עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ל״ו:ז׳

    וכי תאמר אלי אל יהוה אלהינו בטחנו הלוא הוא אשר הסיר חזקיהו את במתיו ואת מזבחתיו ויאמר ליהודה ולירושלם לפני המזבח הזה תשתחוו׃

  2. יְשַׁעְיָהוּ ל״ו:י׳

    ועתה המבלעדי יהוה עליתי על הארץ הזאת להשחיתה יהוה אמר אלי עלה אל הארץ הזאת והשחיתה׃

  3. יְשַׁעְיָהוּ ל״ו:ט״ו

    ואל יבטח אתכם חזקיהו אל יהוה לאמר הצל יצילנו יהוה לא תנתן העיר הזאת ביד מלך אשור׃

  4. יְשַׁעְיָהוּ ל״ו:י״ח

    פן יסית אתכם חזקיהו לאמר יהוה יצילנו ההצילו אלהי הגוים איש את ארצו מיד מלך אשור׃

  5. יְשַׁעְיָהוּ ל״ו:כ׳

    מי בכל אלהי הארצות האלה אשר הצילו את ארצם מידי כי יציל יהוה את ירושלם מידי׃

  6. יְשַׁעְיָהוּ ל״ז:א׳

    ¶ ויהי כשמע המלך חזקיהו ויקרע את בגדיו ויתכס בשק ויבא בית יהוה׃

  7. יְשַׁעְיָהוּ ל״ז:ד׳

    אולי ישמע יהוה אלהיך את דברי רב שקה אשר שלחו מלך אשור אדניו לחרף אלהים חי והוכיח בדברים אשר שמע יהוה אלהיך ונשאת תפלה בעד השארית הנמצאה׃

  8. יְשַׁעְיָהוּ ל״ז:ו׳

    ויאמר אליהם ישעיהו כה תאמרון אל אדניכם כה אמר יהוה אל תירא מפני הדברים אשר שמעת אשר גדפו נערי מלך אשור אותי׃

  9. יְשַׁעְיָהוּ ל״ז:ז׳

    הנני נותן בו רוח ושמע שמועה ושב אל ארצו והפלתיו בחרב בארצו׃

  10. יְשַׁעְיָהוּ ל״ז:י׳

    כה תאמרון אל חזקיהו מלך יהודה לאמר אל ישאך אלהיך אשר אתה בוטח בו לאמר לא תנתן ירושלם ביד מלך אשור׃

  11. יְשַׁעְיָהוּ ל״ז:י״ד

    ויקח חזקיהו את הספרים מיד המלאכים ויקראהו ויעל בית יהוה ויפרשהו חזקיהו לפני יהוה׃

  12. יְשַׁעְיָהוּ ל״ז:ט״ו

    ויתפלל חזקיהו אל יהוה לאמר׃

  13. יְשַׁעְיָהוּ ל״ז:ט״ז

    יהוה צבאות אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ׃

  14. יְשַׁעְיָהוּ ל״ז:י״ז

    הטה יהוה אזנך ושמע פקח יהוה עינך וראה ושמע את כל דברי סנחריב אשר שלח לחרף אלהים חי׃

  15. יְשַׁעְיָהוּ ל״ז:י״ח

    אמנם יהוה החריבו מלכי אשור את כל הארצות ואת ארצם׃

  16. יְשַׁעְיָהוּ ל״ז:כ׳

    ועתה יהוה אלהינו הושיענו מידו וידעו כל ממלכות הארץ כי אתה יהוה לבדך׃

  17. יְשַׁעְיָהוּ ל״ז:כ״א

    וישלח ישעיהו בן אמוץ אל חזקיהו לאמר כה אמר יהוה אלהי ישראל אשר התפללת אלי אל סנחריב מלך אשור׃

  18. יְשַׁעְיָהוּ ל״ז:כ״ב

    זה הדבר אשר דבר יהוה עליו בזה לך לעגה לך בתולת בת ציון אחריך ראש הניעה בת ירושלם׃

  19. יְשַׁעְיָהוּ ל״ז:כ״ג

    את מי חרפת וגדפת ועל מי הרימותה קול ותשא מרום עיניך אל קדוש ישראל׃

  20. יְשַׁעְיָהוּ ל״ז:כ״ד

    ביד עבדיך חרפת אדני ותאמר ברב רכבי אני עליתי מרום הרים ירכתי לבנון ואכרת קומת ארזיו מבחר ברשיו ואבוא מרום קצו יער כרמלו׃

  21. יְשַׁעְיָהוּ ל״ז:כ״ה

    אני קרתי ושתיתי מים ואחרב בכף פעמי כל יארי מצור׃

  22. יְשַׁעְיָהוּ ל״ז:כ״ו

    הלוא שמעת למרחוק אותה עשיתי מימי קדם ויצרתיה עתה הבאתיה ותהי להשאות גלים נצים ערים בצרות׃

  23. יְשַׁעְיָהוּ ל״ז:כ״ח

    ושבתך וצאתך ובואך ידעתי ואת התרגזך אלי׃

  24. יְשַׁעְיָהוּ ל״ז:כ״ט

    יען התרגזך אלי ושאננך עלה באזני ושמתי חחי באפך ומתגי בשפתיך והשיבתיך בדרך אשר באת בה׃

  25. יְשַׁעְיָהוּ ל״ז:ל״ב

    כי מירושלם תצא שארית ופליטה מהר ציון קנאת יהוה צבאות תעשה זאת׃