עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 1 שְׁמוּאֵל ט״ו:כ״ה

    ועתה שא נא את חטאתי ושוב עמי ואשתחוה ליהוה׃

  2. 1 שְׁמוּאֵל ט״ו:כ״ו

    ויאמר שמואל אל שאול לא אשוב עמך כי מאסתה את דבר יהוה וימאסך יהוה מהיות מלך על ישראל׃

  3. 1 שְׁמוּאֵל ט״ו:כ״ח

    ויאמר אליו שמואל קרע יהוה את ממלכות ישראל מעליך היום ונתנה לרעך הטוב ממך׃

  4. 1 שְׁמוּאֵל ט״ו:ל׳

    ויאמר חטאתי עתה כבדני נא נגד זקני עמי ונגד ישראל ושוב עמי והשתחויתי ליהוה אלהיך׃

  5. 1 שְׁמוּאֵל ט״ו:ל״א

    וישב שמואל אחרי שאול וישתחו שאול ליהוה׃

  6. 1 שְׁמוּאֵל ט״ו:ל״ג

    ויאמר שמואל כאשר שכלה נשים חרבך כן תשכל מנשים אמך וישסף שמואל את אגג לפני יהוה בגלגל׃

  7. 1 שְׁמוּאֵל ט״ו:ל״ה

    ולא יסף שמואל לראות את שאול עד יום מותו כי התאבל שמואל אל שאול ויהוה נחם כי המליך את שאול על ישראל׃

  8. 1 שְׁמוּאֵל ט״ז:א׳

    ¶ ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי כי ראיתי בבניו לי מלך׃

  9. 1 שְׁמוּאֵל ט״ז:ב׳

    ויאמר שמואל איך אלך ושמע שאול והרגני ויאמר יהוה עגלת בקר תקח בידך ואמרת לזבח ליהוה באתי׃

  10. 1 שְׁמוּאֵל ט״ז:ג׳

    וקראת לישי בזבח ואנכי אודיעך את אשר תעשה ומשחת לי את אשר אמר אליך׃

  11. 1 שְׁמוּאֵל ט״ז:ד׳

    ויעש שמואל את אשר דבר יהוה ויבא בית לחם ויחרדו זקני העיר לקראתו ויאמר שלם בואך׃

  12. 1 שְׁמוּאֵל ט״ז:ה׳

    ויאמר שלום לזבח ליהוה באתי התקדשו ובאתם אתי בזבח ויקדש את ישי ואת בניו ויקרא להם לזבח׃

  13. 1 שְׁמוּאֵל ט״ז:ו׳

    ויהי בבואם וירא את אליאב ויאמר אך נגד יהוה משיחו׃

  14. 1 שְׁמוּאֵל ט״ז:ז׳

    ויאמר יהוה אל שמואל אל תבט אל מראהו ואל גבה קומתו כי מאסתיהו כי לא אשר יראה האדם כי האדם יראה לעינים ויהוה יראה ללבב׃

  15. 1 שְׁמוּאֵל ט״ז:ח׳

    ויקרא ישי אל אבינדב ויעברהו לפני שמואל ויאמר גם בזה לא בחר יהוה׃

  16. 1 שְׁמוּאֵל ט״ז:ט׳

    ויעבר ישי שמה ויאמר גם בזה לא בחר יהוה׃

  17. 1 שְׁמוּאֵל ט״ז:י׳

    ויעבר ישי שבעת בניו לפני שמואל ויאמר שמואל אל ישי לא בחר יהוה באלה׃

  18. 1 שְׁמוּאֵל ט״ז:י״ב

    וישלח ויביאהו והוא אדמוני עם יפה עינים וטוב ראי ויאמר יהוה קום משחהו כי זה הוא׃

  19. 1 שְׁמוּאֵל ט״ז:י״ג

    ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתה׃

  20. 1 שְׁמוּאֵל ט״ז:י״ד

    ורוח יהוה סרה מעם שאול ובעתתו רוח רעה מאת יהוה׃

  21. 1 שְׁמוּאֵל ט״ז:ט״ו

    ויאמרו עבדי שאול אליו הנה נא רוח אלהים רעה מבעתך׃

  22. 1 שְׁמוּאֵל ט״ז:ט״ז

    יאמר נא אדננו עבדיך לפניך יבקשו איש ידע מנגן בכנור והיה בהיות עליך רוח אלהים רעה ונגן בידו וטוב לך׃

  23. 1 שְׁמוּאֵל ט״ז:י״ח

    ויען אחד מהנערים ויאמר הנה ראיתי בן לישי בית הלחמי ידע נגן וגבור חיל ואיש מלחמה ונבון דבר ואיש תאר ויהוה עמו׃

  24. 1 שְׁמוּאֵל ט״ז:כ״ג

    והיה בהיות רוח אלהים אל שאול ולקח דוד את הכנור ונגן בידו ורוח לשאול וטוב לו וסרה מעליו רוח הרעה׃

  25. 1 שְׁמוּאֵל י״ז:כ״ו

    ויאמר דוד אל האנשים העמדים עמו לאמר מה יעשה לאיש אשר יכה את הפלשתי הלז והסיר חרפה מעל ישראל כי מי הפלשתי הערל הזה כי חרף מערכות אלהים חיים׃