח מי עור כמשלם ועור כעבד יהוה׃

  5. יְשַׁעְיָהוּ מ״ב:כ״א

    יהוה חפץ למען צדקו יגדיל תורה ויאדיר׃

  6. יְשַׁעְיָהוּ מ״ב:כ״ד

    מי נתן למשוסה יעקב וישראל לבזזים הלוא יהוה זו חטאנו לו ולא אבו בדרכיו הלוך ולא שמעו בתורתו׃

  7. יְשַׁעְיָהוּ מ״ב:כ״ה

    וישפך עליו חמה אפו ועזוז מלחמה ותלהטהו מסביב ולא ידע ותבער בו ולא ישים על לב׃

  8. יְשַׁעְיָהוּ מ״ג:א׳

    ¶ ועתה כה אמר יהוה בראך יעקב ויצרך ישראל אל תירא כי גאלתיך קראתי בשמך לי אתה׃

  9. יְשַׁעְיָהוּ מ״ג:ב׳

    כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

  10. יְשַׁעְיָהוּ מ״ג:ג׳

    כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך׃

  11. יְשַׁעְיָהוּ מ״ג:ד׳

    מאשר יקרת בעיני נכבדת ואני אהבתיך ואתן אדם תחתיך ולאמים תחת נפשך׃

  12. יְשַׁעְיָהוּ מ״ג:ה׳

    אל תירא כי אתך אני ממזרח אביא זרעך וממערב אקבצך׃

  13. יְשַׁעְיָהוּ מ״ג:ו׳

    אמר לצפון תני ולתימן אל תכלאי הביאי בני מרחוק ובנותי מקצה הארץ׃

  14. יְשַׁעְיָהוּ מ״ג:ז׳

    כל הנקרא בשמי ולכבודי בראתיו יצרתיו אף עשיתיו׃

  15. יְשַׁעְיָהוּ מ״ג:י׳

    אתם עדי נאם יהוה ועבדי אשר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה׃

  16. יְשַׁעְיָהוּ מ״ג:י״א

    אנכי אנכי יהוה ואין מבלעדי מושיע׃

  17. יְשַׁעְיָהוּ מ״ג:י״ב

    אנכי הגדתי והושעתי והשמעתי ואין בכם זר ואתם עדי נאם יהוה ואני אל׃

  18. יְשַׁעְיָהוּ מ״ג:י״ג

    גם מיום אני הוא ואין מידי מציל אפעל ומי ישיבנה׃

  19. יְשַׁעְיָהוּ מ״ג:י״ד

    כה אמר יהוה גאלכם קדוש ישראל למענכם שלחתי בבלה והורדתי בריחים כלם וכשדים באניות רנתם׃

  20. יְשַׁעְיָהוּ מ״ג:ט״ו

    אני יהוה קדושכם בורא ישראל מלככם׃

  21. יְשַׁעְיָהוּ מ״ג:ט״ז

    כה אמר יהוה הנותן בים דרך ובמים עזים נתיבה׃

  22. יְשַׁעְיָהוּ מ״ג:י״ט

    הנני עשה חדשה עתה תצמח הלוא תדעוה אף אשים במדבר דרך בישמון נהרות׃

  23. יְשַׁעְיָהוּ מ״ג:כ׳

    תכבדני חית השדה תנים ובנות יענה כי נתתי במדבר מים נהרות בישימן להשקות עמי בחירי׃

  24. יְשַׁעְיָהוּ מ״ג:כ״א

    עם זו יצרתי לי תהלתי יספרו׃

  25. יְשַׁעְיָהוּ מ״ג:כ״ב

    ולא אתי קראת יעקב כי יגעת בי ישראל׃