עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 1 שְׁמוּאֵל י״ב:ז׳

    ועתה התיצבו ואשפטה אתכם לפני יהוה את כל צדקות יהוה אשר עשה אתכם ואת אבותיכם׃

  2. 1 שְׁמוּאֵל י״ב:ח׳

    כאשר בא יעקב מצרים ויזעקו אבותיכם אל יהוה וישלח יהוה את משה ואת אהרן ויוציאו את אבתיכם ממצרים וישבום במקום הזה׃

  3. 1 שְׁמוּאֵל י״ב:ט׳

    וישכחו את יהוה אלהיהם וימכר אתם ביד סיסרא שר צבא חצור וביד פלשתים וביד מלך מואב וילחמו בם׃

  4. 1 שְׁמוּאֵל י״ב:י׳

    ויזעקו אל יהוה ויאמר חטאנו כי עזבנו את יהוה ונעבד את הבעלים ואת העשתרות ועתה הצילנו מיד איבינו ונעבדך׃

  5. 1 שְׁמוּאֵל י״ב:י״א

    וישלח יהוה את ירבעל ואת בדן ואת יפתח ואת שמואל ויצל אתכם מיד איביכם מסביב ותשבו בטח׃

  6. 1 שְׁמוּאֵל י״ב:י״ב

    ותראו כי נחש מלך בני עמון בא עליכם ותאמרו לי לא כי מלך ימלך עלינו ויהוה אלהיכם מלככם׃

  7. 1 שְׁמוּאֵל י״ב:י״ג

    ועתה הנה המלך אשר בחרתם אשר שאלתם והנה נתן יהוה עליכם מלך׃

  8. 1 שְׁמוּאֵל י״ב:י״ד

    אם תיראו את יהוה ועבדתם אתו ושמעתם בקלו ולא תמרו את פי יהוה והיתם גם אתם וגם המלך אשר מלך עליכם אחר יהוה אלהיכם׃

  9. 1 שְׁמוּאֵל י״ב:ט״ו

    ואם לא תשמעו בקול יהוה ומריתם את פי יהוה והיתה יד יהוה בכם ובאבתיכם׃

  10. 1 שְׁמוּאֵל י״ב:ט״ז

    גם עתה התיצבו וראו את הדבר הגדול הזה אשר יהוה עשה לעיניכם׃

  11. 1 שְׁמוּאֵל י״ב:י״ז

    הלוא קציר חטים היום אקרא אל יהוה ויתן קלות ומטר ודעו וראו כי רעתכם רבה אשר עשיתם בעיני יהוה לשאול לכם מלך׃

  12. 1 שְׁמוּאֵל י״ב:י״ח

    ויקרא שמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שמואל׃

  13. 1 שְׁמוּאֵל י״ב:י״ט

    ויאמרו כל העם אל שמואל התפלל בעד עבדיך אל יהוה אלהיך ואל נמות כי יספנו על כל חטאתינו רעה לשאל לנו מלך׃

  14. 1 שְׁמוּאֵל י״ב:כ׳

    ויאמר שמואל אל העם אל תיראו אתם עשיתם את כל הרעה הזאת אך אל תסורו מאחרי יהוה ועבדתם את יהוה בכל לבבכם׃

  15. 1 שְׁמוּאֵל י״ב:כ״ב

    כי לא יטש יהוה את עמו בעבור שמו הגדול כי הואיל יהוה לעשות אתכם לו לעם׃

  16. 1 שְׁמוּאֵל י״ב:כ״ג

    גם אנכי חלילה לי מחטא ליהוה מחדל להתפלל בעדכם והוריתי אתכם בדרך הטובה והישרה׃

  17. 1 שְׁמוּאֵל י״ב:כ״ד

    אך יראו את יהוה ועבדתם אתו באמת בכל לבבכם כי ראו את אשר הגדל עמכם׃

  18. 1 שְׁמוּאֵל י״ג:י״ב

    ואמר עתה ירדו פלשתים אלי הגלגל ופני יהוה לא חליתי ואתאפק ואעלה העלה׃

  19. 1 שְׁמוּאֵל י״ג:י״ג

    ויאמר שמואל אל שאול נסכלת לא שמרת את מצות יהוה אלהיך אשר צוך כי עתה הכין יהוה את ממלכתך אל ישראל עד עולם׃

  20. 1 שְׁמוּאֵל י״ג:י״ד

    ועתה ממלכתך לא תקום בקש יהוה לו איש כלבבו ויצוהו יהוה לנגיד על עמו כי לא שמרת את אשר צוך יהוה׃

  21. 1 שְׁמוּאֵל י״ד:ג׳

    ואחיה בן אחטוב אחי איכבוד בן פינחס בן עלי כהן יהוה בשלו נשא אפוד והעם לא ידע כי הלך יונתן׃

  22. 1 שְׁמוּאֵל י״ד:ו׳

    ויאמר יהונתן אל הנער נשא כליו לכה ונעברה אל מצב הערלים האלה אולי יעשה יהוה לנו כי אין ליהוה מעצור להושיע ברב או במעט׃

  23. 1 שְׁמוּאֵל י״ד:י׳

    ואם כה יאמרו עלו עלינו ועלינו כי נתנם יהוה בידנו וזה לנו האות׃

  24. 1 שְׁמוּאֵל י״ד:י״ב

    ויענו אנשי המצבה את יונתן ואת נשא כליו ויאמרו עלו אלינו ונודיעה אתכם דבר ויאמר יונתן אל נשא כליו עלה אחרי כי נתנם יהוה ביד ישראל׃

  25. 1 שְׁמוּאֵל י״ד:י״ח

    ויאמר שאול לאחיה הגישה ארון האלהים כי היה ארון האלהים ביום ההוא ובני ישראל׃