עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ מ״ג:כ״ג

    לא הביאת לי שה עלתיך וזבחיך לא כבדתני לא העבדתיך במנחה ולא הוגעתיך בלבונה׃

  2. יְשַׁעְיָהוּ מ״ג:כ״ד

    לא קנית לי בכסף קנה וחלב זבחיך לא הרויתני אך העבדתני בחטאותיך הוגעתני בעונתיך׃

  3. יְשַׁעְיָהוּ מ״ג:כ״ה

    אנכי אנכי הוא מחה פשעיך למעני וחטאתיך לא אזכר׃

  4. יְשַׁעְיָהוּ מ״ג:כ״ו

    הזכירני נשפטה יחד ספר אתה למען תצדק׃

  5. יְשַׁעְיָהוּ מ״ג:כ״ז

    אביך הראשון חטא ומליציך פשעו בי׃

  6. יְשַׁעְיָהוּ מ״ג:כ״ח

    ואחלל שרי קדש ואתנה לחרם יעקב וישראל לגדופים׃

  7. יְשַׁעְיָהוּ מ״ד:א׳

    ¶ ועתה שמע יעקב עבדי וישראל בחרתי בו׃

  8. יְשַׁעְיָהוּ מ״ד:ב׳

    כה אמר יהוה עשך ויצרך מבטן יעזרך אל תירא עבדי יעקב וישרון בחרתי בו׃

  9. יְשַׁעְיָהוּ מ״ד:ג׳

    כי אצק מים על צמא ונזלים על יבשה אצק רוחי על זרעך וברכתי על צאצאיך׃

  10. יְשַׁעְיָהוּ מ״ד:ה׳

    זה יאמר ליהוה אני וזה יקרא בשם יעקב וזה יכתב ידו ליהוה ובשם ישראל יכנה׃

  11. יְשַׁעְיָהוּ מ״ד:ו׳

    כה אמר יהוה מלך ישראל וגאלו יהוה צבאות אני ראשון ואני אחרון ומבלעדי אין אלהים׃

  12. יְשַׁעְיָהוּ מ״ד:ז׳

    ומי כמוני יקרא ויגידה ויערכה לי משומי עם עולם ואתיות ואשר תבאנה יגידו למו׃

  13. יְשַׁעְיָהוּ מ״ד:ח׳

    אל תפחדו ואל תרהו הלא מאז השמעתיך והגדתי ואתם עדי היש אלוה מבלעדי ואין צור בל ידעתי׃

  14. יְשַׁעְיָהוּ מ״ד:כ״א

    זכר אלה יעקב וישראל כי עבדי אתה יצרתיך עבד לי אתה ישראל לא תנשני׃

  15. יְשַׁעְיָהוּ מ״ד:כ״ב

    מחיתי כעב פשעיך וכענן חטאותיך שובה אלי כי גאלתיך׃

  16. יְשַׁעְיָהוּ מ״ד:כ״ג

    רנו שמים כי עשה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישראל יתפאר׃

  17. יְשַׁעְיָהוּ מ״ד:כ״ד

    כה אמר יהוה גאלך ויצרך מבטן אנכי יהוה עשה כל נטה שמים לבדי רקע הארץ מי אתי׃

  18. יְשַׁעְיָהוּ מ״ד:כ״ו

    מקים דבר עבדו ועצת מלאכיו ישלים האמר לירושלם תושב ולערי יהודה תבנינה וחרבותיה אקומם׃

  19. יְשַׁעְיָהוּ מ״ד:כ״ח

    האמר לכורש רעי וכל חפצי ישלם ולאמר לירושלם תבנה והיכל תוסד׃

  20. יְשַׁעְיָהוּ מ״ה:א׳

    ¶ כה אמר יהוה למשיחו לכורש אשר החזקתי בימינו לרד לפניו גוים ומתני מלכים אפתח לפתח לפניו דלתים ושערים לא יסגרו׃

  21. יְשַׁעְיָהוּ מ״ה:ג׳

    ונתתי לך אוצרות חשך ומטמני מסתרים למען תדע כי אני יהוה הקורא בשמך אלהי ישראל׃

  22. יְשַׁעְיָהוּ מ״ה:ד׳

    למען עבדי יעקב וישראל בחירי ואקרא לך בשמך אכנך ולא ידעתני׃

  23. יְשַׁעְיָהוּ מ״ה:ה׳

    אני יהוה ואין עוד זולתי אין אלהים אאזרך ולא ידעתני׃

  24. יְשַׁעְיָהוּ מ״ה:ו׳

    למען ידעו ממזרח שמש וממערבה כי אפס בלעדי אני יהוה ואין עוד׃

  25. יְשַׁעְיָהוּ מ״ה:ז׳

    יוצר אור ובורא חשך עשה שלום ובורא רע אני יהוה עשה כל אלה׃