פסוקים על Jonathan: 1. A Levite of Bethlehem, who becomes a priest for Micah; accepts idolatry; joins the Danites

7 פסוקים · 11 היבטים

פסוקים על 1. A Levite of Bethlehem, who becomes a priest for Micah; accepts idolatry; joins the Danites

שֹׁפְטִים י״ז:ז׳
ויהי נער מבית לחם יהודה ממשפחת יהודה והוא לוי והוא גר שם׃
שֹׁפְטִים י״ז:ח׳
וילך האיש מהעיר מבית לחם יהודה לגור באשר ימצא ויבא הר אפרים עד בית מיכה לעשות דרכו׃
שֹׁפְטִים י״ז:ט׳
ויאמר לו מיכה מאין תבוא ויאמר אליו לוי אנכי מבית לחם יהודה ואנכי הלך לגור באשר אמצא׃
שֹׁפְטִים י״ז:י׳
ויאמר לו מיכה שבה עמדי והיה לי לאב ולכהן ואנכי אתן לך עשרת כסף לימים וערך בגדים ומחיתך וילך הלוי׃
שֹׁפְטִים י״ז:י״א
ויואל הלוי לשבת את האיש ויהי הנער לו כאחד מבניו׃
שֹׁפְטִים י״ז:י״ב
וימלא מיכה את יד הלוי ויהי לו הנער לכהן ויהי בבית מיכה׃
שֹׁפְטִים י״ז:י״ג
ויאמר מיכה עתה ידעתי כי ייטיב יהוה לי כי היה לי הלוי לכהן׃