David

968 פסוקים · 40 בני משפחה

פסוקים המזכירים את David

סינון לפי ספר
  1. 2 דִּבְרֵי הַיָּמִים י״ז:ג׳

    ויהי יהוה עם יהושפט כי הלך בדרכי דויד אביו הראשנים ולא דרש לבעלים׃

  2. 2 דִּבְרֵי הַיָּמִים כ״א:א׳

    ¶ וישכב יהושפט עם אבתיו ויקבר עם אבתיו בעיר דויד וימלך יהורם בנו תחתיו׃

  3. 2 דִּבְרֵי הַיָּמִים כ״א:ז׳

    ולא אבה יהוה להשחית את בית דויד למען הברית אשר כרת לדויד וכאשר אמר לתת לו ניר ולבניו כל הימים׃

  4. 2 דִּבְרֵי הַיָּמִים כ״א:י״ב

    ויבא אליו מכתב מאליהו הנביא לאמר כה אמר יהוה אלהי דויד אביך תחת אשר לא הלכת בדרכי יהושפט אביך ובדרכי אסא מלך יהודה׃

  5. 2 דִּבְרֵי הַיָּמִים כ״א:כ׳

    בן שלשים ושתים היה במלכו ושמונה שנים מלך בירושלם וילך בלא חמדה ויקברהו בעיר דויד ולא בקברות המלכים׃

  6. 2 דִּבְרֵי הַיָּמִים כ״ג:ג׳

    ויכרת כל הקהל ברית בבית האלהים עם המלך ויאמר להם הנה בן המלך ימלך כאשר דבר יהוה על בני דויד׃

  7. 2 דִּבְרֵי הַיָּמִים כ״ג:ט׳

    ויתן יהוידע הכהן לשרי המאות את החניתים ואת המגנות ואת השלטים אשר למלך דויד אשר בית האלהים׃

  8. 2 דִּבְרֵי הַיָּמִים כ״ג:י״ח

    וישם יהוידע פקדת בית יהוה ביד הכהנים הלוים אשר חלק דויד על בית יהוה להעלות עלות יהוה ככתוב בתורת משה בשמחה ובשיר על ידי דויד׃

  9. 2 דִּבְרֵי הַיָּמִים כ״ד:ט״ז

    ויקברהו בעיר דויד עם המלכים כי עשה טובה בישראל ועם האלהים וביתו׃

  10. 2 דִּבְרֵי הַיָּמִים כ״ד:כ״ה

    ובלכתם ממנו כי עזבו אתו במחליים רבים התקשרו עליו עבדיו בדמי בני יהוידע הכהן ויהרגהו על מטתו וימת ויקברהו בעיר דויד ולא קברהו בקברות המלכים׃

  11. 2 דִּבְרֵי הַיָּמִים כ״ז:ט׳

    וישכב יותם עם אבתיו ויקברו אתו בעיר דויד וימלך אחז בנו תחתיו׃

  12. 2 דִּבְרֵי הַיָּמִים כ״ח:א׳

    ¶ בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה כדויד אביו׃

  13. 2 דִּבְרֵי הַיָּמִים כ״ט:ב׳

    ויעש הישר בעיני יהוה ככל אשר עשה דויד אביו׃

  14. 2 דִּבְרֵי הַיָּמִים כ״ט:כ״ה

    ויעמד את הלוים בית יהוה במצלתים בנבלים ובכנרות במצות דויד וגד חזה המלך ונתן הנביא כי ביד יהוה המצוה ביד נביאיו׃

  15. 2 דִּבְרֵי הַיָּמִים כ״ט:כ״ו

    ויעמדו הלוים בכלי דויד והכהנים בחצצרות׃

  16. 2 דִּבְרֵי הַיָּמִים כ״ט:כ״ז

    ויאמר חזקיהו להעלות העלה להמזבח ובעת החל העולה החל שיר יהוה והחצצרות ועל ידי כלי דויד מלך ישראל׃

  17. 2 דִּבְרֵי הַיָּמִים כ״ט:ל׳

    ויאמר יחזקיהו המלך והשרים ללוים להלל ליהוה בדברי דויד ואסף החזה ויהללו עד לשמחה ויקדו וישתחוו׃

  18. 2 דִּבְרֵי הַיָּמִים ל׳:כ״ו

    ותהי שמחה גדולה בירושלם כי מימי שלמה בן דויד מלך ישראל לא כזאת בירושלם׃

  19. 2 דִּבְרֵי הַיָּמִים ל״ב:ה׳

    ויתחזק ויבן את כל החומה הפרוצה ויעל על המגדלות ולחוצה החומה אחרת ויחזק את המלוא עיר דויד ויעש שלח לרב ומגנים׃

  20. 2 דִּבְרֵי הַיָּמִים ל״ב:ל׳

    והוא יחזקיהו סתם את מוצא מימי גיחון העליון ויישרם למטה מערבה לעיר דויד ויצלח יחזקיהו בכל מעשהו׃

  21. 2 דִּבְרֵי הַיָּמִים ל״ב:ל״ג

    וישכב יחזקיהו עם אבתיו ויקברהו במעלה קברי בני דויד וכבוד עשו לו במותו כל יהודה וישבי ירושלם וימלך מנשה בנו תחתיו׃

  22. 2 דִּבְרֵי הַיָּמִים ל״ג:ז׳

    וישם את פסל הסמל אשר עשה בבית האלהים אשר אמר אלהים אל דויד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעילום׃

  23. 2 דִּבְרֵי הַיָּמִים ל״ג:י״ד

    ואחרי כן בנה חומה חיצונה לעיר דויד מערבה לגיחון בנחל ולבוא בשער הדגים וסבב לעפל ויגביהה מאד וישם שרי חיל בכל הערים הבצרות ביהודה׃

  24. 2 דִּבְרֵי הַיָּמִים ל״ד:ב׳

    ויעש הישר בעיני יהוה וילך בדרכי דויד אביו ולא סר ימין ושמאול׃

  25. 2 דִּבְרֵי הַיָּמִים ל״ד:ג׳

    ובשמונה שנים למלכו והוא עודנו נער החל לדרוש לאלהי דויד אביו ובשתים עשרה שנה החל לטהר את יהודה וירושלם מן הבמות והאשרים והפסלים והמסכות׃