Mistari ya Biblia kuhusu Music

Wajumbe watakuja kutoka Misri, Kushi atajisalimisha kwa Mungu.

Mwimbieni Mungu, enyi falme za dunia, mwimbieni Bwana sifa,

mwimbieni sifa yeye apandaye mbingu za kale zilizo juu, yeye angurumaye kwa sauti kuu.

Tangazeni uwezo wa Mungu, ambaye fahari yake iko juu ya Israeli, ambaye uwezo wake uko katika anga.

Ee Mungu, wewe unatisha katika mahali patakatifu pako, Mungu wa Israeli huwapa watu wake uwezo na nguvu. Mungu Asifiwe!

Ee Mungu wangu, nitakusifu kwa kinubi kwa ajili ya uaminifu wako; Ee Uliye Mtakatifu wa Israeli, nitakuimbia sifa kwa zeze.

Kwa mwimbishaji. Mtindo wa gitithi. Zaburi ya Asafu. Mwimbieni kwa furaha, Mungu aliye nguvu yetu; mpigieni kelele za shangwe Mungu wa Yakobo!

Anzeni wimbo, pigeni matari, pigeni kinubi na zeze kwa sauti nzuri.

Pigeni baragumu za pembe za kondoo dume wakati wa Mwandamo wa Mwezi, na wakati wa mwezi mpevu, katika siku ya Sikukuu yetu;

Watakapokuwa wanapiga vinanda wataimba, “Chemchemi zangu zote ziko kwako.”

Zaburi. Wimbo wa siku ya Sabato. Ni vyema kumshukuru Bwana na kuliimbia jina lako, Ee Uliye Juu Sana,

kuutangaza upendo wako asubuhi, na uaminifu wako wakati wa usiku,

kwa zeze yenye nyuzi kumi na kwa sauti ya kinubi.

Njooni, tumwimbie Bwana kwa furaha; tumfanyie kelele za shangwe Mwamba wa wokovu wetu.

Tuje mbele zake kwa shukrani, tumtukuze kwa vinanda na nyimbo.

Zaburi. Mwimbieni Bwana wimbo mpya, kwa maana ametenda mambo ya ajabu; kitanga chake cha kuume na mkono wake mtakatifu umemfanyia wokovu.

Bwana ameufanya wokovu wake ujulikane na amedhihirisha haki yake kwa mataifa.

Ameukumbuka upendo wake na uaminifu wake kwa nyumba ya Israeli; miisho yote ya dunia imeuona wokovu wa Mungu wetu.

Mpigieni Bwana kelele za shangwe, dunia yote, ipaze sauti kwa nyimbo za shangwe na vinanda;

mwimbieni Bwana kwa kinubi, kwa kinubi na sauti za kuimba,

kwa tarumbeta na mvumo wa baragumu za pembe za kondoo dume: shangilieni kwa furaha mbele za Bwana, aliye Mfalme.

Bahari na ivume na kila kiliomo ndani yake, dunia na wote wakaao ndani yake.

Mito na ipige makofi, milima na iimbe pamoja kwa furaha,

Nitamwimbia Bwana maisha yangu yote; nitaimba sifa kwa Mungu wangu muda wote ninaoishi.

Mwimbieni yeye, mwimbieni yeye sifa, waambieni matendo yake yote ya ajabu.