עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 1 שְׁמוּאֵל ט׳:ט״ו

    ויהוה גלה את אזן שמואל יום אחד לפני בוא שאול לאמר׃

  2. 1 שְׁמוּאֵל ט׳:ט״ז

    כעת מחר אשלח אליך איש מארץ בנימן ומשחתו לנגיד על עמי ישראל והושיע את עמי מיד פלשתים כי ראיתי את עמי כי באה צעקתו אלי׃

  3. 1 שְׁמוּאֵל ט׳:י״ז

    ושמואל ראה את שאול ויהוה ענהו הנה האיש אשר אמרתי אליך זה יעצר בעמי׃

  4. 1 שְׁמוּאֵל ט׳:כ״ז

    המה יורדים בקצה העיר ושמואל אמר אל שאול אמר לנער ויעבר לפנינו ויעבר ואתה עמד כיום ואשמיעך את דבר אלהים׃

  5. 1 שְׁמוּאֵל י׳:א׳

    ¶ ויקח שמואל את פך השמן ויצק על ראשו וישקהו ויאמר הלוא כי משחך יהוה על נחלתו לנגיד׃

  6. 1 שְׁמוּאֵל י׳:ג׳

    וחלפת משם והלאה ובאת עד אלון תבור ומצאוך שם שלשה אנשים עלים אל האלהים בית אל אחד נשא שלשה גדיים ואחד נשא שלשת ככרות לחם ואחד נשא נבל יין׃

  7. 1 שְׁמוּאֵל י׳:ה׳

    אחר כן תבוא גבעת האלהים אשר שם נצבי פלשתים ויהי כבאך שם העיר ופגעת חבל נביאים ירדים מהבמה ולפניהם נבל ותף וחליל וכנור והמה מתנבאים׃

  8. 1 שְׁמוּאֵל י׳:ו׳

    וצלחה עליך רוח יהוה והתנבית עמם ונהפכת לאיש אחר׃

  9. 1 שְׁמוּאֵל י׳:ז׳

    והיה כי תבאינה האתות האלה לך עשה לך אשר תמצא ידך כי האלהים עמך׃

  10. 1 שְׁמוּאֵל י׳:ט׳

    והיה כהפנתו שכמו ללכת מעם שמואל ויהפך לו אלהים לב אחר ויבאו כל האתות האלה ביום ההוא׃

  11. 1 שְׁמוּאֵל י׳:י׳

    ויבאו שם הגבעתה והנה חבל נבאים לקראתו ותצלח עליו רוח אלהים ויתנבא בתוכם׃

  12. 1 שְׁמוּאֵל י׳:י״ז

    ויצעק שמואל את העם אל יהוה המצפה׃

  13. 1 שְׁמוּאֵל י׳:י״ח

    ויאמר אל בני ישראל כה אמר יהוה אלהי ישראל אנכי העליתי את ישראל ממצרים ואציל אתכם מיד מצרים ומיד כל הממלכות הלחצים אתכם׃

  14. 1 שְׁמוּאֵל י׳:י״ט

    ואתם היום מאסתם את אלהיכם אשר הוא מושיע לכם מכל רעותיכם וצרתיכם ותאמרו לו כי מלך תשים עלינו ועתה התיצבו לפני יהוה לשבטיכם ולאלפיכם׃

  15. 1 שְׁמוּאֵל י׳:כ״ב

    וישאלו עוד ביהוה הבא עוד הלם איש ויאמר יהוה הנה הוא נחבא אל הכלים׃

  16. 1 שְׁמוּאֵל י׳:כ״ד

    ויאמר שמואל אל כל העם הראיתם אשר בחר בו יהוה כי אין כמהו בכל העם וירעו כל העם ויאמרו יחי המלך׃

  17. 1 שְׁמוּאֵל י׳:כ״ה

    וידבר שמואל אל העם את משפט המלכה ויכתב בספר וינח לפני יהוה וישלח שמואל את כל העם איש לביתו׃

  18. 1 שְׁמוּאֵל י׳:כ״ו

    וגם שאול הלך לביתו גבעתה וילכו עמו החיל אשר נגע אלהים בלבם׃

  19. 1 שְׁמוּאֵל י״א:ו׳

    ותצלח רוח אלהים על שאול בשמעו את הדברים האלה ויחר אפו מאד׃

  20. 1 שְׁמוּאֵל י״א:ז׳

    ויקח צמד בקר וינתחהו וישלח בכל גבול ישראל ביד המלאכים לאמר אשר איננו יצא אחרי שאול ואחר שמואל כה יעשה לבקרו ויפל פחד יהוה על העם ויצאו כאיש אחד׃

  21. 1 שְׁמוּאֵל י״א:י״ג

    ויאמר שאול לא יומת איש ביום הזה כי היום עשה יהוה תשועה בישראל׃

  22. 1 שְׁמוּאֵל י״א:ט״ו

    וילכו כל העם הגלגל וימלכו שם את שאול לפני יהוה בגלגל ויזבחו שם זבחים שלמים לפני יהוה וישמח שם שאול וכל אנשי ישראל עד מאד׃

  23. 1 שְׁמוּאֵל י״ב:ג׳

    הנני ענו בי נגד יהוה ונגד משיחו את שור מי לקחתי וחמור מי לקחתי ואת מי עשקתי את מי רצותי ומיד מי לקחתי כפר ואעלים עיני בו ואשיב לכם׃

  24. 1 שְׁמוּאֵל י״ב:ה׳

    ויאמר אליהם עד יהוה בכם ועד משיחו היום הזה כי לא מצאתם בידי מאומה ויאמר עד׃

  25. 1 שְׁמוּאֵל י״ב:ו׳

    ויאמר שמואל אל העם יהוה אשר עשה את משה ואת אהרן ואשר העלה את אבתיכם מארץ מצרים׃