עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 1 שְׁמוּאֵל י״ז:ל״ו

    גם את הארי גם הדוב הכה עבדך והיה הפלשתי הערל הזה כאחד מהם כי חרף מערכת אלהים חיים׃

  2. 1 שְׁמוּאֵל י״ז:ל״ז

    ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל דוד לך ויהוה יהיה עמך׃

  3. 1 שְׁמוּאֵל י״ז:מ״ה

    ויאמר דוד אל הפלשתי אתה בא אלי בחרב ובחנית ובכידון ואנכי בא אליך בשם יהוה צבאות אלהי מערכות ישראל אשר חרפת׃

  4. 1 שְׁמוּאֵל י״ז:מ״ו

    היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראל׃

  5. 1 שְׁמוּאֵל י״ז:מ״ז

    וידעו כל הקהל הזה כי לא בחרב ובחנית יהושיע יהוה כי ליהוה המלחמה ונתן אתכם בידנו׃

  6. 1 שְׁמוּאֵל י״ח:י׳

    ויהי ממחרת ותצלח רוח אלהים רעה אל שאול ויתנבא בתוך הבית ודוד מנגן בידו כיום ביום והחנית ביד שאול׃

  7. 1 שְׁמוּאֵל י״ח:י״ב

    וירא שאול מלפני דוד כי היה יהוה עמו ומעם שאול סר׃

  8. 1 שְׁמוּאֵל י״ח:י״ד

    ויהי דוד לכל דרכו משכיל ויהוה עמו׃

  9. 1 שְׁמוּאֵל י״ח:י״ז

    ויאמר שאול אל דוד הנה בתי הגדולה מרב אתה אתן לך לאשה אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים׃

  10. 1 שְׁמוּאֵל י״ח:כ״ח

    וירא שאול וידע כי יהוה עם דוד ומיכל בת שאול אהבתהו׃

  11. 1 שְׁמוּאֵל י״ט:ה׳

    וישם את נפשו בכפו ויך את הפלשתי ויעש יהוה תשועה גדולה לכל ישראל ראית ותשמח ולמה תחטא בדם נקי להמית את דוד חנם׃

  12. 1 שְׁמוּאֵל י״ט:ו׳

    וישמע שאול בקול יהונתן וישבע שאול חי יהוה אם יומת׃

  13. 1 שְׁמוּאֵל י״ט:ט׳

    ותהי רוח יהוה רעה אל שאול והוא בביתו יושב וחניתו בידו ודוד מנגן ביד׃

  14. 1 שְׁמוּאֵל י״ט:כ׳

    וישלח שאול מלאכים לקחת את דוד וירא את להקת הנביאים נבאים ושמואל עמד נצב עליהם ותהי על מלאכי שאול רוח אלהים ויתנבאו גם המה׃

  15. 1 שְׁמוּאֵל י״ט:כ״ג

    וילך שם אל נוית ברמה ותהי עליו גם הוא רוח אלהים וילך הלוך ויתנבא עד באו בנוית ברמה׃

  16. 1 שְׁמוּאֵל כ׳:ב׳

    ויאמר לו חלילה לא תמות הנה לו עשה אבי דבר גדול או דבר קטן ולא יגלה את אזני ומדוע יסתיר אבי ממני את הדבר הזה אין זאת׃

  17. 1 שְׁמוּאֵל כ׳:ג׳

    וישבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשך כי כפשע ביני ובין המות׃

  18. 1 שְׁמוּאֵל כ׳:ח׳

    ועשית חסד על עבדך כי בברית יהוה הבאת את עבדך עמך ואם יש בי עון המיתני אתה ועד אביך למה זה תביאני׃

  19. 1 שְׁמוּאֵל כ׳:י״ב

    ויאמר יהונתן אל דוד יהוה אלהי ישראל כי אחקר את אבי כעת מחר השלשית והנה טוב אל דוד ולא אז אשלח אליך וגליתי את אזנך׃

  20. 1 שְׁמוּאֵל כ׳:י״ג

    כה יעשה יהוה ליהונתן וכה יסיף כי ייטב אל אבי את הרעה עליך וגליתי את אזנך ושלחתיך והלכת לשלום ויהי יהוה עמך כאשר היה עם אבי׃

  21. 1 שְׁמוּאֵל כ׳:י״ד

    ולא אם עודני חי ולא תעשה עמדי חסד יהוה ולא אמות׃

  22. 1 שְׁמוּאֵל כ׳:ט״ו

    ולא תכרת את חסדך מעם ביתי עד עולם ולא בהכרת יהוה את איבי דוד איש מעל פני האדמה׃

  23. 1 שְׁמוּאֵל כ׳:ט״ז

    ויכרת יהונתן עם בית דוד ובקש יהוה מיד איבי דוד׃

  24. 1 שְׁמוּאֵל כ׳:כ״א

    והנה אשלח את הנער לך מצא את החצים אם אמר אמר לנער הנה החצים ממך והנה קחנו ובאה כי שלום לך ואין דבר חי יהוה׃

  25. 1 שְׁמוּאֵל כ׳:כ״ב

    ואם כה אמר לעלם הנה החצים ממך והלאה לך כי שלחך יהוה׃