פסוקים על Music

יאתיו חשמנים מני מצרים כוש תריץ ידיו לאלהים׃

ממלכות הארץ שירו לאלהים זמרו אדני סלה׃

לרכב בשמי שמי קדם הן יתן בקולו קול עז׃

תנו עז לאלהים על ישראל גאותו ועזו בשחקים׃

נורא אלהים ממקדשיך אל ישראל הוא נתן עז ותעצמות לעם ברוך אלהים׃

גם אני אודך בכלי נבל אמתך אלהי אזמרה לך בכנור קדוש ישראל׃

¶ למנצח על הגתית לאסף הרנינו לאלהים עוזנו הריעו לאלהי יעקב׃

שאו זמרה ותנו תף כנור נעים עם נבל׃

תקעו בחדש שופר בכסה ליום חגנו׃

ושרים כחללים כל מעיני בך׃

¶ מזמור שיר ליום השבת טוב להדות ליהוה ולזמר לשמך עליון׃

להגיד בבקר חסדך ואמונתך בלילות׃

עלי עשור ועלי נבל עלי הגיון בכנור׃

¶ לכו נרננה ליהוה נריעה לצור ישענו׃

נקדמה פניו בתודה בזמרות נריע לו׃

¶ מזמור שירו ליהוה שיר חדש כי נפלאות עשה הושיעה לו ימינו וזרוע קדשו׃

הודיע יהוה ישועתו לעיני הגוים גלה צדקתו׃

זכר חסדו ואמונתו לבית ישראל ראו כל אפסי ארץ את ישועת אלהינו׃

הריעו ליהוה כל הארץ פצחו ורננו וזמרו׃

זמרו ליהוה בכנור בכנור וקול זמרה׃

בחצצרות וקול שופר הריעו לפני המלך יהוה׃

ירעם הים ומלאו תבל וישבי בה׃

נהרות ימחאו כף יחד הרים ירננו׃

אשירה ליהוה בחיי אזמרה לאלהי בעודי׃

שירו לו זמרו לו שיחו בכל נפלאותיו׃